.jpg)
អ្នកស្រី ទេព វន្នី(ឆ្វេង)មិនទាន់ មានសេរីភាព ចំណែកអ្នកស្រីបូវ សោភាមានស្រីភាពវិញហើយ
កាលពីយប់ថ្ងៃ ទី ២២ សីហា
ដោយ លោក នុប គីម
តុលាការភ្នំពេញសម្រេចដោះលែងសកម្មជនដីធ្លីបឹងកក់ម្នាក់គឺអ្នកស្រី បូវ សោភា ឲ្យមានសេរីភាពវិញហើយ នៅម៉ោង៨ និង ៤០នាទីយប់ថ្ងៃទី២២ សីហាក៏ប៉ុន្តែបន្តឃុំខ្លួនអ្នកស្រីទេពវន្នីដោយអ្នក
ស្រីត្រូវបានតុលាការចោទប្រកាន់ពីបទបង្កហិង្សាដោយចេតនាកាលពីធ្វើបាតុកម្មនៅក្នុងឆ្នាំ ២០១៣។
ចំណែកអ្នកស្រី បូវ សោភាដែលមានសេរីភាពវិញនោះបាន ថ្លែងបន្ទាប់ពីចេញពីពន្ធនាគារថា ការចាប់ខ្លួន ឃុំខ្លួន និងកាត់ទោសអ្នកស្រី និងអ្នកស្រី ទេព វន្នី ជារឿងអយុត្តិធម៌។ អ្នកស្រីអះអាងថា ពួកគាត់មិនបានប្រព្រឹត្តខុសដូចការចោទប្រកាន់ឡើយ។
ទាក់ទងនឹងយុទ្ធនាការថ្ងៃច័ន្ទពណ៌ខ្មៅវិញ សហគមន៍បឹងកក់ខកខានមិនបានរៀបចំយុទ្ធនាការនេះទេនៅថ្ងៃច័ន្ទ ទី២២ សីហា នេះ ក៏ប៉ុន្តែអ្នកស្រី បូវ សោភា អះអាងថា អ្នកស្រីនឹងបន្តរៀបចំយុទ្ធនា
ការថ្ងៃច័ន្ទពណ៌ខ្មៅនេះទៀត បើទោះជារងការចាប់ខ្លួនក្ដីដើម្បីទាមទារយុត្តិធម៌ជូនមន្ត្រីសិទ្ធិមនុស្ស
អាដហុក៤នាក់និងមន្ត្រី គ.ជ.ប ម្នាក់ព្រមទាំងទាមទាររកយុត្តិធម៌ជូនលោកកែម ឡីផងដែរ៕
0 comments:
Post a Comment