លោកនាយករដ្ឋមន្ត្រីឡាវ ថងលូន ស៊ីស៊ូលីតនិងប្រមុខរដ្ឋាភិបាលកម្ពុជាកាត់ខ្សែបូរ
សម្ពោធដាក់ឲ្យដំណើរការអគារទីស្នាក់ការត្រួតពិនិត្យច្រកទ្វារអន្តរជាតិ ត្រពាំងក្រៀល-ណង
ណុកខៀននាព្រឹកថ្ងៃ ទី ១០ មករានេះ។
លោកនាយករដ្ឋមន្ត្រី ហ៊ុន សែន នៅព្រឹកនេះប្រកាសថា ប្រទេសកម្ពុជានិងឡាវ បានឯកភាពគ្នា
ឲ្យប្រជាជននៃប្រទេសទាំងពីរប្រើប្រាស់អត្តសញ្ញាណប័ណ្ណសម្រាប់ធ្វើដំណើរឆ្លងកាត់ព្រំដែនទៅ
វិញទៅមក។
ក្នុងពិធីសម្ពោធអគារទីស្នាក់ការត្រួតពិនិត្យច្រកទ្វារអន្តរជាតិ ត្រពាំងក្រៀល-ណងណុកខៀន នៅ
ព្រំដែនខេត្តស្ទឹងត្រែងនិងខេត្តចំប៉ាសាក់ ប្រទេសឡាវនាព្រឹកថ្ងៃ ទី ១០មករា ឆ្នាំ ២០១៧នេះប្រមុខ
រដ្ឋាភិបាលកម្ពុជា បានថ្លែងថា កម្ពុជានិងឡាវ ឯកភាពគ្នាអនុញ្ញាតឱ្យប្រជាពលរដ្ឋដែលរស់នៅតាម
ព្រំដែនប្រើប្រាស់ប័ណ្ណ សម្រាប់ជាឯកសារផ្លូវការក្នុងការចេញចូលឆ្លងកាត់ព្រំដែន ចាប់ពីខែមករា ឆ្នាំ២០១៧នេះតទៅ។ លោកបានបញ្ជាឲ្យអាជ្ញាធរពាក់ព័ន្ធធ្វើការអប់រំផ្សព្វផ្សាយដល់ប្រជាជននៅ
តាមមូលដ្ឋានរៀងៗខ្លួនអំពីការប្រើប្រាស់់ប័ណ្ណព្រំដែននេះ។
ទោះជាយ៉ាងណានៅអំឡុងថ្ងៃទី១ មករា ២០១១ ដល់ថ្ងៃទី៣០ ឧសភា ២០១១ កន្លងមក មានប្រជា
ពលរដ្ឋខ្មែរចំនួន០១នាក់ ត្រូវបានទាហានព្រំដែនឡាវបាញ់សម្លាប់ និង១០នាក់ផ្សេងទៀត ត្រូវបានចាប់ខ្លួន ទាក់ទងនឹងការឆ្លងដែនចូលទឹកដីឡាវ៕
0 comments:
Post a Comment