លោកនាយករដ្ឋមន្ត្រី ហ៊ុន សែននៅក្នុងវេទិកាស្ដីពីការការពារ
និង
អភិរក្សធនធានធម្មជាតិ នៅវិមានសន្តិភាព នៅថ្ងៃទី២២ សីហានេះ។
លោកនាយករដ្ឋមន្ត្រី ហ៊ុន សែន នៅថ្ងៃចន្ទនេះសម្តែងកំហឹងយ៉ាងខ្លាំងចំពោះពលរដ្ឋខ្មែរ-អាមេរិក
កាំងម្នាក់ដែលប្រមាថមកលើក្រុមគ្រួសាររបស់លោកតាមបណ្តាញសង្គមហ្វេសប៊ុកនាពេលកន្លង
មក។
ករណីនេះ លោកនាយករដ្ឋមន្ត្រីក៏ស្នើឯកអគ្គរដ្ឋទូតសហរដ្ឋអាមេរិកប្រចាំកម្ពុជា មានវិធានការលើអ្នកប្រមាថដល់ក្រុមគ្រួសារលោករូបនោះទៀតផង។
លោក យ៉ុង ណុយ ហៅ Brady Young ជាពលរដ្ឋខ្មែរ-អាមេរិកកាំងដែលជាអ្នកសរសេរលើ
ហ្វេសប៊ុកពីករណីកូនប្រុសច្បងលោកហ៊ុន សែនថាជាកូនរបស់មេដឹកនាំយួនឡេ ដឹកថូ។
ការថ្លែងទាំងកំហឹងរបស់លោក ហ៊ុន សែនបែបនេះធ្វើឡើង ក្នុងវេទិកាស្ដីពីការការពារ និងអភិរក្សធនធានធម្មជាតិ នៅវិមានសន្តិភាព នៅថ្ងៃទី២២ សីហា ដោយលោកថា លោកនឹងមិនអត់ឱនដល់ជននោះឡើយ ហើយ បើជននោះនៅកម្ពុជា លោកនឹងចាប់ខ្លួនភ្លាម។
ទន្ទឹមនឹងនោះ គេសង្កេតឃើញអ្នកចូលផ្តល់យោបល់(comment)ក្នុងហ្វេសប៊ុករបស់លោកនាយ
រដ្ឋមន្ត្រីបានគាំទ្រការថ្លែងរបស់លោកដែលថានឹងចាប់ខ្លួនអ្នកប្រមាថមកលើគ្រួសាររបស់លោក
នោះយ៉ាងច្រើនផងដែរ។
ទោះជាយ៉ាងណាក៏ដោយ ក៏លោកហ៊ុន សែន មិនបានថ្លែងចំឈ្មោះថា ជននោះជានរណាឡើយ
ដោយលោក គ្រាន់តែបញ្ជាក់ថា ជននោះបានមើលងាយគ្រួសារលោក ដែលថាកូនប្រុសច្បងរបស់លោក គឺលោក ហ៊ុន ម៉ាណែត ជាកូនរបស់មេទ័ពវៀតណាម និងភរិយារបស់លោកបច្ចុប្បន្នគឺ
ជំទាវធំ ប៊ុន រ៉ានីហ៊ុនសែន។
នាពេលកន្លងទៅ អតីតសមាជិកគណបក្សសង្គ្រោះជាតិនៅសហរដ្ឋអាមេរិក លោក យ៉ង់ ណុយ ហៅ Brady Young បាន សរសេរនៅលើទំព័រហ្វេសប៊ុករបស់ខ្លួនថា កូនប្រុសច្បងរបស់លោកនាយករដ្ឋមន្ត្រី ហ៊ុន សែន លោក ហ៊ុន ម៉ាណែត គឺជាកូនប្រុសរបស់អ្នកនយោបាយវៀតណាម ឈ្មោះ ឡេ ឌឹក ថូ (Le Duc Tho) ជាមួយអ្នកស្រី ប៊ុន រ៉ានី និងលោកបានបង្ហោះវីដេអូឃ្លិបជាបន្តបន្ទាប់ ទាមទារឲ្យលោក ហ៊ុន សែន ពិនិត្យ DNA ជាមួយលោក ហ៊ុន ម៉ាណែតទៀតផង។
ប៉ុន្តែក្រោយមក គណបក្សសង្គ្រោះជាតិក៏សម្រេចបញ្ចប់សមាជិកភាពរបស់លោក យ៉ង់ ណុយ ពីគណបក្សរបស់ខ្លួន បន្ទាប់លោក ហ៊ុន សែន ខឹងសម្បារយ៉ាងខ្លាំងចំពោះជននេះ ព្រមទាំងព្រមានថា បើនរណាមិនឲ្យគ្រួសារលោកបានសុខ លោកក៏មិនឲ្យអ្នកនោះបានសុខដូចគ្នា។
ទទឹមនឹងនោះលោកសម រង្ស៊ីប្រធានគណបក្សសង្គ្រោះជាតិក៏បានសរសេរលិខិតមួយច្បាប់ជូន
\លោកនាយករដ្ឋមន្ត្រីហ៊ុន សែនដើម្បីសម្តែងការសោកស្តាយចំពោះការប្រមាថដ៏ធ្ងន់ធ្ងរអសីលធម៌និងគ្មានការពិតនេះ។ ក៏ប៉ុន្តែលោកហ៊ុន សែនបដិសេធមិនទទួលលិខិតនោះទេ
ដោយលោកថ្លែងថាលោកមិនស្គប់ស្គាល់នឹងលិខិតរបស់មេបក្សប្រឆាំងនោះឡើយ៕
0 comments:
Post a Comment