លោក ចាន់ ​វណ្ណធឿនធ្វើឲ្យនាយកដ្ឋាន​ប្រឆាំង​បទល្មើស ​សេដ្ឋកិច្ច​ នៃ​ក្រសួងមហាផ្ទៃច្របូកច្របល់ ដោយសារបក្ខពួកនិង ពុករលួយ

 

លោក ចាន់ វណ្ណធឿនប្រធានថ្មីនៃនាយកដ្ឋាននគរបាលប្រឆាំងបទល្មើសសេដ្ឋកិច្ច

ដោយ លោក នុប គីម

លោកឧត្តម​សេនីយ៏ឯក(ផ្កាយ៣)​ ចាន់​ វណ្ណធឿនប្រធាន នាយកដ្ឋាន​ប្រឆាំង​បទល្មើស​សេដ្ឋកិច្ច
 ​នៃ​ក្រសួងមហាផ្ទៃ ដែលទើបតែងតាំងថ្មីរងការ​រិះគន់​ធ្ងន់ៗពីសំណាក់ មន្ត្រីនគរបាលនៃអង្គភាព​មួយ​នេះ​ថា «បាន​ចាត់​តាំងតែ​មន្ត្រី​ជា​បក្សពួក​របស់ខ្លួន​ឲ្យ​ចុះ​បំពេញបេសកកម្ម តាម​បណ្តា​រាជធានី ខេត្ត​/​ក្រុង ហើយ​ការចាត់តាំង​នោះ​ពោល​ពេញ​ដោយ​អំពើពុករលួយនិងបក្ខពួកនិយមដោយបង្កឲ្យ
មានភាពចម្រូងចម្រាសនិងច្របូកច្របល់នៅក្នុងស្ថាប័នរដ្ឋមួយនេះថែមទៀត» ។

​ប្រភពព័ត៌មាន ពីនាយកដ្ឋានខ្លាញ់មួយនេះឲ្យដឹងថា សព្វថ្ងៃនេះ មន្ត្រីនគរបាល​ចាប់ពី​នាយរង
​ផ្នែក​ដល់​ប្រធានការិយាល័យ​នៃ​នាយកដ្ឋាន​ ប្រឆាំង​បទល្មើស​សេដ្ឋកិច្ច កំពុង​ច្របូក​ច្របល់ខ្លាំង
ណាស់​នៅពេលដែល​លោក ចាន់ វណ្ណ​ធឿន ប្រធាន​នាយកដ្ឋាន ចាប់ផ្តើមដោះដូរ​ការងារ​មួយ
ចំនួន​ដែល​មិនមាន​ភាពប្រក្រតី ហើយ​បានដាក់​មន្ត្រី​ដែលជា​បក្ខពួក​របស់ខ្លួន​ឲ្យ​ទៅ​បំពេញការងារ​នៅ​ប៉ុស្តិ៍​ សំខាន់ៗ ក្នុងនោះ​រួមមាន​៖ លោក​ឧ​ត្ត​ម​សេនីយ៍​ត្រី អ៊ុំ ម៊ូ​នី អនុប្រធាននាយកដ្ឋាន និង​ជា​ជំនួយការ​របស់លោកឲ្យ​គ្រប់គ្រង​តំបន់​រាជធានី​ភ្នំពេញ គ្រា​ដែល​តំបន់​នេះ​ពីមុន​គ្រប់គ្រង​ដោយ​លោក​ឧ​ត្ត​ម​សេនីយ៍ ត្រីឡុង ស្រេង អនុប្រធាននាយកដ្ឋានដែរ ។ ចំណែក​ឧ​ត្ត​ម​សេនីយ៍​ត្រី ជា ជឿនអនុប្រធាននាយកដ្ឋាន​និង​ជា​ជំនួយការ​ប្រធាន​ឲ្យ​គ្រប់គ្រង​ខេត្តស្ទឹងត្រែង ខណៈដែល​ 
លោក​វរសេនីយ៍ឯកនង សោភា ដែលជា​ជំនួយការ​លោក​ប្រធាន​នាយកដ្ឋាន​ដែល​នោះ គ្រប់គ្រង​ខេត្តកណ្តាល ។​

​ប្រភពព័ត៌មាន​ដដែល​បាន​បញ្ជាក់ថា ក្រៅពី​ចាត់តាំង​អស់លោក​ខាងលើនេះ  លោក ចាន់ វណ្ណ​ធឿន ក៏បាន​ចាត់តាំង​មន្ត្រីនគរបាល​ដែលជា​មនុស្ស​ជំនិត​របស់ខ្លួន​ជាច្រើននាក់​ទៀត​ឲ្យ​ ទៅគ្រប់​គ្រង
ខេត្ត​/​ក្រុង ដែល​គេ​គិតថា ជា​ប៉ុស្តិ៍​ខ្លាញ់ ដើម្បី​ប្រមូល​ថវិកា​មក​ផ្តល់ជូនរូបលោកនិង​ថ្នាក់លើ​ថែម
ទៀតដែលក្នុងមួយខែៗរាប់សែនដុល្លារសហរដ្ឋអាមេរិក ។​

