លោក គួច ចំរើន (ស្តាំ) ទទួលលិខិតតែងតាំងជាអភិបាលខណ្ឌដូនពេញកន្លងមក
ដោយ លោក ជា វិបុល
លោកនាយករដ្ឋមន្ត្រី ហ៊ុន សែន បានសម្រេចផ្ទេរភារកិច្ច លោក គួច ចំរើន មានឋានន្តរស័ក្តិ
ឧត្តមន្រ្តីថ្នាក់លេខ៦ ជាអភិបាល នៃគណ:អភិបាលខណ្ឌដូនពេញ រាជធានីភ្នំពេញ ទៅជាអគ្គ
នាយករង នៃអគ្គនាយកដ្ឋានរដ្ឋបាល ក្រសួងមហាផ្ទៃ។
អនុក្រឹត្យដែលចុះហត្ថលេខាដោយលោកនាយករដ្ឋមន្ត្រី ហ៊ុន សែន កាលពីថ្ងៃទី១ ខែធ្នូ បាន
សម្រេចពីការផ្ទេរភារកិច្ចនេះ តែមិនបានប្រាប់ថា ការផ្ទេរដោយសារមានមូលហេតុអ្វីនោះទេ។
ក៏ប៉ុន្តែតាមប្រភពពីខុទ្ទកាល័យនាយករដ្ឋមន្ត្រីឲ្យដឹងថាការផ្ទេរតំណែងលោកគួច ចំរើននេះ
ដោយសារពាក់ព័ន្ធនឹងការបែកធ្លាយសារឆ្លើយឆ្លងរវាងធី សុវណ្ណថានិងលោកហ៊ុនម៉ានិតហើយ
និងលោកហ៊ុនសែន។ប្រភពបន្តថាដំបូងលោកគួច ចំរើនជាអ្នកណែនាំ នាងធីសុវណ្នថានិងលោកផែសុវណ្ណារិទ្ធិឲ្យទៅជួបលោកហ៊ុនម៉ានិតកូនប្រុសទី២របស់លោកហ៊ុនសែន។បន្ទាប់មកក៏មាន
ការណែនាំឲ្យជួបលោកនាយករដ្ឋមន្ត្រីហ៊ុនសែន។
ទោះជាយ៉ាងណាក្នុងអនុក្រឹត្យនោះ មិនបានបញ្ជាក់ថា អ្នកណាត្រូវទទួលតំណែងជំនួស លោក គួច ចំរើន ទេ ប៉ុន្តែតាមប្រភពស្និទ្ធនឹងរដ្ឋាភិបាលឲ្យដឹងថា លោក សុខ ពេញវុធ អភិបាលរងខណ្ឌ
ដូនពេញ នឹងត្រូវតែងតាំងជាអភិបាលខណ្ឌនេះជំនួស លោក គួច ចំរើនដែលត្រូវបានដកចេញ
ពីតំណែងតែរយះពេលពីរបីថ្ងៃបន្ទាប់ពីមានការបែកធ្លាយសារសន្ទនាគ្នារវាងធីសុវណ្ណថានិងលោកនាយករដ្ឋមន្ត្រីហ៊ុន សែនហើយសារនោះភាគច្រើននិយាយពីផែនការកំទេចគណបក្សសង្គ្រោះជាតិ
និងលោកកឹមសុខា៕
0 comments:
Post a Comment