លោក ញឹក ប៊ុនឆៃ (ឆ្វេង) និងលោក ហ៊ាង ឬទ្ធី (ស្តាំ) ក្នុងពិធីចុះហត្ថលេខាលើ
អនុសារណះយោគយល់គ្នាព្រឹកមិញនេះនៅសណ្ឋាគារសាន់វ៉េ។
គណបក្សថ្មីតូចៗពីរបានរួបរួមគ្នានៅព្រឹកថ្ងៃទី១៨ ខែមករា ឆ្នាំ២០១៧នេះដើម្បីចូលរួមការបោះ
ឆ្នោតក្រុមប្រឹក្សាឃុំ-សង្កាត់និងការបោះឆ្នោតជ្រើសតាំងតំណាងរាស្ត្រខាងមុខនេះ។
គណបក្សខ្មែររួបរួមជាតិ តំណាងដោយប្រធាន លោក ញឹក ប៊ុនឆៃ និងគណបក្សយុត្តិធម៌ជាតិខ្មែរ ដែលមាន លោក ហ៊ាង រិទ្ធី ជាប្រធាន បានចុះហត្ថលេខាលើអនុស្សាររណៈស្តីពីការធ្វើកិច្ចសហ
ប្រតិបត្តិការជាសម្ព័ន្ធភាពជាមួយគ្នា នៅសណ្ឋាគារសាន់វេ ក្នុងរាជធានីភ្នំពេញ។
លោក ញឹក ប៊ុនឆៃ គឹជាអតីតប្រធានគណបក្សហ្វ៊ុនស៊ិនប៉ិច បានចាកចេញពីបក្សរាជានិយមនេះ
បន្ទាប់ពីសម្តេចក្រុមព្រះយាងត្រឡប់ទៅដឹកនាំវិញតាមការអនុញ្ញាតរបស់ប្រមុខរាជរដ្ឋាភិបាល
កម្ពុជាលោកហ៊ុនសែន។ ចំណែក លោក ហ៊ាង រិទ្ធី គឺជាអតីតអនុប្រធានគណបក្សសំបុកឃ្មុំរបស់
លោក ម៉ម សូណង់ដូ។ លោកបានចេញពីគណបក្សនេះដោយសារតែមានរឿងក្តីក្តាំជាមួយលោក ម៉ម សូណង់ដូ រហូតឡើងដល់តុលាការដោយលោកចោទថាលោកម៉មសូណង់ដូពុករលួយនិង
បក្ខពួកនិយម។
ក៏ប៉ុន្តែនៅទីបំផុតតុលាការបានសម្រេចឲ្យលោកម៉មសូណង់ដូឈ្នះក្តីនេះ។ហើយលោកហ៊ាង
រិទ្ធីក៏ទៅបង្កើតគណបក្សមួយទៀតដោយដាក់ឈ្មោះថាគណបក្សយុត្តិធម៌ជាតិខ្មែរ៕
0 comments:
Post a Comment