ភ្លៀងជន់លិចព្រះបរមរាជវាំងកាល ពីដើមសប្តាហ៏នេះហើយនៅពេលនេះភ្លៀងក៏
កំពុងបង្អោរ មកលើ រាជធានីភ្នំពេញដែរ។
ក្រសួងធនធានទឹក និងឧតុនិយម បានជូនដំណឹងដល់ប្រជាពលរដ្ឋឲ្យមានការប្រុងប្រយ័ត្នខ្ពស់បំផុតអំពីបាតុភូតផ្គរន្ទះ និងខ្យល់កន្ត្រាក់ ចាប់ពីថ្ងៃ២៨មេសាដល់ថ្ងៃ០៦ឧសភាខាងមុខនេះ។
នៅពេលនេះភ្លៀងក៏កំពុងតែធ្លាក់យ៉ាងខ្លាំងមកលើរាជធានីភ្នំពេញផងដែរ។
ក្នុងសេចក្តីជូនដំណឹងចុះថ្ងៃទី២៥ខែមេសា ក្រសួងធនធានទឹក និងឧតុនិយម ឲ្យដឹងថា កម្ពុជាអាចមានបាតុភូត ផ្គររន្ទះ ខ្យល់កន្ត្រាក់ ជាពិសេសនៅថ្ងៃទី២៨ឧសភា ដល់ថ្ងៃទី៣០មេសា ដោយ
អំឡុងពេលនោះ បាតុភូតនេះ អាចនឹងកើតមានឡើងកាន់តែច្រើននៅតំបន់វាលទំនាប និងតំបន់
ខ្ពង់រាប។
សេចក្តីជូនដំណឹងដដែលបានឲ្យដឹងទៀតថា បាតុភូតនេះ ក៏ប្តូរទិសដៅ ដោយមានខ្យល់បក់មកពីទិសខាងត្បូង និងទិសនីរតី បង្កឲ្យមានភ្លៀងបន្តធ្លាក់រាយប៉ាយស្ទើរទូទំាងប្រទេស រហូតដល់
ថ្ងៃទី០៦ខែឧសភា ឆ្នាំ២០១៧ ខាងមុខនេះផងដែរ។
ក្រសួងធនធានទឹកបានឲ្យដឹងថា មូលហេតុដែលបង្កឲ្យមានបាតុភូតទាំងនេះ គឺបណ្ដាលមកពី
កម្ពុជា កំពុងទទួលរងឥទ្ធិពលសំពាធទាប ទើបនាំឲ្យបន្ដគ្រប់បណ្ដប់លើប្រទេសកម្ពុជា។
កាលពីដើមសប្តាហ៍នេះ របាយការណ៍ឲ្យដឹងថា មនុស្សយ៉ាងតិច៤នាក់ស្លាប់និង៣នាក់ទៀតរង
របួស ខណៈផ្ទះប្រជាពលរដ្ឋច្រើនខ្នងទៀតបានរងការបំផ្លិចបំផ្លាញ ក្រោយភ្លៀងខ្យល់ និងផ្គររន្ទះ បានបោកបក់ លើខេត្តមួយចំនួនដូចជា ខេត្តស្វាយរៀង កំពង់ឆ្នាំង កណ្តាល និងបាត់ដំបងជា
ដើម។
នៅមួយរយះចុងក្រោយនេះ ផ្គររន្ទះនិងខ្យល់កន្ត្រាក់ហាក់បីដូចជាសាហាវខ្លាំងណាស់ ដែលបាន
សម្លាប់មនុស្ស និងគោក្របីព្រមទាំងបំផ្លាញផ្ទះសម្បែងរបស់ប្រជាពលរដ្ឋនៅតាមជនបទទៀត
ផង៕
0 comments:
Post a Comment