សកម្មជនបឹងកក់អ្នកស្រី
ទេព វណ្នីនិងអ្នក ស្រីបូវសោភាពេលបញ្ជូនមកដល់តុលាការកាល
ពីល្ងាច ថ្ងៃ ទី ១៧ សីហា
ពីល្ងាច ថ្ងៃ ទី ១៧ សីហា
ដោយ កញ្ញា សុខឆេង
ចៅក្រមសាលាដំបូងរាជធានីភ្នំពេញ សម្រេចចោទប្រកាន់សកម្មជនបឹងកក់២នាក់
គឺអ្នកស្រី ទេព វន្នី និងលោកស្រី បូវ សោភា
ពីបទញុះញង់ឲ្យប្រព្រឹត្តិបទឧក្រិដ្ឋជាអាទិ៍ តាមមាត្រា៤៩៥ នៃក្រម
ព្រហ្មទណ្ឌកាលពីល្ងាចថ្ងៃ
ទី១៧សីហាហើយអ្នកទាំងពីរអាចប្រឈមនឹងការជាប់ពន្ធនាគារពី
៦ខែទៅ២ឆ្នាំ។
ព្រះរាជអាជ្ញារង
និងជាអ្នកនាំពាក្យសាលាដំបូងរាជធានីភ្នំពេញ លោក លី សុផាណា ថ្លែងឲ្យដឹង
តាមបណ្ដាញទំនាក់ទំនងតេឡេក្រាម (Telegram) នៅ ល្ងាចថ្ងៃទី១៧
សីហា ថា បន្ទាប់ពីដំណើរការសវនាការ
ចៅក្រមជំនុំជម្រះសម្រេចឃុំខ្លួនជនជាប់ចោទទាំង២រូបគឺអ្នកស្រី ទេព
វន្នី និងលោកស្រី បូវ សោភា នៅពន្ធនាគារព្រៃស ជាបណ្ដោះអាសន្ន ហើយនឹងបន្តសវនាការនៅព្រឹកថ្ងៃទី២២
ខែសីហា។
មាត្រា៤៩៥ នៃក្រមព្រហ្មទណ្ឌ ចែងអំពីបទញុះញង់ឲ្យប្រព្រឹត្តិបទឧក្រិដ្ឋជាអាទិ៍
ថា អំពើញុះញង់ដោយផ្ទាល់ឲ្យប្រព្រឹត្តិបទឧក្រិដ្ឋ ឬប្រព្រឹត្តិអំពើបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម តាមមធ្យោបាយណាមួយ
ក្នុងចំណោមមធ្យោបាយ ដែលចែងក្នុងមាត្រា៤៩៥ នៃក្រមព្រហ្មទណ្ឌ
នឹងត្រូវផ្ដន្ទាទោសដាក់ពន្ធនាគារ ពី៦ខែ ដល់២ឆ្នាំ និងពិន័យជាប្រាក់ពី១លាន
ដល់៤លានរៀល បើការញុះញង់នេះគ្មានប្រសិទ្ធភាពទេ។
អ្នកស្រី ទេព វន្នី ថ្លែងពេលដែលសមត្ថកិច្ចបញ្ជូនមកដល់តុលាការកាលពីព្រឹកមិញថា សមត្ថកិច្ចខណ្ឌដូនពេញបានសាកសួរអ្នកស្រី
និងអ្នកស្រី បូវ សោភា
ពីប្រភពនៃទីងមោង ក្រវិល ទៀន ធូប ទង់អង្គការសហប្រជាជាតិ ទង់ជាតិ រួមនឹងសម្ភារៈផ្សេងទៀត
ដែលសហគមន៍បឹងកក់ យកមកធ្វើយុទ្ធនាការថ្ងៃច័ន្ទពណ៌ខ្មៅ។
ទោះយ៉ាងណា អ្នកស្រី ទេព វន្នី
ឆ្លើយតបថា មិនមានច្បាប់ណាមួយហាមប្រាមពលរដ្ឋមិនឲ្យយកសម្ភារៈទាំងនេះ រៀបចំយុទ្ធនាការតស៊ូមតិនោះទេ។
ចំណែកពលរដ្ឋដែលរស់នៅក្នុងសហគមន៍ផ្សេងទៀតក្នុងរាជធានី ភ្នំពេញប្រមាណ២០នាក់
ក៏មកជួបជុំគ្នានៅមុខតុលាការ
កាន់បដាស្រែកទាមទារ ឲ្យដោះលែងអ្នកស្រី ទេព វន្នី
និងលោកស្រី បូវ សោភា។
តំណាងសហគមន៍ជម្លោះដីធ្លីនៅតំបន់បឹងកក់
អ្នកស្រី ទេព វន្នី និងលោកស្រី បូវ សោភា ត្រូវបានសមត្ថកិច្ចខណ្ឌដូនពេញ
ឃុំខ្លួនសាកសួរ ក្រោយពីចាប់ខ្លួនអ្នកទាំង២
កាលពីល្ងាចថ្ងៃច័ន្ទ ទី១៥ សីហា
ក្នុងពេលធ្វើយុទ្ធនាការ
«ថ្ងៃច័ន្ទពណ៌ខ្មៅ»
ដែល ធ្វើឡើងនៅក្នុងសហគមន៍បឹងកក់ ដើម្បីបន្តទាមទារឲ្យដោះលែងសកម្មជនសិទ្ធិមនុស្ស
អ្នកទោសមនសិការ ទាមទារឲ្យស្វែងរកយុត្តិធម៌ជូនបណ្ឌិត
កែម ឡី និងទាមទារឲ្យអាជ្ញាធរដោះស្រាយជម្លោះដីធ្លីក្នុងសហគមន៍ពួកគាត់ឲ្យ ចប់សព្វ
គ្រប់។
បញ្ហាអ្នកបឹងកក់នេះបានក្លាយជាឆ្នាំងបាយរបស់អ្នកនយោបាយប្រឆាំងនិងសង្គមស៊ីវិលមួយចំនួន
ជាយូរមកហើយ។ដោយមើលឃើញថាបញ្ហាបឹងកក់ជាករណីដ៏ស៊ាំដដែលៗទើបធនាគារពិភព
លោក(World Bank) ក៏ដូចជាធនាគារអភិវឌ្ឍន៏អាស៊ី
(ADB) ឈប់ចាប់អារម្មណ៏ហើយក៏ផ្តល់ជំនួយ
ឲ្យរដ្ឋាភិបាលនិងសាលារាជធានីភ្នំពេញដើម្បីអភិវឌ្ឍតំបន់នោះទៀតផង៕
0 comments:
Post a Comment