លោក កឹម សុខាជួបជាមួយមន្ត្រីស្ថានទូតសំខាន់ៗប្រចាំកម្ពុជាកាលពីម្សិលមិញ
លោក កឹម សុខា ប្រធានស្ដីទីនៃគណបក្សសង្គ្រោះជាតិ ចេញទៅក្រៅប្រទេសនៅថ្ងៃទី១៦ ខែកុម្ភៈ នេះបន្ទាប់ពីលោកបានជួបពិភាក្សាជាមួយមន្ត្រីបណ្តាអង្គទូតសំខាន់ៗមួយចំនួនប្រចាំកម្ពុជាស្តីពី
ការអវិវឌ្ឍន៏នៃស្ថានភាពនយោបាយចុងក្រោយនេះ។
អនុប្រធានគណៈកម្មាធិការនាយកនៃគណបក្សសង្គ្រោះជាតិ លោក អេង ឆៃអ៊ាង ថ្លែងថា លោក កឹម សុខា ចេញទៅក្រៅប្រទេសដើម្បីពិនិត្យសុខភាព ហើយលោកនឹងត្រឡប់មកវិញក្នុងពេលដ៏ខ្លី។ ទោះជាយ៉ាងណា លោកមិនបានប្រាប់ថា ចេញទៅប្រទេសណានោះទេ។ ប៉ុន្តែ តាមទម្លាប់ លោកកឹម សុខាតែងចេញទៅពិនិត្យសុខភាពនៅប្រទេសថៃ។
កាលពីថ្ងៃទី១៥ ខែកុម្ភៈ លោក កឹម សុខា បានទៅជួបពិភាក្សាគ្នាជាមួយមន្ត្រីទូតសំខាន់ៗ ដើម្បីពិភាក្សាអំពីការវិវឌ្ឍន៍នៃស្ថានការណ៍នយោបាយចុងក្រោយ និងសកម្មភាពនៅក្នុងរដ្ឋសភា រួម
ទាំងច្បាប់ស្ដីពីគណបក្សនយោបាយដែលគណបក្សកាន់អំណាចកំពុងស្នើឲ្យមានការធ្វើ
វិសោធនកម្មឡើងវិញ។
លោក អេង ឆៃអ៊ាង បន្តថា ជំនួបនោះមានមន្ត្រីស្ថានទូតបារាំង មន្ត្រីស្ថានទូតអាមេរិក និងមន្ត្រីស្ថានទូតសហភាពអឺរ៉ុបប្រចាំកម្ពុជា។
រហូតមកដល់ថ្ងៃនេះ គណបក្សប្រឆាំងមិនទាន់សម្រេចថា នឹងចូលរួមប្រជុំសភា ដែលគ្រោងនឹងកោះប្រជុំវិសាមញ្ញនៅថ្ងៃទី២០ ខែកុម្ភៈ ខាងមុខ ដើម្បីអនុម័តសេចក្ដីស្នើច្បាប់ស្ដីពីវិសោធនកម្មច្បាប់ស្ដីពីគណបក្ស នយោបាយនៅឡើយទេ បន្ទាប់ពីគណះកម្មការជំនាញបានសម្រេចយល់
ព្រមតាមសំណើរបស់លោកនាយករដ្ឋមន្ត្រី ហ៊ុន សែនកាលពីម្សិលមិញ៕
0 comments:
Post a Comment