ប្រមុខរាជរដ្ឋាភិបាលនិងភរិយាក្នុងពិធីជួបជុំជាមួយអ្នកសារព័ត៌មានកាលពីថ្ងៃ
ល្ងាចសៅរ៍
ប្រមុខរដ្ឋាភិបាលកម្ពុជាបានរិះគន់ចំៗដល់ក្រសួងព័ត៌មានថាអសមត្ថភាពក្នុងការផលិតព័ត៌មាន
ឲ្យបានគ្រប់គ្រាន់ឲ្យស្ថាប័នពាក់ព័ន្ធ និងមហាជនបានដឹងពីដំណឹងសំខាន់ៗដែលកើតឡើងក្នុង
ប្រទេសនោះទេ។
ក្រសួងព័ត៌មានបច្ចុប្បន្នមានគេហទំព័រ(Website)មួយនិងទូរទស្សន៏ជាតិ(ទទក)មួយជាសេនាធិការ
សម្រាប់ផលិតព័ត៌មានប្រចាំថ្ងៃក៏ប៉ុន្តែប្រមុខរដ្ឋាភិបាលស្តីបន្ទោសថាអង្គភាពព័ត៌មានទាំងពីរនេះ
ផលិតព័ត៌មានសុទ្ធតែផ្អូមៗ។លើសពីនេះលោកនាយករដ្ឋមន្ត្រីដែលចូលចិត្តអានព័ត៌មាននេះក៏រិះ
គន់ចំៗទៅលើគេហទំព័ររបស់ក្រសួងព័ត៌មានដែលមិនមានព័ត៌មានបច្ចុប្បន្នភាព(Update)អ្វីសោះ
តាំងខែវិច្ឆិកាឆ្នាំ ២០១៦មក។ ប្រមុខរដ្ឋាភិបាលលើកឡើងបែបនេះនៅក្នុងវេទិកាជួបជាមួយ
អ្នកសារព័ត៌មាននៅថ្ងៃទី១៤ ខែ មករាល្ងាចថ្ងៃសៅរ៍។
លោកនាយករដ្ឋមន្ត្រី ហ៊ុន សែន បានលើកឡើងថា “គេហទំព័ររបស់ក្រសួងព័ត៌មាន មិនមាន
ព័ត៌មានឲ្យមហាជនបានមើលទេ”។
ប្រមុខរដ្ឋាភិបាលក៏បានលើកឡើងទៀតថាក្រសួងព័ត៌មាន កាលពីពេលកន្លងមក បានត្រឹមរិះគន់
ស្ថាប័នសារព័ត៌មានដទៃ ដោយមិនបានធ្វើបច្ចុប្បន្នភាពលើការងារខ្លួន។ លោកនាយករដ្មមន្ត្រី ក៏បានបញ្ជាក់បន្ថែមថា “ការផ្សព្វផ្សាយដំណឹងចុងក្រោយរបស់ក្រសួងព័ត៌មាន មានត្រឹមថ្ងៃ
ទី១១ខែវិច្ឆិកាឆ្នាំ២០១៦ ហើយប៉ុន្មានខែចុងក្រោយនេះ គឺមិនមានព័ត៌មានថ្មីទេ”។
ទាក់ទងនឹងទូរទស្សន៏ជាតិវិញលោកនាយករដ្ឋមន្ត្រី ក៏បានរិះគន់ដល់ស្ថាប័នផ្សព្វផ្សាយជាតិ មួយ
នេះថា “ផ្សាយតែព័ត៌មានដែលផ្អូម ឬ ព័ត៌មានយឺត”។ ផ្ទុយទៅវិញលោកនាយករដ្ឋមន្ត្រីដែលចូល
ចិត្តអ្នកកាសែតនិងជួបអ្នកកាសែតបានច្រើននិងញឹកញាប់ជាងគេក្នុងចំណោមមេដឹកនាំលើពិភព
លោកនោះបែរជាលើកឡើងសរសើរពីគេហទំព័រស្ថាប័នមួយចំនួនដែលមិនមែនជាក្រសួងជំនាញ
ខាងព័ត៌មានទៅវិញដូចជាគេហទំព័ររបស់ ក្រសួងសេដ្ឋកិច្ច ក្រសួងកសិកម្ម អគ្គស្នងការ
គនរបាលជាតិនិងកងរាជអាវុធហត្ថលើផ្ទៃប្រទេសជាដើម៕
0 comments:
Post a Comment