នាង ហេង ជីវ័ន្តជាកសិករម្នាក់នៅខេត្តបាត់ដំបងប្រមួលផលស្រូវរបស់នាងក្នុងទឹកមុខ
ញញឹមតែបែរជាអស់សង្ឈឹមនៅពេលតម្លៃស្រូវថោកហួសហេតុពេក
ដោយ លោក នុប គីម
បញ្ហាស្រូវរបស់កសិករខ្មែរចុះថោកឈានទៅដល់ការធ្វើបាតុកម្មហើយនៅពេលនេះបើទោះ
បីជាលោកនាយករដ្ឋមន្ត្រីហ៊ុន សែនបានប្រកាសកាលពីដើមសប្តាហ៏នេះថារដ្ឋាភិបាល
របស់លោកបានបញ្ចេញថវិកាជាតិប្រមាណ២០លានដុល្លារដើម្បីអន្តរាគមន៏តម្លៃស្រូវដ៏ថោក
នេះឲ្យបានងើបថ្លៃឡើងវិញ។
នៅម៉ោងជាង ១០ព្រឹកថ្ងៃទី១៨ កញ្ញា នេះប្រជាកសិករប្រមាណ ១ពាន់នាក់ យកគោយន្ត និងចាក់ស្រូវបិទផ្លូវជាតិលេខ៥ នៅចំណុចមុខសាលាឃុំកំពង់ព្រៀង ស្រុកសង្កែ ខេត្តបាត់ដំបង ទាមទារឲ្យអាជ្ញាធរដោះស្រាយបញ្ហាតម្លៃស្រូវធ្លាក់ចុះ និងរកទីផ្សារលក់ផលិតផលកសិផលរបស់ពួកគាត់។ ការបិទផ្លូវ កើតឡើងបន្ទាប់ពីតម្លៃស្រូវធ្លាក់ចុះថោក និងគ្មានទីផ្សារ ស្របពេលដែលកសិករចាប់ផ្ដើមប្រមូលផលកសិផលរបស់ពួកគេ។
ការតវ៉ាបិទផ្លូវនេះ បណ្ដាលឲ្យកកស្ទះចរាចរណ៍ប្រមាណ ១៥គីឡូម៉ែត្រនៅលើផ្លូវជាតិលេខ៥ ដោយរថយន្តជាច្រើនគ្រឿងត្រូវឈប់មិនអាចបន្តដំណើរទៅមុខបាន។
ទាក់ទងនឹងបញ្ហាដ៏ធ្ងន់ធ្ងររបស់កសិករនៅទូទាំងប្រទេសនេះលោកនាយករដ្ឋមន្ត្រី ហ៊ុន សែន បានប្រកាសបញ្ចេញថវិកាប្រមាណជិត ២០លានដុល្លារសហរដ្ឋអាមេរិក ដើម្បីជួយអន្តរាគមន៍ពាក់ព័ន្ធការធ្លាក់ចុះនៃតម្លៃស្រូវរបស់ ប្រជាកសិករទាំងអស់ កាលពីថ្ងៃទី១៦ កញ្ញា នៅលើគណនីហ្វេសប៊ុក (facebook) របស់លោក។
ដោយសារបញ្ហានេះដែរ រដ្ឋមន្ត្រីក្រសួងកសិកម្ម លោក វេង សាខុន ក៏បានសុំការអភ័យទោសប្រជាពលរដ្ឋ ពិសេសកសិករ នៅពេលដែលក្រសួងរបស់លោកមិនអាចជួយដោះស្រាយកង្វល់ពួកគេពាក់ព័ន្ធ នឹងបញ្ហាក្រុមឈ្មួញបន្ទាបតម្លៃកសិផល ដែលបានកើតឡើងក្នុងរយៈពេលប៉ុន្មានថ្ងៃកន្លងទៅនេះ។
ចំណែកលោកសម រង្ស៊ីប្រធានគណបក្សសង្គ្រោះជាតិនៅឯបរទេសវិញនោះក៏បានឆក់ឱកាស
នេះវាយប្រហារលោកហ៊ុនសែនពីការអសមត្ថភាពក្នុងការរកទីផ្សារសម្រាប់កសិផលរបស់
កសិករដែលមានចំនួន៨៥ភាគរយជាអ្នកធ្វើស្រែចំការ។
លោកសមរង្ស៊ីក៏ជំរុញឲ្យលោកហ៊ុនសែនចុះចេញពីអំណាចផងដែរដោយលោកលើកឡើង
ថាសូម្បីតែគល់ស្លឹកគ្រៃក៏កម្ពុជាក្រោមការដឹកនាំរបស់នាយករដ្ឋមន្ត្រីរូបនេះក៏ត្រូវនាំចូលពី
ប្រទេសជិតខាងដែរ៕
កសិករជាង១០០០នាក់នៅបាត់ដំបងបាតុកម្មប្រឆាំងតម្លៃថោកនៃស្រូវរបស់ពួកគេដោយបិទ
ផ្លូវជាតិលេខ៥នៅព្រឹកមិញនេះ។
0 comments:
Post a Comment