លោក នី ចរិយា មន្ត្រីជាន់ខ្ពស់ គ.ជ.ប (រូបឆ្វេងខាងក្រោម)ខណះអតីតសហការីរបស់លោក
នៅអង្គការអាដហុកលោក ឃី សុខសាន និង លោក ណៃ វ៉ង់ដាក៏កំពុងជាប់ឃុំដែរ។
នៅអង្គការអាដហុកលោក ឃី សុខសាន និង លោក ណៃ វ៉ង់ដាក៏កំពុងជាប់ឃុំដែរ។
សាលាឧទ្ធរណ៍ នឹងប្រកាសសាលក្រមលើបណ្ដឹងទាស់របស់អគ្គលេខាធិការរងគណៈកម្មាធិការជាតិរៀបចំការបោះឆ្នោត(គជប) លោក នី ចរិយានៅ ថ្ងៃទី១៤ ធ្នូ ឆ្នាំ ២០១៦បន្ទាប់ពីបើកសវនាការជំនុំជម្រះលើបណ្ដឹងទាស់របស់អគ្គលេខាធិការរងគ.ជ.បរូបនេះ នៅព្រឹកថ្ងៃទី៦ ធ្នូ។ ការជំនុំជម្រះនេះ ក្រោយពីលោក នី ចរិយា ប្ដឹងជំទាស់នឹងការសម្រេចរបស់ចៅក្រមសាលាដំបូងរាជធានីភ្នំពេញ លោក ឃី ឆៃ ដែលបានសម្រេចផ្ដន្ទាទោសរូបលោកដាក់ពន្ធនាគារ ៦ខែ និងពិន័យប្រាក់ចំនួន ៦លានរៀល ពីបទបរិហារកេរ្តិ៍មន្ត្រីតុលាការខេត្តសៀមរាប កាលពីឆ្នាំ២០១៥ នៅពេលលោក នី ចរិយា ធ្វើជាប្រធានការិយាល័យស៊ើបអង្កេតសមាគមការពារសិទ្ធិមនុស្សអាដហុក (ADHOC)។
ដើមបណ្ដឹងនៅក្នុងសំណុំរឿងព្រហ្មទណ្ឌនេះ គឺជាព្រះរាជអាជ្ញារង លោក សុខ កែវបណ្ឌិត និងចៅក្រមជំនុំជម្រះខេត្តសៀមរាប ម្នាក់ទៀត លោក គិ រិទ្ធី។ មន្ត្រីតុលាការទាំងពីររូបនេះ សម្រេចចោទប្រកាន់លោក នី ចរិយា ពីបទបរិហារកេរ្តិ៍ ក្រោយពីលោក នី ចរិយា ធ្វើសន្និសីទកាសែតកាល
ពីថ្ងៃទី១២ ខែឧសភា និងថ្ងៃទី២០ ខែមិថុនា ឆ្នាំ២០១៥ នៅការិយាល័យសមាគមអាដហុកខេត្តសៀមរាប និងនៅភ្នំពេញ ដោយចោទថា មន្ត្រីតុលាការឃុបឃិតជាមួយអាជ្ញាធរ ប្រព្រឹត្តអំពើពុករលួយក្នុងវិវាទដីធ្លីមួយកន្លែងរវាងសមាគមអភិវឌ្ឍន៏ជនជាតិវៀតណាមមួយមានមូលដ្ឋានដំបូង
នៅក្រុងតាខ្មៅ ហើយក៏ផ្លាស់ទីតាំងទៅខេត្តសៀមរាបក៏មានជម្លោះដីធ្លីជាមួយប្រជាពលរដ្ឋនៅ
ទីនោះ។
ក្រៅពីសំណុំរឿងនេះដែរ លោក នី ចរិយា ក៏កំពុងជាប់បណ្ដឹងមួយទៀត ដែលតុលាការចោទប្រកាន់ពីបទសមគំនិតសូកប៉ាន់សាក្សី ពាក់ព័ន្ធនឹងបណ្ដឹងអ្នកនាង ខុម ចាន់តារ៉ាទី ហៅស្រីមុំដែលត្រូវ
បានគេទម្លាយថាមានស្នេហាលួចលាក់ជាមួយលោកកឹមសុខាប្រធានស្តីទីគណបក្សសង្គ្រោះជាតិ។
ក៏ប៉ុន្តែលោកកឹមសុខាត្រូវបានព្រះមហាក្សត្រព្រះរាជទានទោសឲ្យកាលពីថ្ងៃ ទី ២ខែធ្នូតាមសំណើ
របស់លោកនាយករដ្ឋមន្ត្រី ហ៊ុន សែន៕
0 comments:
Post a Comment