ប្រជាពលរដ្ឋខ្មែរឆ្លងដែនតាមច្រកទ្វារអន្តរជាតិប៉ោយប៉ែតទៅកាន់ផ្សាររុងក្លឿ
រាជរដ្ឋាភិបាលបានប្រាប់ទៅនាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ឲ្យឈប់យកលុយពីប្រជាពលរដ្ឋខ្មែរទូទៅដែលឆ្លងកាត់ចេញ-ចូលផ្សាររុងក្លឿប្រទេសថៃបន្ទាប់ពី
នាយប៉ុស្តិ៍រងនៃច្រកទ្វារអន្តរជាតិមួយនេះត្រូវបានប្រជាពលរដ្ឋអះអាងថាបានធ្វើពុធជាដួលសន្លប់
នៅមុខរថយន្តរបស់មន្ត្រីបក្សប្រឆាំងម្នាក់កាលពីចុងខែធ្នូ។
លិខិតរដ្ឋបាលសាលាខេត្តបន្ទាយមានជ័យ ចុះថ្ងៃទី១២ ខែមករា ឆ្នាំ២០១៧ម្សិលមិញ បានដក
ស្រង់សម្តីលោក កែ គឹមយ៉ាន ប្រធានក្រុមការងារចុះមូលដ្ឋានខេត្តនេះមានខ្លឹមសារថា ប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិប៉ោយប៉ែតនិងលោកនាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិទំាងនោះ ត្រូវបញ្ឈប់ការយកកម្រៃលក់លិខិតអនុញាតបណ្តោះ
អាសន្ន១០០០រៀល(១០បាត) ចេញ-ចូល ផ្សាររុងក្លឿប្រទេសថៃ ពីប្រជាពលរដ្ឋទូទៅ។ ប៉ុន្តែសេវាផ្សេងៗរដ្ឋបាលខេត្តនិងស្ថាប័នពាក់ព័ន្ធខាងលើ ត្រូវបន្តយកចិត្តទុកដាក់បម្រើសេវាជូន
ប្រជាពលរដ្ឋ ប្រកបដោយតម្លាភាព សមធម៌ និងទាន់ពេលវេលា។
ការសម្រេចរបស់រដ្ឋាភិបាលនេះ ទំនងជាចង់ឲ្យប្រជាពលរដ្ឋស្ងប់ចិត្ត ករណីចាប់ខ្លួន លោក ឌិន ពុទ្ធី ក្រោយពីតុលាការខេត្តបន្ទាយមានជ័យ សម្រេចចោទពីបទហិង្សាដោយចេតនានិងមានស្ថាន
ទំងន់ទោស បន្ទាប់ពីមន្ដ្រីប៉ូលិសព្រំដែនលោក ឈាន ពិសិដ្ឋ ដួលមុខឡានមន្ដ្រីបក្សប្រឆាំងរូបនោះ កាលពីថ្ងៃទី២៣ ខែធ្នូ ឆ្នាំ២០១៦កន្លងមកហើយដេកសន្លប់តែម្តង។
ក៏ប៉ុន្តែនៅព្រឹកមិញនេះលោក ឌិន ពុទ្ធី ដែលត្រូវបានតុលាការខេត្តបន្ទាយមានជ័យឃុំខ្លួនជិតមួយ
ខែហើយនោះត្រូវបាន សាលាឧទ្ធរណ៍សម្រេចឲ្យនៅក្រៅឃុំបណ្តោះអាសន្ន៕
0 comments:
Post a Comment