លោកនាយករដ្ឋមន្ត្រីហ៊ុន សែន
លោកនាយករដ្ឋមន្ត្រី ហ៊ុន សែន បានច្រានចោលផែនការរបស់អភិបាលរាជធានីភ្នំពេញដែលចង់
ទប់ស្កាត់ការនាំចូលរថយន្តប្រើប្រាស់រួចឬរថយន្តជជុះយកមកលក់ឲ្យប្រជាពលរដ្ឋក្រីក្រនោះ។
លោកអភិបាលរាជធានីប៉ា សុជាតិរង្សកាលពីម្សិលមិញបានលើកឡើងវិធានការនេះដោយអះអាង
ថាដើម្បីកាត់បន្ថយការកកស្ទះចរាចរណ៏នៅក្នុងរាជធានីភ្នំពេញដែលពេលនេះមានរថយន្តចំនួន
៤០ម៉ឺនគ្រឿងកំពុងចរាចរលើដងផ្លូវនានា។
ឆ្លើយតបនឹងការលើកឡើងពីគោលការណ៏នេះ លោកនាយករដ្ឋមន្ត្រី ហ៊ុន សែនបានបញ្ជាក់ជូនសាធារណជនថា រដ្ឋាភិបាលពុំមានវិធានការចំពោះការនាំចូល និងការប្រើប្រាស់រថយន្តដែលគេប្រើប្រាស់រួច ឬហៅថារថយន្តជជុះនោះទេ។ លោកនាយករដ្ឋមន្ត្រីថ្លែងយ៉ាងដូច្នេះលើទំព័របណ្ដាញសង្គមហ្វេសប៊ុក (Facebook) របស់លោក នៅថ្ងៃទី១ ខែធ្នូ ក្រោយពីមានសំណើសុំឲ្យរដ្ឋាភិបាល ទប់ស្កាត់ការនាំចូលឡានជជុះ និងក្ដីបារម្ភរបស់ប្រជាពលរដ្ឋមួយចំនួនធំអំពីវិធានការថ្មីនេះរបស់
សាលារាជធានីភ្នំពេញ។
លោក ហ៊ុន សែន បញ្ជាក់បន្ថែមថា “ខ្ញុំមិនយល់ស្របជាមួយនឹងសំណើនេះទេ ហើយខ្ញុំថែមទាំងលើកទឹកចិត្តឲ្យប្រជាពលរដ្ឋ ឲ្យខំរកប្រាក់ទិញឡានជិះ ប៉ុន្តែខ្ញុំសូមកុំឲ្យមានការនាំចូលរថយន្តចង្កូតស្ដាំ និងសូមឲ្យមានការគោរពច្បាប់ចរាចរណ៍ ដើម្បីសុវត្ថិភាពទាំងអស់គ្នា”៕
0 comments:
Post a Comment