ជនសង្ស័យគប់គ្រាប់បែកនៅសង្កាត់បឹងកេង៣ចំនួន៨នាក់ត្រូវបានចាប់ខ្លួន
ជាមួយភស្តុតាងដាក់នៅលើតុនេះ
ជាមួយភស្តុតាងដាក់នៅលើតុនេះ
ដោយកញ្ញា សុខ ឆេង
នៅព្រឹកថ្ងៃសុក្រនេះ សមត្ថកិច្ចនគរបាលព្រហ្មទណ្ឌនៃអគ្គស្នងការនគរបាលជាតិបង្ហាញជនសង្ស័យគប់គ្រាប់បែកនៅបឹងកេងកង៣
ចំនួន៨នាក់ដោយអះអាង ថា ក្នុងចំណោមជនសង្ស័យទាំង៨នាក់នេះ មានជនជាតិវៀតណាម៣នាក់ និងខ្មែរ៥នាក់
ក្នុងនោះស្រី៣នាក់ រួមនឹងកាំភ្លើងខ្លីមួយដើម និងវត្ថុតាងផ្សេងទៀតដែលត្រូវបានរឹបអូសពីជនសង្ស័យទាំងនោះ។
ស្នងការនគរបាលរាជធានីភ្នំពេញ លោក ជួន
សុវណ្ណ អះអាងក្នុងសន្និសីទបង្ហាញជនសង្ស័យនេះថា ក្រៅពីការចាប់ខ្លួនជនសង្ស័យទាំង៨នាក់នេះ សមត្ថកិច្ចនឹងបន្តវិធានការរកជនសង្ស័យពាក់ព័ន្ធផ្សេងទៀត រួមនឹងអ្នកសមគំនិតដែលប្រគល់អាវុធ និងគ្រាប់បែកផ្ទុះដល់ជនដែលប្រព្រឹត្តិទាំង
នេះ។
ទោះជាយ៉ាងណាក៏ដោយ លោក ជួន សុវណ្ណ
បញ្ជាក់ថា ករណីបំផ្ទុះគ្រាប់បែកប៉ុនប៉ងមនុស្សឃាតនេះ
គឺជារឿងគំនុំបុគ្គលកើតចេញពីរឿងស្នេហា។
ក្រោយបង្ហាញជនសង្ស័យទាំង៨នាក់នោះហើយ
សមត្ថកិច្ចក៏បញ្ជូនពួកគេទៅកាន់សាលាដំបូងរាជធានីភ្នំពេញ
ដើម្បីសាកសួរតាមនីតិវិធី។
ករណីបំផ្ទុះគ្រាប់បែកនេះបានកើតឡើងកាលពីយប់ ថ្ងៃទី៦
កញ្ញា នៅលើកំណាត់ផ្លូវលេខ១៦៣ ក្នុងសង្កាត់បឹងកេងកង៣ ខណ្ឌចំការមន និងបណ្ដាលឲ្យមនុស្សចំនួន
៤នាក់រងរបួស និងរថយន្ត
៣គ្រឿងរងការខូចខាត។ ប៉ុន្មានម៉ោងក្រោយមក បណ្ដាញសង្គមហ្វេសប៊ុកខ្លះបានបង្ហាញវីដេអូនៃសកម្មភាពនោះ មានបុរសពីរនាក់ជិះម៉ូតូទម្លាក់គ្រាប់បែកមួយគ្រាប់ ចំពេលមានរថយន្តឡិចស៊ីសសេរី៣៣០ (Lexus) មួយគ្រឿងបើកបរនៅលើផ្លូវនោះដែរ។
ចំណែកអ្នករងរបួសទាំង៤នាក់នោះ២នាក់ជាជនជាតិវៀតណាមម្នាក់ជាជនជាតិឥណ្ឌានិងម្នាក់
ទៀតជាជនជាតិខ្មែរដែលកំពុងបានធ្វើដំណើរឆ្លងកាត់ផ្លូវនោះ៕
0 comments:
Post a Comment