.jpg)
អតីតសមាជិកព្រឹទ្ធសភាបក្សសម រង្ស៊ីអ្នកស្រី ថាក់ ឡានីគេចខ្លួនទៅក្រៅប្រទេសដោយ
សុវត្ថិភាព
ដោយ លោកនុប គីមប្រភពពីគណបក្សសង្គ្រោះជាតិឲ្យដឹងថាអ្នកស្រីថាក់ ឡានីអតីតសមាជិកព្រឹទ្ធសភាគណបក្ស
សម រង្ស៊ីបានចាកចេញទៅក្រៅប្រទេសដោយសុវត្ថិភាព ខណះអយ្យការអមសាលាដំបូងរាជធានី
ភ្នំពេញ សម្រេចបញ្ជូនសំណុំរឿងលោក ហ៊ុន សែន ប្ដឹងអតីតសមាជិកព្រឹទ្ធសភាមកពីគណបក្ស សម រង្ស៊ី រុបនេះ ទៅជំនុំជម្រះនាពេលខាងមុខនេះ។
ព្រះរាជអាជ្ញារងនៃសាលាដំបូងរាជធានីភ្នំពេញ លោក លី សុផាណា បានប្រាប់តាមបណ្ដាញទំនាក់ទំនងសង្គមតេឡេក្រាម (Telegram) នៅ ថ្ងៃទី២២ ខែកញ្ញា ថា សំណុំរឿងដែលលោកនាយករដ្ឋមន្ត្រី ហ៊ុន សែន ប្ដឹងឈ្មោះ ថាក់ ឡានី ត្រូវបញ្ជូនទៅសាលាដំបូងរាជធានីភ្នំពេញតាមដីកាបញ្ជូនរឿងទៅជំនុំ ជម្រះផ្ទាល់។
ក្នុងសំណុំរឿងនេះ អ្នកស្រី ថាក់ ឡានី ត្រូវបានចោទប្រកាន់ពីបទបរិហារកេរ្តិ៍ជាសាធារណៈ និងបទញុះញង់ឲ្យប្រព្រឹត្តអំពើបង្កឲ្យមានភាពវឹកវរធ្ងន់ធ្ងរដល់ សន្តិសុខសង្គម ប្រព្រឹត្តនៅភូមិប៉ាតាង ឃុំប៉ាតាង ស្រុកលំផាត់ ខេត្តរតនគិរី កាលពីថ្ងៃទី២៩ ខែកក្កដា ឆ្នាំ២០១៦។ ការចោទប្រកាន់នេះ ដោយយោងតាមមាត្រា៣០៥ មាត្រា៤៩៤ និងមាត្រា៤៩៥ នៃក្រមព្រហ្មទណ្ឌ។
អ្នកស្រី ថាក់ ឡានី ត្រូវបានលោក នាយករដ្ឋមន្ត្រីហ៊ុន សែន ប្ដឹងទៅតុលាការក្រុងភ្នំពេញ កាលពីថ្ងៃទី១ សីហា ស្របពេលជាមួយគ្នានឹងមេបក្សប្រឆាំង គឺលោក សម រង្ស៊ី ជុំវិញការចោទប្រកាន់លោក ហ៊ុន សែន ថាជាអ្នកនៅពីក្រោយខ្នងនៃការសម្លាប់លោកបណ្ឌិត កែម ឡី។ ប៉ុន្តែសម្រាប់អ្នកស្រី ថាក់ ឡានី ធ្លាប់បានប្រកែកថា អ្នកស្រីមិនបានចោទប្រកាន់លោក ហ៊ុន សែន ដូច្នោះទេ ដោយអ្នកស្រីបញ្ជាក់ថា ឃ្លីបវីដេអូដែលគេបង្ហោះជាសាធារណៈនោះ គឺជាការកាត់ត ដើម្បីទម្លាក់កំហុសលើអ្នកស្រី។
បណ្ដឹងរបស់លោក ហ៊ុន សែន ដែលតំណាងដោយលោកមេធាវី គី តិច បានប្ដឹងទាមទារឲ្យ
តុលាការផ្ដន្ទាទោសអ្នកស្រី ថាក់ ឡានី និងលោក សម រង្ស៊ី តាមច្បាប់ និងទារសំណងជំងឺចិត្
តក្នុងម្នាក់ ១០០រៀល។
បើទោះជាយ៉ាងណា សាលាដំបូងរាជធានីភ្នំពេញ នៅមិនទាន់កំណត់កាលបរិច្ឆេទសវនាការសំណុំរឿងនេះនៅឡើយទេ។
អ្វីដែលគួរឲ្យគត់សម្គាល់នោះគឺលោកនាយករដ្ឋមន្ត្រីហ៊ុនសែនកាលពីម្សិលមិញបានប្រកាស
បទឈប់បាញ់គ្នាជាមួយគណបក្សសង្គ្រោះជាតិដោយពាក្សសំដីដើម្បីបញ្ចុំកំដៅនយោបាយ
នៃគណបក្សទាំងពីរក៏ប៉ុន្តែតុលាការ ប្រកាសពីការកាត់ទោសអ្នកស្រី ថាក់ ឡានីនៅពេលនេះ
ហាក់បីដូចផ្ទុយពីបទឈប់បាញ់នោះដែលត្រូវបានសាទរដោយគណបក្សប្រឆាំងសង្គមស៊ីវិលនិងប្រជាពលរដ្ឋទូទៅ៕
0 comments:
Post a Comment