.jpg)
លោក សៀង ជិន មិត្តភ័ក្តរបស់លោក កឹម សុខដែលត្រូវសមត្ថកិច្ចខណ្ឌដូនពេញ
ចាប់ខ្លួនកាលពីយប់ថ្ងៃ ទី ១៣ កុម្ភះ។
ដោយ លោក ជា វិបុល
លោសៀង ជិន ដែល ជាមិត្តភ័ក្ដិរបស់អ្នកវិភាគនយោបាយ លោក គឹម សុខត្រូវបានសមត្ថកិច្ច
ខណ្ឌដូនពេញ ចាប់ខ្លួនកាលពីយប់ថ្ងៃទី១៣ កុម្ភៈ ហើយមិនទាន់មានការដោះលែងឲ្យមានសេរីភាពវិញនៅឡើយទេ រហូតដល់រសៀលថ្ងៃទី១៤ ខែកុម្ភៈ នេះ។
លោក ធួន សារ៉ែនត្រូវជាប្អូនថ្លៃលោក លោកសៀង ជិនអះអាង នៅរសៀលថ្ងៃទី១៤ ខែកុម្ភៈ
ថា “បងថ្លៃរបស់លោកគឺលោកសៀង ជិនកំពុងនៅជាប់ឃុំក្នុងអធិការដ្ឋានខណ្ឌដូនពេញនៅ
ឡើយទេ” ។ លោកបន្តថា នៅថ្ងៃត្រង់នេះ លោកបានយកអាហារជូនបងថ្លៃលោក តែសមត្ថកិច្ច
មិនអនុញ្ញាតចូលជួបផ្ទាល់ទេ ដោយសមត្ថកិច្ចទទួលអាហារនោះទៅប្រគល់ឲ្យលោក សៀង ជិនជំនួសវិញ។
លោក ធូន សារ៉ែន បញ្ជាក់ថា សមត្ថកិច្ចមិនបានបញ្ជាក់ពីមូលហេតុនៃការចាប់ខ្លួនលោក សៀង ជិន នោះទេ។ ក៏ប៉ុន្តែលោកសន្និដ្ឋានថា អាចប្រហែលមកពីជាប់ទាក់ទងនឹងលោក គឹម សុខ ដែលកំពុងត្រូវបានសមត្ថកិច្ចតាមដាន កុំឲ្យចេញទៅក្រៅប្រទេស ជុំវិញបណ្ដឹងរបស់លោកនាយករដ្ឋ
មន្ត្រី ហ៊ុន សែន នោះ។
ទោះជាយ៉ាងណាក៏ដោយ លោក ធួន សារ៉ែន បញ្ជាក់ថា លោក សៀង ជិន មិនជាប់ទាក់ទងផ្នែកនយោបាយជាមួយលោក គឹម សុខ ទេ ក្រៅតែពីមិត្តភាព។
លោក សៀង ជិន ត្រូវបានសមត្ថកិច្ចខណ្ឌដូនពេញ ចាប់ខ្លួន បន្ទាប់ពីលោកជូនលោក គឹម សុខ ត្រឡប់ទៅផ្ទះវិញ ក្រោយពេលចេញពីបន្ទប់ផ្សាយរបស់វិទ្យុសំឡេងសហរដ្ឋអាមេរិក (VOA) កាលពីយប់ថ្ងៃទី១៣ ខែកុម្ភៈ។
នៅពេលនេះមិនទាន់មានការអះអាងថាលោក កឹម សុខកំពុងស្ថិតនៅទីណានៅឡើយទេ ខណះ
តុលាការភ្នំពេញចេញដីកាកោះឲ្យលោកចូលខ្លួននៅថ្ងៃ ទី ១៧ កុម្ភះខាងមុខនេះ៕
0 comments:
Post a Comment