.jpg)
មន្ត្រីកងរាជអាវុធហត្ថឃាត់រថយន្តដឹកឈើរបស់ជនជាតិយួននៅក្នុងព្រៃនៃទឹកដី
ខេត្តមណ្ឌលគិរីកន្លងមកថ្មីៗនេះ។
មណ្ឌលគិរីៈ យោងតាមប្រភពពីខេត្តរតនគិរីឲ្យដឹងថាមន្ត្រីសមត្ថកិច្ចប្រដាប់អាវុធជាង
១០ នាក់ត្រូវបានរកឃើញថាបានឃុបឃិតគ្នាជាប្រព័ន្ធ
បើកដៃឲ្យឈ្មួញវៀតណាមចូលមកកាប់ឈើខុសច្បាប់នៅក្នុងប្រទេសកម្ពុជាជាថ្នូរនឹងទឹកប្រាក់ចំនួន
១៧ ម៉ឺនដុល្លារដែលក្នុងនោះមន្ត្រី ២ រូបត្រូវបាននគរបាលជាតិស្នើឲ្យបញ្ជូនសំណុំរឿងទៅតុលាការ
៩
រូបត្រូវដាក់ពិន័យហើយមន្ត្រីផ្សេងទៀតកំពុងតែត្រូវគណៈកម្មការជាតិចាត់ការបន្ត។
ក្រោយពីកម្លាំងចម្រុះបង្ក្រាបជនជាតិវៀតណាមចំនួន
៧ នាក់រឿងឆ្លងដែនខុសច្បាប់ចូលមកកាប់ដឹកឈើ ១៤៥
កំណាត់ក្នុងស្រុកអូររាំងកាលពីខែកុម្ភៈមកនោះមានមន្ត្រីនគរបាល
និងយោធាព្រំដែនលេខ ១០៣ ជាង ១០
នាក់បានរត់ចោលអង្គភាពដោយសារតែគណៈកម្មការជាតិទប់ស្កាត់
និងបង្ក្រាបបទល្មើសធនធានធម្មជាតិបង្ក្រាបបានគំរាមចាប់ខ្លួនរឿងបើកដៃឲ្យជនបរទេសចូលកាប់ឈើនោះ។
បន្ទាប់ពីទទួលបានព័ត៌មាននេះមកអគ្គស្នងការនគរបាលជាតិបានបើកការស្រាវជ្រាវបន្ទាន់មួយហើយបានធ្វើការសាកសួរមន្ត្រីដែលរត់គេចខ្លួនទាំងនោះចំនួន ១១ នាក់ជាបន្តបន្ទាប់អស់រយៈពេល៥ថ្ងៃ។
បន្ទាប់ពីទទួលបានព័ត៌មាននេះមកអគ្គស្នងការនគរបាលជាតិបានបើកការស្រាវជ្រាវបន្ទាន់មួយហើយបានធ្វើការសាកសួរមន្ត្រីដែលរត់គេចខ្លួនទាំងនោះចំនួន ១១ នាក់ជាបន្តបន្ទាប់អស់រយៈពេល៥ថ្ងៃ។
របាយការណ៍ស្តីពីលទ្ធផលស្រាវជ្រាវដែលផ្ញើជូនរដ្ឋមន្ត្រីក្រសួងមហាផ្ទៃលោក
ស ខេង បានរក
ឃើញថាមន្ត្រីចំនួន ៣ នាក់បានឃុបឃិត
និងទទួលប្រាក់ពីឈ្មួញឈើជនជាតិវៀតណាមឈ្មោះ អ៊ុក ញ៉ ចំនួន ១៧
ម៉ឺនដុល្លារដើម្បីរត់ការបើកផ្លូវប្រព្រឹត្តបទល្មើស។
