.jpg)
លោក យឹម សុវណ្ណ (ខាងស្តាំរូបជួរលើ) និងតំណាងរាស្ត្របក្សប្រឆាំងដទៃទៀតនឹងមិន
ចូលប្រជុំសភានៅថ្ងៃស្អែកទេ។
ដោយ លោក នុប គីម
តំណាងរាស្ត្រគណបក្សសង្គ្រោះជាតិ(CNRP) បដិសេធចូលរួមក្នុងការប្រជុំពិភាក្សា និងអនុម័តសេចក្តីស្នើច្បាប់ស្តីពីវិសោធនកម្មច្បាប់នៃគណបក្សនយោបាយ នៅរដ្ឋសភានៅ ថ្ងៃស្អែក ទី ២០ កុម្ភះនេះ។
លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិបានបញ្ជាក់ថាតំណាងរាស្ត្រគណបក្សប្រឆាំងទាំងអស់សម្រេចមិនចូលរួមប្រជុំពិភាក្សា និងអនុម័តច្បាប់ស្តីពីគណបក្សនយោបាយនោះទេ។
លោកបញ្ជាក់ថា “ ក្រុមអ្នកតំណាងរាស្ត្រគណបក្សសង្គ្រោះជាតិនឹងមិនទៅចូលរួមប្រជុំទេយើង
បានសម្រេចជាមួយគ្នារួម ដោយសារថាយើងមិនគាំទ្រឱ្យមានការធ្វើវិសោធនកម្មច្បាប់ពាក់ព័ន្ធនឹងគណបក្សនយោបាយនោះទេដូច្នេះយើងមិនចូលរួមប្រជុំទេ ហើយយើងនៅតែបន្តការងាររបស់យើងពិនិត្យមើលសេចក្តីព្រៀងច្បាប់ណាដែលមានផលប្រយោជន៍ចំពោះប្រទេសជាតិនិងប្រជាពលរដ្ឋ។ កិច្ចការណាដែលមានផលប្រយោជន៍យើងនឹងបន្តការចូលរួមដដែល ប៉ុន្តែចំពោះសេចក្តីព្រៀងច្បាប់ស្តីពីវិសោធនកម្មស្តីពីគណបក្សនយោបាយហ្នឹង ថ្ងៃស្អែកហ្នឹងគឺយើងមិនទៅចួលរួមទេ”។
សេចក្តីស្នើច្បាប់នេះបានធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែនបានជំរុញឱ្យមានការធ្វើវិសោធនកម្មច្បាប់ស្តីពីគណបក្សនយោបាយដែលច្បាប់នោះ មិនអនុញ្ញាតឱ្យអ្នកនយោបាយមានទោស ធ្វើជាប្រធាន និងអនុប្រធានគណបក្សបាននោះទេ។
បន្ទាប់ពីមានការលើកឡើងពីការធ្វើវិសោធនកម្មស្តីពីច្បាប់នយោបាយរបស់លោកនាយករដ្ឋមន្ត្រី អង្គការសង្គមស៊ីវិលចំនួន២០បានចេញសេចក្តីថ្លែងការរួមមួយកាលពីថ្ងៃទី ១៧ ខែកុម្ភៈថា បានរំលោភសេរីភាពបុគ្គលដែលចូលរួមក្នុងគណបក្សនយោបាយ និងសិទ្ធិបុគ្គលចូលរួមយ៉ាងសកម្មក្នុងជីវិតនយោបាយ ដែលធានាដោយរដ្ឋធម្មនុញ្ញ។
ភ្លាមៗនេះ សារព័ត៌មានជាតិខ្មែរ មិនអាចទាក់ទងលោក សុខ ឥសានអ្នកនាំពាក្យរបស់គណបក្ស
ប្រជាជនកម្ពុជាដើម្បីឆ្លើយតបនឹងជំហររបស់គណបក្សប្រឆាំងនៅរសៀលនេះបានទេដោយទូរសព្
ទរបស់លោកគ្មានអ្នកទទួលនៅពេលហៅចូលជាច្រើនដង៕
0 comments:
Post a Comment