លោកសម រង្ស៊ីនិងលោកកឹម សុខាចាប់ដៃគ្នាយ៉ាងណែន
ដោយ លោក ជុំ បូរ៉ារហូតមកដល់ពេលនេះ គណៈកម្មាធិការអចិន្ត្រៃយ៍នៃគណបក្សសង្គ្រោះជាតិ(CNRP) មិនទាន់
អាចកំណត់ថ្ងៃប្រជុំប្រគល់ឬផ្ទេរតំណែងប្រធានគណបក្សរបស់លោកសម រង្ស៊ីទៅឲ្យលោកកឹម សុខាឬមន្ត្រីជាន់ខ្ពស់រូបណាម្នាក់ទៀតនៅឡើយទេ។ នេះបើតាមការអះអាងរបស់ព្រះអង្គម្ចាស់ស៊ីសុវត្ថិ ធម្មកោសមាជិកមួយរូបនៃគណៈកម្មាធិការនាយកនៃគណបក្សសង្គ្រោះជាតិ។
ព្រះអង្គមានបន្ទូលទៀតថាគណៈកម្មាធិការអចិន្ត្រៃយ៍ និងគណៈកម្មាធិការនាយកនៃគណបក្សសង្គ្រោះជាតិក៏មិនទាន់កោះប្រជុំពិភាក្សាពីករណីរបស់លោកប្រធានសម រង្ស៊ីនេះដែរ។
ក៏ប៉ុន្តែប្រធានស្តីទីគណបក្សសង្គ្រោះជាតិ លោក កឹម សុខា នៅថ្ងៃនេះ បានចាត់ទុកថាការលា
លែងរបស់លោកសម រង្ស៊ីពីប្រធានគណបក្សប្រឆាំងដ៏ធំមួយនេះគឺ ជាការសម្រេចចិត្តប្រកប
ដោយកិត្តិយស ដើម្បីផលប្រយោជន៍ជាតិ និងគណបក្សជាធំ។
លោក កឹម សុខា ដែលជាដៃគូសំខាន់របស់លោក សម រង្ស៊ី ក្រោយការច្របាច់បញ្ចូលគ្នារវាងគណបក្ស សម រង្ស៊ី និងគណបក្សសិទ្ធិមនុស្ស កាលពីឆ្នាំ២០១២មកនោះ បានលើកឡើងដូច្នេះ
នៅលើទំព័រហ្វេសប៊ុកផ្លូវការរបស់លោក នៅព្រឹកថ្ងៃនេះ។
លោក កឹម សុខា រៀបរាប់ថា ការសម្រេចចិត្តលាលែងពីប្រធាន និងសមាជិកគណបក្សសង្គ្រោះ
ជាតិរបស់លោក សម រង្ស៊ី គឺជាការសម្រេចចិត្តប្រកបដោយកិត្តិយស ដោយមានការពិគ្រោះយោបល់ជាមួយថ្នាក់ដឹកនាំគណបក្ស ដើម្បីផលប្រយោជន៍ជាតិ និងគណបក្សជាធំ។
ក្នុងលិខិតមួយច្បាប់ដាក់ទៅគណៈកម្មាធិការអចិន្ត្រៃយ៍ និងគណៈកម្មាធិការនាយកនៃគណបក្សសង្គ្រោះជាតិកាលពីថ្ងៃម្សិលមិញនេះ លោក សម រង្ស៊ី បានប្រកាសថា លោកបានលាលែងពី
តំណែងជាប្រធានបក្សប្រឆាំងដ៏ធំមួយនេះ ចាប់ពីថ្ងៃម្សិលមិញតទៅ។
ពុំមានមូលហេតុច្បាស់លាស់ត្រូវបានគេដឹងនោះឡើយ ប៉ុន្តែ លោក សម រង្ស៊ី បានត្រឹមតែបញ្ជាក់
ថា ដោយសារតែមូលហេតុផ្ទាល់ខ្លួន។
នៅពេលថ្មីៗនេះ គេសង្កេតឃើញលោកនាយករដ្ឋមន្ត្រី ហ៊ុន សែនព្យាយាមបំបែកបំបាក់លោក
សម រង្ស៊ីចេញពីលោកកឹម សុខាហើយពីលោក កឹម សុខាចេញពីលោកសម រង្ស៊ីផងដែរតាម
រយះផ្តល់តំណែងឲ្យមេបក្សប្រឆាំងទាំងពីររូបមានឋានះស្មើនឹងនាយករដ្ឋមន្ត្រីម្តងម្នាក់។ តែនៅទីបំផុតនៅពេលលោកនាយករដ្ឋមន្ត្រីមិនអាចបំបែកពួកគេទាំងពីរនាក់បានដូចបំណងនោះ
ក៏លោកប្រកាសនៅក្នុងរដ្ឋសភាថា “ តំណែងនាយករដ្ឋមន្ត្រីទាំងនេះសុទ្ធតែជាតំណែងខ្យល់ទេ”៕
0 comments:
Post a Comment