មន្ត្រីទាំង ៣ នាក់រួមមាន ទា ខៃម៉េង ប្រធាន គ ៣ នៃយោធាក្នុងស្រុកកែវសីមា, ឯម សុងហ៊ួ ជាមន្ត្រីយោធាការពារព្រំដែនប្រចាំប៉ុស្តិ៍ អូរហ៊ុច និង ជុំ រតនា ជានាយប៉ុស្តិ៍នគរបាលការពារព្រំដែនអូរជុំ។ ទឹកប្រាក់ពុករលួយនេះត្រូវបានបែងចែកជា ២ ផ្នែកដែលក្នុងនោះចំនួន ៨៥ ០០០ ដុល្លារឲ្យមន្ត្រីយោធាគឺលោក ឯម សុងហ៊ួ និង ទា ខៃម៉េង។ រីឯទឹកប្រាក់ ៨៥ ០០០ ដុល្លារផ្សេងទៀតត្រូវលោក ជុំ រតនា ចែកទៅឲ្យលោក សាក់ សារុន មេបញ្ជាការអាវុធហត្ថស្រុកកែវសីមា ៥ ពាន់ដុល្លារលោក សាក់ សារ៉ាង មេបញ្ជាការអាវុធហត្ថខេត្ត ១ ម៉ឺនដុល្លារលោក ឌុល មន្ត្រីអាវុធហត្ថចល័តលើផ្ទៃប្រទេស ៧ ពាន់ដុល្លារលោក ណាក់ មន្ត្រីព្រៃឈើ ៦ ពាន់ដុល្លារ និងលោក លាង ភារ័ត្ន នាយប៉ុស្តិ៍នគរបាលការពារព្រំដែនអូរហុច ២២៥០០ ដុល្លារ។ នៅពេលដែលដឹកឈើចេញមេឈ្មួញរូបនោះក៏បង់លុយឲ្យមន្ត្រីទាំង ៣ នាក់នោះទៀតដែរ។
លិខិតដែលចុះហត្ថលេខាដោយនាយឧត្តមសេនីយ៍ នេត សាវឿន កាលពីថ្ងៃទី ៩ ខែមីនា សន្និដ្ឋានថា៖ «ឈ្មោះ ជុំ រតនា, លាង ភារ័ត្ន, ទា ខៃម៉េង, ឯម សុងហ៊ួ និងមេឈ្មួញវៀតណាម អ៊ុក ញ៉ ជាមេខ្លោងបានប្រព្រឹត្តអំពើឃុបឃិតគ្នាកាប់បំផ្លាញ ប្រមូល និងដឹកជញ្ជូនផលអនុផលព្រៃឈើ ឆ្លងដែនខុសច្បាប់ ទៅប្រទេសវៀតណាមពិតប្រាកដមែន»។
អគ្គស្នងការនគរបាលជាតិបានសំណូមពរ និងស្នើសុំគោលការណ៍ពីលោក ស ខេង រដ្ឋមន្ត្រីក្រសួងមហាផ្ទៃក្នុងការកសាងសំណុំរឿងរបស់លោក ជុំ រតនា និង លាង ភារ័ត្ន ទៅតុលាការដើម្បីចាត់ការតាមផ្លូវច្បាប់។ រីឯមន្ត្រីនគរបាល ៩ នាក់ត្រូវស្នើដាក់វិន័យដូចជាអប់រំ ព្រមាន និងផ្ទេរភារកិច្ចទៅកាន់កន្លែងផ្សេងក្នុងនោះមានឈ្មោះ ព្រំ វណ្ណៈ, យ៉ា សុផា, សា ផល្លា, ស្រេវ ម្នើប (នាយរងប៉ុស្តិ៍អូរជុំ), អន សំអាត, ប៊ុន ភារម្យ, សូត្រ ពន្លៃ, ពិត ជឿន, និង ពៅ ឆឡៃហៀង។
ចំពោះមន្ត្រីយោធា និងអាវុធហត្ថដែលពាក់ព័ន្ធគឺស្ថិតក្រោមចំណាត់ការរបស់គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ។
លោក អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេសថ្លែងថាគណៈកម្មការជាតិនេះកំពុងស្រាវជ្រាវពីករណីនេះហើយនឹងចាត់ការតាមនីតិវិធីច្បាប់។
លោក ខៀវ សុភ័គ អ្នកនាំពាក្យក្រសួងមហាផ្ទៃមិនទាន់អាចធ្វើអត្ថាធិប្បាយថាយ៉ាងណានោះទេទាក់ទងទៅនឹងសំណើរបស់អគ្គស្នងការនគរបាលជាតិ។
