.jpg)
ក្រុមមន្ត្រីគណបក្សសង្គ្រោះជាតិប្រារព្ធពិធីខួប៤ឆ្នាំនៃព្រះបរមរតនកោដ្ឋសម្តេចព្រះនរោត្តម សីហនុ
នៅស្នាក់ការកណ្តាលបក្សរបស់ខ្លួននៅថ្ងៃនេះ។
គណបក្សសង្គ្រោះជាតិថ្ងៃទី១៥
ខែតុលា ឆ្នាំ២០១៦ព្រឹកនេះបានប្រារព្ធពិធីបង្សុកូលគោរព
វិញ្ញាណក្ខន្ធថ្វាយ ព្រះបរមរតនកោដ្ឋ ព្រះមហាវីរក្សត្រ
សម្ដេចព្រះបាទនរោត្ដម សីហនុ អតីត
ព្រះមហាក្សត្រនៃព្រះរាជាណាចក្រកម្ពុជា
ដើម្បីរំលឹកខួប៤ឆ្នាំនៃការយាងចូលទិវង្គតរបស់
ព្រះអង្គ(១៥តុលា២០១២-១៥តុលា២០១៦)នៅទីស្នាក់ការកណ្ដាលគណបក្សប្រឆាំងនេះក្រោម
អធិបតីភាពលោក កឹម សុខា ប្រធានស្តីទី។
នៅក្នុងពិធីនោះគេសង្កេតឃើញមានតំណាងរាស្ត្រនិងសកម្មជនមួយចំនួនរបស់គណបក្សសង្គ្រោះជាតិបានចូលរួមផងដែរ។
លោកយឹមសុវណ្ណបានសរសេរលើទំព័រហ្វេសប៊ុករបស់ខ្លួនថានៅថ្ងៃនេះបន្ទាប់ពីបានប្រារព្ធពិធី
បង្សុកូលគោរពវិញ្ញាណក្ខន្ធថ្វាយ ព្រះបរមរតនកោដ្ឋ
ព្រះមហាវីរក្សត្រ សម្ដេចព្រះបាទនរោត្ដម សីហនុ អតីតព្រះមហាក្សត្រនៃព្រះរាជាណាចក្រកម្ពុជា ដើម្បីរំលឹកខួប៤ឆ្នាំនៃការយាងចូលទិវង្គតរបស់ព្រះអង្គ
ហើយរូបលោកនិងមន្ត្រីគណបក្សសង្គ្រោះជាតិដទៃទៀតក៏បានបន្តទៅគោរពវិញ្ញាណក្ខន្ធលោកបណ្ឌិត
កែម ឡីទៀត។
នៅថ្ងៃទី១៥ ខែតុលា ឆ្នាំ២០១៦ នេះ ជាខួប ៤ឆ្នាំដែលព្រះមហាវីរក្សត្រ សម្ដេចព្រះ នរោត្ដម សីហនុ បានយាងសោយទិវង្គត។ មន្ត្រីរដ្ឋាភិបាលអះអាងថា រយៈពេល ៤ឆ្នាំ ដែលគ្មានសម្ដេចព្រះនរោត្តម សីហនុ ស្ថានការណ៍នយោបាយ និងការអភិវឌ្ឍប្រទេសជាតិមានស្ថានភាពល្អធម្មតា។ ប៉ុន្តែពលរដ្ឋ សង្គមស៊ីវិល និងមន្ត្រីបក្សប្រឆាំងយល់ថា ស្ថានការណ៍នយោបាយម្ដងតឹងម្ដងធូរ ម្ដងក្ដៅ ម្ដងត្រជាក់ ព្រោះគ្មានអ្នកសម្របសម្រួល ហើយការចាប់ខ្លួនសកម្មជនបក្សប្រឆាំង និងមន្ត្រីសិទ្ធិមនុស្សបន្តកើតមានដដែល។
ទោះជាសម្ដេចព្រះ នរោត្តម សីហនុ ឬព្រះបរមរតនកោដ្ឋ បានសោយទិវង្គតអស់រយៈពេល ៤ឆ្នាំទៅហើយក្ដី តែព្រះកិត្តិនាមរបស់ព្រះអង្គនៅតែស្ថិតក្នុងចិត្តរបស់ប្រជាពលរដ្ឋខ្មែរជាច្រើន។ ពលរដ្ឋ សង្គមស៊ីវិល និងអ្នកនយោបាយ នៅតែចាត់ទុកវត្តមានព្រះអង្គ គឺតួអង្គសំខាន់ជួយសម្របសម្រួលស្ថានការណ៍នយោបាយកម្ពុជា។
ការលើកឡើងរបស់ពលរដ្ឋ សង្គមស៊ីវិល និងអ្នកនយោបាយបែបនេះ ខណៈដល់ពិធីគោរពវិញ្ញាណក្ខន្ធ ព្រះបរមរតនកោដ្ឋ ព្រះបាទសម្ដេចព្រះ នរោត្តម សីហនុ គម្របខួប ៤ឆ្នាំ នៅថ្ងៃទី១៥ ខែតុលានេះ៕
0 comments:
Post a Comment