លោក វេជ្ជះ បណ្ឌិត Beat Richner និងកុមារកម្ពុជារាប់រយនាក់នៅមន្ទីរពេទ្យ
គន្ធបុប្ផាភ្នំពេញ។
លោក វេជ្ជបណ្ឌិត Beat Richner បានឲ្យដឹងថា មន្ទីរពេទ្យនេះ បានរកឃើញកុមារកម្ពុជាដល់ទៅ ១១,៦០៦នាក់ ប្រឈមនឹងជំងឺធ្ងន់ធ្ងរហ នៅក្នុងចំណោមកុមារកម្ពុជា ៧ម៉ឺននាក់ ដែលត្រូវបាននាំយកទៅពិនិត្យនៅមន្ទីរពេទ្យគន្ធបុប្ផាទាំងពីរសាខា គឺនៅភ្នំពេញនិងនៅខេត្ត្សៀមរាប។
ក្នុងចំណោមកុមារមានជំងឺធ្ងន់ធ្ងរទាំងនោះ លោកវេជ្ជបណ្ឌិត Beat Richner បានឲ្យដឹងបន្ថែមថា កុមារ ១៥២នាក់ ប្រឈមនឹងជំងឺរលាកខួរក្បាលធ្ងន់ធ្ងរ។
ស្ថាបនិកមន្ទីរពេទ្យគន្ធបុប្ផារូបនេះ កាលពីខែកក្កដាឆ្នាំមុន បានស្នើទៅក្រសួងសុខាភិបាល ឲ្យត្រួតពិនិត្យសមត្ថភាពក្រុមគ្រូពេទ្យនៅតាមគ្លីនិកឯកជននិងមន្ទីរពេទ្យបង្អែករបស់រដ្ឋនៅទូទាំងប្រទេស
ឡើងវិញ បន្ទាប់ពីរកឃើញថា កុមារកម្ពុជារាប់រយនាក់ បានធ្លាក់ខ្លួនឈឺធ្ងន់ធ្ងរ ដោយសារពុំទទួល
បានការព្យាបាលត្រឹមត្រូវនៅតាមគ្លីនិកឯកជននិងមន្ទីរពេទ្យរដ្ឋទាំងនោះហើយនាំគ្នាសម្រុកបញ្ជូន
មកកាន់មន្ទីរពេទ្យគន្ធបុប្ផា៕
0 comments:
Post a Comment