ទោះយ៉ាងណាលោក សាក់ សារ៉ាង មេញ្ជាការកងរាជអាវុធហត្ថខេត្តមណ្ឌលគិរីបានបដិសេធការចោទប្រកាន់រឿងទទួលប្រាក់ ១ ម៉ឺនដុល្លានោះ។ លោកបានថ្លែងយ៉ាងខ្លីមុនពេលផ្តាច់ខ្សែទូរស័ព្ទថា៖ «ខ្ញុំអត់ដែលឃើញជួបមុខពួកអស់ហ្នឹងទេ។ និយាយឲ្យខ្លីមិនដែលស្គាល់តែម្តង។ អាមុខក៏មិនដែលឃើញ អាស្គាល់ក៏មិនស្គាល់»។
លោក យិន ចន្ធី មេបញ្ជាការវរការពារព្រំដែនលេខ ១០៣ ថ្លែងថាលោកកំពុងតែចូលរួមនឹងកម្លាំងចម្រុះដើម្បីធ្វើការស្រាវជ្រាវលើបញ្ហានេះក្នុងនោះរួមមានការសួរនាំមន្ត្រីដែលពាក់ព័ន្ធផងដែរ ប៉ុន្តែមិនទាន់ដឹងពីលទ្ធផលនៅឡើយនោះទេ។
លោក មាស ប្រុស អ្នកនាំពាក្យតុលាការខេត្តមណ្ឌលគិរីបានឲ្យដឹងថាជនជាតិវៀតណាមទាំង ៧ នាក់ និងខ្មែរម្នាក់ត្រូវបានឃុំខ្លួនបណ្តោះអាសន្ននៅពន្ធនាគារខេត្តហើយមន្រ្តីតុលាការ ២ រូប និងគណៈកម្មការបាននិងកំពុងតែចុះពិនិត្យកន្លែងកាប់ឈើក្នុងដែនជម្រក។លោកបន្តថា«តាមគេនិយាយមានពាក់ព័ន្ធច្រើននាក់អ៊ីចឹងមែន។ តែការស៊ើបអង្កេតកំពុងតែបន្ត។ បើកាលណានិយាយវាបែកអស់ហើយ»។
លោក សុក រដ្ឋា អ្នកសម្របសម្រួលអង្គការអាដហុកខេត្តមណ្ឌលគិរីបានកត់ស្គាល់ថាបទល្មើសព្រៃឈើបានកំពុងតែកើតមានឡើងចាប់តាំងពីឆ្នាំ ២០០១ មកដោយសារតែអាជ្ញាធរថ្នាក់ក្រោមជាតិគ្មានលទ្ធភាពទប់ស្កាត់ហើយមន្ត្រីមួយចំនួនមានការពាក់ព័ន្ធនឹងបទល្មើសថែមទៀត។ លោកថា«កាប់តាំងពីព្រៃស្រោងរហូតព្រៃរបោះហើយកន្លែងខ្លះ ក្លាយជាវាលរហោឋានតែម្តង។ការកាប់ហ្នឹងនៅតែមានគឺគ្រាន់តែប្តូររូបភាពពីអនាធិបតេយ្យទៅជាលួចលាក់ និងពីពេលថ្ងៃទៅពេលយប់»។
លោកសង្កេតឃើញថា ដោយសារតែមន្ត្រីថ្នាក់ក្រោមជាតិទប់ស្កាត់មិនបានទើបអាជ្ញាធរថ្នាក់ជាតិចុះទៅបង្ក្រាបដោយផ្ទាល់ហើយមានប្រសិទ្ធភាពជាងមុន។ តែនៅពេលភ្លេចខ្លួន ក៏បទល្លើសព្រៃឈើ
បន្តកើតឡើងវិញភ្លាមផងដែរ៕
