.jpg)
មន្ត្រីជាន់ខ្ពស់រដ្ឋាភិបាល និងមន្ត្រីស្ថាប័នកំពូលៗជាច្រើននាក់
ធ្វើពិធីដាក់កម្រងផ្កា គោរពវិញ្ញាណក្ខន្ធព្រះបរមរតនកោដ្ឋ នរោត្ដម សីហនុ
គម្រប់ខួប ៤ឆ្នាំនៃថ្ងៃសោយទិវង្គតរបស់ព្រះអង្គ
នាព្រះបរមរូប នៅក្បែរវិមានឯករាជ្យ។
ដោយ លោកជា វិបុលនៅព្រឹកថ្ងៃទី១៥ ខែតុលា នេះគឺជាខួបគម្រប់៤ឆ្នាំនៃថ្ងៃសោយទិវង្គតរបស់ព្រះបរមរតនកោដ្ឋ នរោត្ដម សីហនុដែលជាក្សត្រខ្មែរដ៏ល្បីល្បាញលើឆាកអន្តរជាតិពេលដែលព្រះអង្គគង់ជាក្សត្រ
ផងនិងកាន់អំណាចជានាយករដ្ឋមន្ត្រីផងកាលពីទសវត្សឆ្នាំ ១៩៦០។
នៅព្រឹកថ្ងៃសៅនេះមន្ត្រីជាន់ខ្ពស់រដ្ឋាភិបាល និងមន្ត្រីស្ថាប័នកំពូលៗជាច្រើននាក់ ធ្វើពិធីដាក់កម្រងផ្កា គោរពវិញ្ញាណក្ខន្ធព្រះបរមរតនកោដ្ឋ នរោត្ដម សីហនុ គម្រប់ខួប ៤ឆ្នាំនៃថ្ងៃសោយទិវង្គតរបស់ព្រះអង្គ នាព្រះបរមរូប នៅក្បែរវិមានឯករាជ្យ។ លោកនាយករដ្ឋមន្ត្រី ហ៊ុន សែន មិនបានចូលរួមក្នុងពិធីនេះទេ។ ហើយក៏គ្មានព័ត៌មានបញ្ជាក់ពីការអវត្តមានក្នុងពីធីដាក់កម្រងផ្កា គោរពវិញ្ញាណក្ខន្ធព្រះបរមរតនកោដ្ឋ នរោត្ដម សីហនុនេះដែរ។
ព្រះមហាវីរក្សត្រ សម្ដេចព្រះ នរោត្ដម សីហនុ បានសោយទិវង្គតកាលពីថ្ងៃទី១៥ ខែតុលា ឆ្នាំ២០១២ នាទីក្រុងប៉េកាំង ប្រទេសចិន ក្នុងព្រះជន្ម ៩០ព្រះវស្សា។ រដ្ឋាភិបាលបានកំណត់យកថ្ងៃទី១៥ ខែតុលា រៀងរាល់ឆ្នាំ ជាថ្ងៃឈប់សម្រាកក្នុងពិធីគម្រប់ខួបនៃការយាងសោយទិវង្គតព្រះបរមរតនកោដ្ឋនេះ។
នៅថ្ងៃសៅរ៍ទី១៥តុលានេះកម្មករ-កម្មការនីដែលតែងតែធ្វើការនៅថ្ងៃចុងសប្តាហ៏នេះក៏បានឈប់
សម្រាកផងដែរដោយមិនមានការកាត់ប្រាក់ខែអ្វីទេ។កម្មករ-កម្មការនីភាគច្រើនបានចេញដំណើរដោយរថយន្តឈ្នួលទៅស្រុកកំណើតតាំងពីល្ងាចថ្ងៃ សុក្រទី១៤តុលាម្លេះដើម្បីជួបជុំក្រុមគ្រួសាររបស់ខ្លួននៅឯជនបទ៕
0 comments:
Post a Comment