លោក ធន់ សារ៉ាយប្រធានសមាគមសិទ្ធិមនុស្សអាដហុក
ដោយ កញ្ញាប្រាក់ ដាលីន
លោក ធន់ សារ៉ាយ ប្រធានសមាគមអាដហុក (ADHOC)បានទទួលពានរង្វាន់បារាំង-អាល្លឺម៉ង់ ផ្នែកសិទ្ធិមនុស្ស និងនិតីរដ្ឋដែលត្រូវបានប្រារព្ធធ្វើជាលើកទី១នៅឆ្នាំ ២០១៦នេះ។
លោកធន់សារ៉ាយស្ថិតក្នុងចំណោមជ័យលាភី១៦រូបដែលទទួលបានពានរង្វាន់ផ្នែកសិទ្ធិមនុស្ស និងនិតីរដ្ឋលំដាប់ពិភពលោកមួយនេះ។
នៅក្នុងសេចក្តីប្រកាសព័ត៌មានដែលបានផ្សព្វផ្សាយនៅថ្ងៃទី២ធ្នូ លោក ធន់សារ៉ាយ គឺជាជ័យ
លាភីម្នាក់ ក្នុងចំណោមជ័យលាភី១៥រូបផ្សេងទៀតទទួលបានពានរង្វាន់នេះ ដែលមកពីប្រទេស
បង់ក្លាដេស បេឡារុស ប្រេស៊ីល កាមេរូន កាណាដា ចិន កូស្តារីកា ឥណ្ឌា អៀរឡង់ អ៊ីតាលី ហ្សកដានី ប៉ាគីស្តង់ រុស៊្សី ស៊ីរី និងឆាត។
បើតាមសេចក្តីប្រកាសព័ត៌មាន គណៈមេប្រយោគបានសម្រេចផ្តល់ពានរង្វាន់ដល់លោក ធន់ សារ៉ាយ ចំពោះកិច្ចខិតខំប្រឹងប្រែងរបស់លោក និងរបស់សមាគមអាដហុកក្នុងការការពារសិទ្ធិ
មនុស្ស ដោយបានធ្វើឱ្យការការពារបុគ្គលប្រឆាំងនឹងការរំលោភបំពានទាំងអស់ ក្លាយជាតម្លៃ
ស្នូលនៃសង្គមកម្ពុជា។
សកម្មភាពរបស់លោក ធន់ សារ៉ាយ និងសមាគមអាដហុក បានជួយឲ្យសង្គមខ្មែរយល់ច្បាស់
ថាការរីកចម្រើនផ្នែកនីតិរដ្ឋ និងសិទ្ធិមនុស្សគឺទាមទារឲ្យមានជាចាំបាច់នូវលទ្ធភាពទទួលបាន
យុត្តិធម៌ប្រសើរជាងមុន ទោះបីបុគ្គលនោះមានប្រភព ឬឋានៈសង្គមអ្វីក៏ដោយ ដែលសកម្មភាព
ទាំងនេះ ទទួលបានការគាំទ្រពីសំណាក់អ្នកផ្តល់ជំនួយអន្តរជាតិ រាប់បញ្ចូលទាំងប្រទេសបារាំង និងអាល្លឺម៉ង់ផងដែរ។ នេះបើតាមសេចក្តីប្រកាសព័ត៌មាន។
សេចក្តីប្រកាសព័ត៌មានដដែលសរសេរថា ពានរង្វាន់ បារាំង-អាល្លឺម៉ង់ ស្ថិតក្នុងក្របខ័ណ្ឌនៃកិច្ច
ខិតខំប្រឹងប្រែងរួមគ្នារវាងបារាំង និងអាល្លឺម៉ង់ ដើម្បីពង្រឹងនីតិរដ្ឋនៅកម្ពុជា និងជាការលើកទឹក
ចិត្ត ដល់លោក ធន់ សារ៉ាយ ក៏ដូចជាសមាគមអាដហុក និងអង្គការសង្គមស៊ីវិលផ្សេងទៀត ក្នុង
ការបន្តសកម្មភាពរបស់ខ្លួន។
លោកធន់សារ៉ាយនៅពេលនេះកំពុងជាប់បណ្តឹងនៅតុលាការភ្នំពេញដោយលោករងនូវការចោទ
ប្រកាន់ពីបទសូកប៉ាន់សាក្សីក្នុងសំណុំរឿងស្នេហារវាងលោកកឹមសុខាប្រធានស្តីទីគណបក្ស
សង្គ្រោះជាតិនិងនាងខុមចាន់តារាទីហៅស្រីមុំខណះមន្ត្រីរបស់លោកចំនួន៤នាក់កំពុងជាប់ឃុំ
នៅក្នុងពន្ធនាគារផងដែរ។
សមាគមអាដហុក (ADHOC) គឺជាស្ថាប័នផ្តល់ជំនួយជាអាទិ៍ ផ្នែកច្បាប់ដល់សហគមន៍ ក៏ដូច
ជាប្រជាពលរដ្ឋនានា ដែលងាយរងគ្រោះបំផុតក្នុងករណីជម្លោះដីធ្លី៕
0 comments:
Post a Comment