មន្ត្រីទាំង ៣ នាក់រួមមាន ទា ខៃម៉េង ប្រធាន គ ៣ នៃយោធាក្នុងស្រុកកែវសីមា, ឯម សុងហ៊ួ ជាមន្ត្រីយោធាការពារព្រំដែនប្រចាំប៉ុស្តិ៍ អូរហ៊ុច និង ជុំ រតនា ជានាយប៉ុស្តិ៍នគរបាលការពារព្រំដែនអូរជុំ។ ទឹកប្រាក់ពុករលួយនេះត្រូវបានបែងចែកជា ២ ផ្នែកដែលក្នុងនោះចំនួន ៨៥ ០០០ ដុល្លារឲ្យមន្ត្រីយោធាគឺលោក ឯម សុងហ៊ួ និង ទា ខៃម៉េង។ រីឯទឹកប្រាក់ ៨៥ ០០០ ដុល្លារផ្សេងទៀតត្រូវលោក ជុំ រតនា ចែកទៅឲ្យលោក សាក់ សារុន មេបញ្ជាការអាវុធហត្ថស្រុកកែវសីមា ៥ ពាន់ដុល្លារលោក សាក់ សារ៉ាង មេបញ្ជាការអាវុធហត្ថខេត្ត ១ ម៉ឺនដុល្លារលោក ឌុល មន្ត្រីអាវុធហត្ថចល័តលើផ្ទៃប្រទេស ៧ ពាន់ដុល្លារលោក ណាក់ មន្ត្រីព្រៃឈើ ៦ ពាន់ដុល្លារ និងលោក លាង ភារ័ត្ន នាយប៉ុស្តិ៍នគរបាលការពារព្រំដែនអូរហុច ២២៥០០ ដុល្លារ។ នៅពេលដែលដឹកឈើចេញមេឈ្មួញរូបនោះក៏បង់លុយឲ្យមន្ត្រីទាំង ៣ នាក់នោះទៀតដែរ។
លិខិតដែលចុះហត្ថលេខាដោយនាយឧត្តមសេនីយ៍ នេត សាវឿន កាលពីថ្ងៃទី ៩ ខែមីនា សន្និដ្ឋានថា៖ «ឈ្មោះ ជុំ រតនា, លាង ភារ័ត្ន, ទា ខៃម៉េង, ឯម សុងហ៊ួ និងមេឈ្មួញវៀតណាម អ៊ុក ញ៉ ជាមេខ្លោងបានប្រព្រឹត្តអំពើឃុបឃិតគ្នាកាប់បំផ្លាញ ប្រមូល និងដឹកជញ្ជូនផលអនុផលព្រៃឈើ ឆ្លងដែនខុសច្បាប់ ទៅប្រទេសវៀតណាមពិតប្រាកដមែន»។
អគ្គស្នងការនគរបាលជាតិបានសំណូមពរ និងស្នើសុំគោលការណ៍ពីលោក ស ខេង រដ្ឋមន្ត្រីក្រសួងមហាផ្ទៃក្នុងការកសាងសំណុំរឿងរបស់លោក ជុំ រតនា និង លាង ភារ័ត្ន ទៅតុលាការដើម្បីចាត់ការតាមផ្លូវច្បាប់។ រីឯមន្ត្រីនគរបាល ៩ នាក់ត្រូវស្នើដាក់វិន័យដូចជាអប់រំ ព្រមាន និងផ្ទេរភារកិច្ចទៅកាន់កន្លែងផ្សេងក្នុងនោះមានឈ្មោះ ព្រំ វណ្ណៈ, យ៉ា សុផា, សា ផល្លា, ស្រេវ ម្នើប (នាយរងប៉ុស្តិ៍អូរជុំ), អន សំអាត, ប៊ុន ភារម្យ, សូត្រ ពន្លៃ, ពិត ជឿន, និង ពៅ ឆឡៃហៀង។
ចំពោះមន្ត្រីយោធា និងអាវុធហត្ថដែលពាក់ព័ន្ធគឺស្ថិតក្រោមចំណាត់ការរបស់គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ។
លោក អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេសថ្លែងថាគណៈកម្មការជាតិនេះកំពុងស្រាវជ្រាវពីករណីនេះហើយនឹងចាត់ការតាមនីតិវិធីច្បាប់។
