លោក សម រង្ស៊ីប្រកាសចូលស្រុកវិញឆាប់ៗនេះ បើលោកហ៊ុន សែនដោះលែងអ្នកជាប់
ឃុំទាំងអស់
ប្រធានគណបក្សសង្គ្រោះជាតិលោកសម រង្ស៊ីដែលកំពុងនិរទេសខ្លួននៅក្រៅប្រទេសនោះ បាន
ប្រកាសថាលោកនឹងវិលចូលមាតុប្រទេសវិញនៅពេលឆាប់ៗខាងមុខនេះដោយលោកមិនខ្លាច
លោកនាយករដ្ឋមន្ត្រី ហ៊ុន សែនចាប់ខ្លួនលោកឡើយ។
ក៏ប៉ុន្តែមេបក្សប្រឆាំងរូបនេះបានដាក់លក្ខខណ្ឌមួយដល់រដ្ឋាភិបាលលោកហ៊ុន សែនឲ្យដោះ
លែងមន្ត្រីអង្គការសិទ្ធិមនុស្ស សកម្មជនដីធ្លីនិងមន្ត្រីគណបក្សសង្ក្រោះជាតិកំពុងជាប់ឃុំទាំង
អស់ជិត៣០នាក់ជាមុនសិន។
លោកបន្ថែមថា៖ «ខ្ញុំ សម រង្ស៊ី អត់ខ្លាចអីទេ ខ្ញុំហ៊ានបូជាជីវិតសម្រាប់ប្រទេសជាតិ»។
នៅក្នុងវីដេអូឃ្លីបមួយផ្សាយកាលពីម្សិលមិញ លោក សម រង្ស៊ី បានប្រកាសថា៖ «ខ្ញុំ សម រង្ស៊ី នឹងវិលមកប្រទេសកម្ពុជាភ្លាម។ ភ្លាមហ្នឹង គ្រាន់តែថាមានពេលរៀបចំខ្លួនទិញសំបុត្រកាប៉ាល់
ហោះធ្វើដំណើរមួយថ្ងៃពីរថ្ងៃ។ តែសុំតែមួយ(ដោះលែងអ្នកជាប់ឃុំទាំងអស់)។ ខ្ញុំមក យកខ្ញុំទៅ
ធ្វើអីក៏ធ្វើទៅ។ ចង់ចាប់ដាក់គុកក៏បាន ចង់សម្លាប់ក៏បាន ប៉ុន្តែសុំឲ្យមានការដោះលែង អ្នកស្នេហា
ជាតិជាមុនសិន»។
ទោះជាយ៉ាងណា លោក សម រង្ស៊ីបញ្ជាក់ថាទាល់តែមានការដោះលែងមនុស្សជិត៣០នាក់ដែល
កំពុងជាប់ឃុំនោះសិន ទើបលោកវិលចូលកម្ពុជាមកជាប់គុកជំនួសពួកគេ។
ការប្រកាសរបស់លោក សម រង្ស៊ីនេះបានធ្វើឡើងក្រោយពីលោក កឹម សុខា ជាអនុប្រធាន
គណបក្សសង្រ្គោះជាតិ បានសម្តែងបំណងចង់ឲ្យលោក សម រង្ស៊ី វិលមករួមសុខរួមទុក្ខជា
មួយគ្នានៅប្រទេសកម្ពុជា ខណៈលោក កឹម សុខា កំពុងជាប់ឃុំខ្លួនឯងនៅក្នុងស្នាក់បក្ស
៥ខែមកនេះ។
ទាក់ទងការលើកឡើងរបស់មេបក្សប្រឆាំងបែបនេះ លោក សុខ ឥសានអ្នកនាំពាក្យគណបក្ស
ប្រជាជនកម្ពុជាបានឆ្លើយតបនៅថ្ងៃនេះថាច្បាប់នឹងត្រូវអនុវត្តភ្លាមៗចំពោះលោកសម រង្ស៊ី៕
0 comments:
Post a Comment