.jpg)
លោកហ៊ុន ម៉ាណែតថតជាមួយ ឯកអគ្គរដ្ឋទូតសហរដ្ឋអាមេរិកប្រចាំកម្ពុជា
លោក វីល្លៀម ហៃដ្ដ (William
Heidt) នៅថ្ងៃទី១៧ខែកុម្ភៈ។
ដោយ លោក ជា វិបុល
ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីល្លៀម ហៃដ្ដ (William Heidt) នៅថ្ងៃទី១៧
ខែកុម្ភៈ បានជួបទទួលទានអាហារថ្ងៃត្រង់ពិភាក្សាការងារជាមួយកូនប្រុសច្បងលោកនាយក
រដ្ឋមន្ត្រី ហ៊ុន សែន គឺលោក ហ៊ុន ម៉ាណែតពីសហប្រតិបត្តិការយោធានៃប្រទេសទាំងពីរនិង
វិធានការប្រយុទ្ធប្រឆាំងនឹងភេវរកម្មអន្តរជាតិ។
ស្ថានទូតសហរដ្ឋអាមេរិកប្រចាំកម្ពុជា ឲ្យដឹងតាមទំព័រហ្វេសប៊ុក (Facebook) ថា លោក វីល្លៀម ហៃដ្ដ និងលោក ហ៊ុន ម៉ាណែត បានពិភាក្សាគ្នាប្រកបដោយផ្លែផ្កាមួយក្នុងពេលដែលលោកទាំង
ពីរពិសាអាហារថ្ងៃត្រង់ជាមួយគ្នានៅនិវាសដ្ឋានលោក វីល្លៀម ហៃដ្ដ។ ស្ថានទូតសហរដ្ឋអាមេរិក បញ្ជាក់ថា ប្រធានបទពិភាក្សារួមមាន កិច្ចសហប្រតិបត្តិការយោធា និងការប្រឆាំងនឹងភេរវកម្ម។
ទាក់ទងនឹងកិច្ចសហប្រតិបត្តិការយោធា រដ្ឋាភិបាលកម្ពុជា កាលពីពេលកន្លងទៅនេះ បាន
ប្រកាសផ្អាកសមយុទ្ធយោធាឆ្មាំអង្គរជាមួយសហរដ្ឋអាមេរិក នៅឆ្នាំ២០១៧ និងឆ្នាំ២០១៨។
រដ្ឋាភិបាលលើកហេតុផលថា ការផ្អាកនេះដោយសារប្រទេសកម្ពុជា ត្រូវរៀបចំការបោះឆ្នោតជ្រើស
រើសក្រុមប្រឹក្សាឃុំ-សង្កាត់ នៅឆ្នាំ២០១៧ និងបោះឆ្នោតជ្រើសតាំងតំណាងរាស្ត្រនៅឆ្នាំ២០១៨។ លើសពីនេះ កម្លាំងសមត្ថកិច្ចកម្ពុជា ក៏កំពុងរវល់ក្នុងយុទ្ធនាការប្រយុទ្ធប្រឆាំងនឹងការបង្ក្រាបគ្រឿង
ញៀនផងដែរ។ ទោះជាយ៉ាងណា អ្នកខ្លះយល់ថា ការសម្រេចផ្អាករបស់រដ្ឋាភិបាលកម្ពុជា អាចមានហេតុផលនយោបាយច្រើនជាងដោយសារនៅពេលនេះសហរដ្ឋអាមេរិកប្រកាន់ជំហរប្រឆាំងដាច់
ខាត។
កន្លងទៅ ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីល្លៀម ហៃដ្ដ ធ្លាប់ថ្លែងថា ការផ្អាកធ្វើ ឬមិនធ្វើសមយុទ្ធជាមួយប្រទេសណាមួយ គឺជាសិទ្ធិរបស់កម្ពុជា ប៉ុន្តែលោកថា អ្នកដែលខាតបង់មិនមែនសហរដ្ឋអាមេរិក នោះទេ។
លោកហ៊ុន ម៉ាណែតក៏ជាមន្ត្រីជាន់ខ្ពស់យោធាកម្ពុជាមួយរូបបានបញ្ចប់ការសិក្សាវិស័យយោធា
នៅបណ្ឌិតសភាយោធាសហរដ្ឋអាមេរិកដែលមានឈ្មោះថាសាកលវិទ្យាល័យ West Point៕
0 comments:
Post a Comment