លោកឧកញ៉ាហ៊ុន​ ជា កំពុងសម្រុកកាប់ឈើនិងដឹក ឈើយកទៅលក់​នៅស្រុកយួន តាមច្រកអូយ៉ាដាវ

លោក ឧកញ៉ា ហ៊ុន ជាថតជាមួយសត្វឥន្ទ្រីយ៏ដែលជាស្លាកសញ្ញា(LOGO) នៃក្រុមហ៊ុន

និងអាជីវកម្មរបស់លោកនៅទូទាំងប្រទេស។

ដោយ​ កញ្ញា​ សុខ ​ឆេង
 

អូរយ៉ាដាវ៖ តាមប្រភព ពីសមត្ថកិច្ចនៅច្រកទ្វារអន្តរជាតិ អូរយ៉ាដាវ ក៏បានឲ្យដឹងដែរថាឈ្មួញ

ដ៍ល្បីនិងជាក្មួយប្រុសរបស់លោកនាយករដ្ឋមន្ត្រី​ហ៊ុន​សែនគឺឧកញ៉ា  ហ៊ុន ជា កំពុងសម្រុកកាប់

ឈើនិងដឹកជញ្ជូនឈើ ចេញទៅស្រុកយួនតាមច្រក ទ្វារអន្តរជាតិអូរយ៉ាដាវ យ៉ាងពេញបន្ទុក​ក៏ប៉ុន្តែពុំមាន មន្ត្រីជំនាញ និង សមត្ថកិច្ចពាក់ព័ន្ធហ៊ានប៉ះពាល់។

ដោយសារតែបទល្មើស ដឹកជញ្ជូនឈើប្រណីតចេញ ទៅស្រុកយួនតាមច្រកទ្វារអន្តរជាតិអូរយ៉ាដាវ  និងច្រករបៀងក្បែរៗនោះកើតឡើងយ៉ាងអនាធិបតេយ្យ ទើបបទល្មើសកាប់ឈើក្នុងស្រុកលំផាត់ ស្រុកកូនមុំ ស្រុកអណ្ដូងមាស ស្រុកតាវែង និងស្រុកអូរយ៉ាដាវ កំពុងរាលដាលយ៉ាងពេញបន្ទុក។

ចំណែកលោក កែប កត់ នាយខណ្ឌរដ្ឋបាលព្រៃឈើខេត្តរតនគិរី និងលោក ថង សាវុន អភិបាល

ខេត្តរតនគិរី មិនយកចិត្តទុកដាក់អនុវត្តន៍តាមបទបញ្ជារបស់លោកនាយករដ្ឋមន្រ្តី ហ៊ុន សែន ក្នុង

ការទប់ស្កាត់បទល្មើសរត់ពន្ធឈើប្រណីតទៅស្រុកយួននោះទេ ហើយបែរជារក្សាភាពស្ងៀមស្ងាត់

បណ្ដោយឲ្យបទល្មើសនៅតែរាលដាលដដែល ។

 រីឯលោក អ៊ី ចំរើន មេប៉ុស្ដិ៍នគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ ខេត្តរតនគិរី ត្រូវ

បានប្រជាពលរដ្ឋនៅក្បែរៗនោះរិះគន់ថា កំពុងល្បីល្បាញខាងឃុបឃិតបើកដៃឲ្យឈ្មួញជាច្រើន

នាក់ដឹកជញ្ជូនឈើប្រណីតទៅស្រុកយួនដើម្បីជាថ្នូរនឹងផលប្រយោជន៍។ ដោយសារតែមានការបើកដៃពីលោក អ៊ី ចំរើន និងសមត្ថកិច្ចពាក់ព័ន្ធដទៃទៀត ទើបឈ្មួញអាចដឹក

ជញ្ជូនឈើតាមរថយន្តកាមរីបាឡែន កាមរីឆ្លាម ធុនដ្រា និងរថយន្តសាំយ៉ុងជាដើម ចេញទៅស្រុក

យួនតាមច្រកទ្វារអន្តរជាតិអូរយ៉ាដាវយ៉ាងគគ្រឹកគគ្រេង។ ហេតុនេះហើយទើបមានការរិះគន់ចំៗថាលោក អ៊ី ចំរើនចូលកាន់តំណែងជាមេនគរបាលអន្តោ

ប្រវេសន៍ច្រកទ្វារអន្តរជាតិអូរយ៉ាដាវ ជំនួសលោក ឡុង រុក្ខា មិនបានប៉ុន្មានថ្ងៃផងក៏ចាប់ផ្ដើម

ឃុបឃិតឲ្យឈ្មួញដឹកជញ្ជូនឈើទៅស្រុកយួនស្រេចតែអំពើចិត្ត។

បន្ថែមទៀតនោះ សមត្ថកិច្ចនិងមន្ត្រីអាជ្ញាធរមូលដ្ឋានក្នុងស្រុកអូរយ៉ាដាវ បានឲ្យដឹងថា បច្ចុប្បន្ន

មិនមែនតែនៅច្រកទ្វារអន្តរជាតិអូរយ៉ាដាវនោះទេ ដែលឈ្មួញកំពុងសម្រុកដឹកឈើប្រណីតចេញ

ទៅស្រុកយួនយ៉ាងរលូនដោយគ្មានការទប់ស្កាត់ គឺនៅច្រករបៀងភូមិភិ ច្រករបៀងភូមិឡំ ក៏មាន

បទល្មើសដឹកជញ្ជូនឈើទៅស្រុកយួនដែរ។ ឈ្មួញដែលកំពុងធ្វើសកម្មភាពដឹកជញ្ជូនឈើទៅស្រុកយួនតាមច្រកអូរយ៉ាដាវ និងច្រករបៀង

ក្បែរៗនោះ មានដូចជាឈ្មោះ ស្រីល័ក្ខណ៍ ឈ្មោះ ស្រីម៉ី  ជាដើម។ ការដែលឈ្មួញទាំងអស់នេះអាចដឹកជញ្ជូនឈើចេញទៅស្រុកយួនដោយគ្មានការរំខាន គឺដោយ

សារពួកគេត្រូវរ៉ូវជាមួយលោក អ៊ី ចំរើន និងសមត្ថកិច្ចពាក់ព័ន្ធដទៃទៀតតាមរយៈការបែងចែកផល

ប្រយោជន៍។

សារព័ត៌មានជាតិខ្មែរមិនអាចទាក់ទងលោកឧកញ៉ា​ហ៊ុន​ ជាដើម្បីបំភ្លឺពីករណីជំនួញឈើទ្រង់ទ្រាយ
ធំនេះបានទេ នៅថ្ងៃនេះ។ ចំណែកលោក សៅ សុខាមេបញ្ជាការកងរាជអាវុធហត្ថលើផ្ទៃប្រទេស
ក៏មិនអាចទាក់ទងបានដែរ៕

 លោក នាយឧត្តមសេនីយ៏សៅ សុខាចុះបង្ក្រាបឈើកន្លងមក តែហាក់បីដូច

ជាគ្មានប្រសិទ្ធិភាពសោះ។

រថយន្តដឹកឈើរបស់ក្រុមលោកឧកញ៉ា ហ៊ុន ជា នៅខេត្តរតនគិរី