លោកនាយករដ្ឋមន្ត្រី ហ៊ុន សែនប្រកាសតម្លើងប្រាក់បៀរវត្សគ្រូបង្រៀននិងគ្រូពេទ្យ
ច្រើនជាងកងកម្លាំងប្រដាប់អាវុធ។
ប្រមុខរដ្ឋាភិបាលកម្ពុជា លោក ហ៊ុន សែន បានថ្លែងថា លោកនឹងតម្លើងប្រាក់ខែគ្រូបង្រៀន និង
គ្រូពេទ្យឲ្យបានច្រើនជាងប្រាក់បៀរវត្សរបស់កងកម្លាំងប្រដាប់អាវុធ ដោយលោកចាត់ទុកថាគ្រូ
បង្រៀនជាថ្នាលបណ្តុះបណ្តាលធនធានមនុស្សដ៏សំខាន់របស់ជាតិ។
ក្នុងពិធីចែកសញ្ញាបត្រដល់និស្សិតនៅព្រឹកថ្ងៃពុធនេះ លោកនាយករដ្ឋមន្ត្រី ហ៊ុន សែន បានថ្លែង
ថា រដ្ឋាភិបាលនឹងតម្លើងប្រាក់ខែឲ្យគ្រូបង្រៀននិងគ្រូពេទ្យឲ្យច្រើនជាងប្រាក់ខែកងកម្លាំងប្រដាប់
អាវុធ។ លោកក៏ស្នើកុំឲ្យកងកម្លាំងប្រដាប់អាវុធច្រណែននឹងគ្រូបង្រៀននិងគ្រូពេទ្យឡើយ ព្រោះ
គ្រូបង្រៀនគឺជាអ្នកបណ្ដុះបណ្ដាលធនធានធមនុស្ស។
លោកបញ្ជាក់ថា “សូម្បីតែកូនចៅរបស់កងកម្លាំងប្រដាប់អាវុធក៏ត្រូវការគ្រូបង្រៀនផងដែរ”។ លោកឲ្យដឹងថា គ្រូបង្រៀនកាលពីឆ្នាំ២០១៦ មានប្រាក់បៀវត្សន៍៨០០៥០០រៀល[ប៉ែតសិបម៉ឺន
ប្រាំរយរៀល] មកដល់ខែ មករា កន្លងទៅនេះឡើងដល់៨៥០៣៥០ម៉ឺនរៀលទាបបំផុត។ ទៅដល់ខែមេសាខាងមុខនេះនឹងឡើងដល់៩៥៣៥០០រៀល បើគិតទៅឡើងសរុបជាង១៥ម៉ឺន
រៀល មិនទាន់គិតពីប្រាក់តំបន់ ប្រាក់តំបន់មាន៨ម៉ឺន ១០ម៉ឺន និង១២ម៉ឺនរៀលទៀត។
លោកបន្ថែមថា “គ្រូបង្រៀននិងគ្រូពេទ្យមានប្រាក់ខែខ្ពស់ជាងគេ ប៉ុន្តែខ្ញុំគិតថាកងប្រដាប់អាវុធ ជាកងទ័ពក្តី ជានគរបាលក្តី និងមន្ត្រីរាជការក្តី មិនច្រណែននឹងគ្រូបង្រៀន និងគ្រូពេទ្យទេ”។
កាលពីថ្ងៃអង្គារម្សិលមិញ អ្នកនាំពាក្យរដ្ឋសភា លោក ឈាង វុន បានអះអាងថា សភាបាន
សម្រេចអនុម័តតម្លើងប្រាក់ខែដល់មន្ត្រីរដ្ឋសភា ព្រឹទ្ធសភា និងក្រុមប្រឹក្សាធម្មនុញ្ញ ដូចមន្ត្រី
អង្គការនីតិប្រត្តិបត្តិផងដែរ។
បើតាមរាបយការណ៏ពីសមាគមគ្រូបង្រៀនកម្ពុជាឯករាជ្យឲ្យដឹងថា បច្ចុប្បន្នមានគ្រូបង្រៀនជិត
១២ម៉ឺននាក់នៅទូទាំងប្រទេស។ ពួកគេទទួលបានប្រាក់ខែសរុប ច្រើនបំផុតសម្រាប់ គ្រូនៅ
មហាវិទ្យាល័យ បានជាង១លានរៀល និងកម្រិតទាបបំផុត នៅវិទ្យាល័យបានជាង៨០ម៉ឺនរៀល។
ចំនួនប្រាក់ខែដែលគ្រូទទួលបាននេះ សមាគមគ្រូបង្រៀនអះអាងថាជាកម្រិតទាបនៅឡើយ ធ្វើ
ឲ្យជីវភាពពួកគេជាថ្នាលបណ្តុះបណ្តាលធនធានមនុស្សដ៏សំខាន់មួយនេះ រស់នៅក្នុងស្ថានភាព
លំបាកនៅឡើយ។ សមាគមបន្តថា ប្រាក់ខែឡើងដល់២លានរៀល ទើបអាចធ្វើឲ្យលោកគ្រូ-អ្នក
គ្រូដែលមានសមាជិកគ្រូសារច្រើនរស់នៅបានសមរម្យ។
កន្លងមកគណបក្សប្រឆាំងតែងតែយកបញ្ហាប្រាក់ខែទាបរបស់មន្ត្រីរាជការ គ្រូបង្រៀននិងគ្រូពេទ្យ
ហើយនិងប្រាក់បៀរវត្សរបស់កងកម្លាំងប្រដាប់អាវុធជាប្រធានបទដ៏សំខាន់មួយសម្រាប់ឃោសនា
បោះឆ្នោតផងដែរ៕
By: Chea Vibol
0 comments:
Post a Comment