លោក សម រង្ស៊ីផ្តល់បទសម្ភាសន៏ជាមួយលោកលោក ជិន ចាន់បុត្រកាលពីថ្ងៃ អង្គារ៍
ម្សិលមិញនៅផ្ទះរបស់លោកនាក្រុងប៉ារីស
សាលាឧទ្ធរណ៍លើកពេលប្រកាសសាលដីកា សំណុំរឿងលោក សម រង្ស៊ី ប្រធានគណបក្សសង្គ្រោះជាតិ ដែលប្ដឺងជំទាស់នឹងសាលក្រមសាលាដំបូងរាជធានីភ្នំពេញដែលបង្គាប់ឲ្យលោក សម រង្ស៊ី បង់ប្រាក់២៥លានរៀល ទាក់ទងការរិះគន់ ហ្វេសប៊ុក(Facebook) លោក ហ៊ុន សែន ថាទិញចំនួន
អ្នកចុច ចូលចិត្ត(Likes)ទៅថ្ងៃ ៩ ខែកុម្កៈ ខាងមុខនេះ។
ប្រធានក្រុមប្រឹក្សាជំនុំជម្រៈ លោក សំរិទ្ធ សុផល សម្រេចលើកពេលប្រកាសសាលដីកាទៅថ្ងៃ ៩ ខែកុម្កៈ ខាងមុខនេះបន្ទាប់ពីសនវការជាង ២ ម៉ោង នៅអង្គារ ទី១៧ មករា ។
មេធាវីការពារក្ដីឲ្យលោក សម រង្ស៊ី គឺ លោក សំ សុគង់ ប្រាប់អ្នកសារព័ត៌មានថា លោកប្ដឹងជំទាស់
មកសាលាឧទ្ធរណ៍នេះ ដោយយល់ឃើញថា ការសម្រេចរបស់សាលាដំបូងរាជធានីភ្នំពេញមិន
បានផ្ដល់យុត្តិធម៌ឲ្យកូនក្ដីលោកទេ។ លោក សង្ឃឹមថា សាលាឧទ្ធរណ៍នឹងផ្ដល់យុទ្ធធម៌ឲ្យកូនក្ដី
លោក ។
តំណាងប្រមុខរដ្ឋាភិបាលកម្ពុជាគឺលោក សោម សឿន ជាមន្ត្រីខុទ្ទការល័យគណបក្សប្រជាជន
កម្ពុជា ដែលបានចូលរួមសវនាកា បានលើកឡើងថា លោកមិនបានទិញអ្នកគាំទ្រ ឬអ្នក ចុចចូល
ចិត្ត(Likes) ដូចលោក សម រង្ស៊ី បង្ហោះលើទំព័រហ្វេសប៊ុកនោះឡើយ ។ លោក ចាត់ទុកថា ការលើក
ឡើង របស់លោក សម រង្ស៊ី នេះធ្វើឲ្យប៉ះពាល់ធ្ងន់ធ្ងរ ដល់កិត្តិយសថ្នាក់ដឹកនាំ និងរូបលោកជា
ប្រធានក្រុមការងារផ្នែកគ្រប់គ្រងគេហទំព័រ របស់គណបក្សប្រជាជនកម្ពុជា។
កាលពីថ្ងៃទី ៩ ខែមីនាឆ្នាំ២០១៦ លោក សម រង្ស៊ី បានបង្ហោះសារនៅលើទំព័រហ្វេសប៊ុករបស់លោក
ថា លោកនាយករដ្ឋមន្ត្រី ហ៊ុន សែន បានទិញអ្នកគាំទ្រ ឬអ្នកចុចចូលចិត្ត( Like) ក្លែងក្លាយ ដើម្បី
ប្រាប់ទៅសាធារណជនថា ខ្លួនមានប្រជាប្រិយភាព ៕
0 comments:
Post a Comment