​បើតាម​ មន្ត្រីនគរបាល ដែល​មិន​សប្បាយចិត្ត​ជាមួយ​លោក ចាន់ វណ្ណ​ធឿន បាន​ឲ្យ​ដឹងថានាយក

ដ្ឋាន ​ប្រឆាំង​បទល្មើស​សេដ្ឋកិច្ច​ក្រសួងមហាផ្ទៃ នៅតែ​បន្ត​អនុវត្ត​ប្រពៃណី​ដេញថ្លៃ​លិខិត​បេសក
កម្ម ឬ​ហៅ​កាត់​ថា (លិខិតP) ដដែល​បើទោះជា​មានការ​ផ្លាស់ប្តូរ​ប្រធាន​នាយកដ្ឋាន​ហើយក៏​ដោយ ហើយ​ការដេញថ្លៃ លិខិតP នេះ គឺ​អ្នកមានអំណាច មាន​ខ្សែ មាន​លុយ​គឺជា​អ្នកឈ្នះ ។ ចំណែក
មន្ត្រីប៉ូលិស​ ដែល​គ្មាន​កត្តា​បី​ខាងលើនេះ បើទោះជា​ខិតខំ​ធ្វើការ​ងារ​និង​មាន​ស្នាដៃ​ល្អ​យ៉ាងណា
ក៏ដោយ​ក៏​គ្មាន​វាសនា​ ដេញថ្លៃ​យកលិខិត P បានដែរ ។​ដូច្នេះសូមលោកនាយករដ្ឋមន្ត្រី​ហ៊ុន សែន
និងលោកស ​ខេងរដ្ឋមន្ត្រីក្រសួងមហាផ្ទៃពិនិត្យមើលករណីជាបន្ទាន់ដើម្បីជៀសវាងបញ្ហាធំផ្ទុះ
ឡើង។

​មន្ត្រីនគរបាល​បាន​លើកឡើងថា តម្លៃ លិខិតP នីមួយៗ គឺមាន​ចាប់ពី​១​ម៉ឺន​ដុល្លារ​ដល់​៥​ម៉ឺន
​ដុល្លារ ក្នុង​មួយខែ ដែល​អ្នកដេញថ្លៃ លិខិតP បាន​ត្រូវ​បង់​មក​ប្រធាន​នាយកដ្ឋាន ហើយ​លុយ
 ​ដែល​ប្រមូលបាន​ពី​ការដេញថ្លៃ លិខិតP បាន​នោះ​គឺ​ត្រូវប្រគល់​ឲ្យលោកប្រធាននាយកដ្ឋានចាន់​វណ្ណធឿន​ទាំងអស់ ដោយ​មិនមាន​វិក្ក័យបត្រ​នោះទេ មានន័យថា លុយ​ទាំងអស់នោះ​ត្រូវ​ចូលក្នុង​ 
ហោប៉ៅ លោក​ចាន់​វណ្ណធឿន​ទាំងអស់​និង​មិនមែនជា​ចំណូល​ថវិការដ្ឋ​នោះឡើយ ។​

​ដោយសារតែអំពើពុករលួយបែបនេះទើបមន្ត្រីនគរបាល​នៃ​នាយកដ្ឋាន​ប្រឆាំង​បទល្មើស​សេដ្ឋកិច្ច​បាន​ សំដែង នូវ​ការខកចិត្ត​យ៉ាងខ្លាំង​ក្នុងពេលដែល​មើលឃើញ​ចំណាត់ការ​លោក​ប្រធានចាន់​វណ្ណធឿន​ដោយ​ មិនមាន​ប្រក្រតីភាព តម្លាភាព​ដូច្នេះ ហើយ​ចំណាត់ការ​នោះបាន​បង្ហាញ​នូវ​អំពើ

ពុករលួយ​ជា​ប្រពៃណី​របស់​នាយកដ្ឋាន​ មួយ​នេះ បើទោះជា​រាជរដ្ឋាភិបាល​ឬ​ក្រសួងមហាផ្ទៃ​អំពាវ

នាវ​ឲ្យ​មាន​កំណែទម្រង់​ ស៊ីជម្រៅ​ក៏ដោយ ។​
​មន្ត្រីនគរបាល​ស្ទើរតែ​ទាំងអស់​ក្នុង​នាយកដ្ឋាន​នេះ ទាមទារ​ឲ្យលោករដ្ឋមន្ត្រី​ក្រសួងមហាផ្ទៃ
ស ​ខេង និងលោកហ៊ុន សែន នាយករដ្ឋមន្ត្រី ចាត់វិធានការ​ធ្វើការ​អង្កេត​ឬ​អធិការកិច្ច​លើប្រធាន

នាយកដ្ឋាននគរបាលជាតិមួយ​នេះ ដើម្បី​កែលម្អ​ចរិកការងារនិងទប់ស្កាត់អំពើពុករលួយនិង

បក្ខពួកនិយម​ដែល​កំពុងរីករាលដាលនិងបង្កភាពច្របូកច្របល់នៅក្នុងនាយកដ្ឋាននគរបាល

ជាតិមួយនេះ៕