លោក ខៀវ សុភ័គ អ្នកនាំពាក្យក្រសួងមហាផ្ទៃមិនទាន់អាចធ្វើអត្ថាធិប្បាយថាយ៉ាងណានោះទេទាក់ទងទៅនឹងសំណើរបស់អគ្គស្នងការនគរបាលជាតិ។
ទោះយ៉ាងណាលោក សាក់ សារ៉ាង មេញ្ជាការកងរាជអាវុធហត្ថខេត្តមណ្ឌលគិរីបានបដិសេធការចោទប្រកាន់រឿងទទួលប្រាក់ ១ ម៉ឺនដុល្លានោះ។ លោកបានថ្លែងយ៉ាងខ្លីមុនពេលផ្តាច់ខ្សែទូរស័ព្ទថា៖ «ខ្ញុំអត់ដែលឃើញជួបមុខពួកអស់ហ្នឹងទេ។ និយាយឲ្យខ្លីមិនដែលស្គាល់តែម្តង។ អាមុខក៏មិនដែលឃើញ អាស្គាល់ក៏មិនស្គាល់»។
លោក យិន ចន្ធី មេបញ្ជាការវរការពារព្រំដែនលេខ ១០៣ ថ្លែងថាលោកកំពុងតែចូលរួមនឹងកម្លាំងចម្រុះដើម្បីធ្វើការស្រាវជ្រាវលើបញ្ហានេះក្នុងនោះរួមមានការសួរនាំមន្ត្រីដែលពាក់ព័ន្ធផងដែរ ប៉ុន្តែមិនទាន់ដឹងពីលទ្ធផលនៅឡើយនោះទេ។
លោក មាស ប្រុស អ្នកនាំពាក្យតុលាការខេត្តមណ្ឌលគិរីបានឲ្យដឹងថាជនជាតិវៀតណាមទាំង ៧ នាក់ និងខ្មែរម្នាក់ត្រូវបានឃុំខ្លួនបណ្តោះអាសន្ននៅពន្ធនាគារខេត្តហើយមន្រ្តីតុលាការ ២ រូប និងគណៈកម្មការបាននិងកំពុងតែចុះពិនិត្យកន្លែងកាប់ឈើក្នុងដែនជម្រក។លោកបន្តថា«តាមគេនិយាយមានពាក់ព័ន្ធច្រើននាក់អ៊ីចឹងមែន។ តែការស៊ើបអង្កេតកំពុងតែបន្ត។ បើកាលណានិយាយវាបែកអស់ហើយ»។
លោក សុក រដ្ឋា អ្នកសម្របសម្រួលអង្គការអាដហុកខេត្តមណ្ឌលគិរីបានកត់ស្គាល់ថាបទល្មើសព្រៃឈើបានកំពុងតែកើតមានឡើងចាប់តាំងពីឆ្នាំ ២០០១ មកដោយសារតែអាជ្ញាធរថ្នាក់ក្រោមជាតិគ្មានលទ្ធភាពទប់ស្កាត់ហើយមន្ត្រីមួយចំនួនមានការពាក់ព័ន្ធនឹងបទល្មើសថែមទៀត។ លោកថា«កាប់តាំងពីព្រៃស្រោងរហូតព្រៃរបោះហើយកន្លែងខ្លះ ក្លាយជាវាលរហោឋានតែម្តង។ការកាប់ហ្នឹងនៅតែមានគឺគ្រាន់តែប្តូររូបភាពពីអនាធិបតេយ្យទៅជាលួចលាក់ និងពីពេលថ្ងៃទៅពេលយប់»។
លោកសង្កេតឃើញថា ដោយសារតែមន្ត្រីថ្នាក់ក្រោមជាតិទប់ស្កាត់មិនបានទើបអាជ្ញាធរថ្នាក់ជាតិចុះទៅបង្ក្រាបដោយផ្ទាល់ហើយមានប្រសិទ្ធភាពជាងមុន។ តែនៅពេលភ្លេចខ្លួន ក៏បទល្លើសព្រៃឈើ
បន្តកើតឡើងវិញភ្លាមផងដែរ៕
0 comments:
Post a Comment