ចាប់នៅ ខេត្តត្បូងឃ្មុំថ្មីៗនេះ។
លោកឧកញ៉ាគិត ម៉េងប្រធានសភាពាណិជ្ជកម្មកម្ពុជា និងជាប្រធានក្រុមហ៊ុនបុត្រសម្ព័ន្ធក្រុមហ៊ុន រ៉ូយ៉ាល់ គ្រុបជាប់ពាក់ព័ន្ធក្នុងជំនួញដឹកជញ្ជូនឈើទៅលក់នៅប្រទេសយួនក្រោមរូបភាពដឹកឈើ
ចេញពីតំបន់ស្តារបាតអាងទន្លេមេគង្គក្នុងខេត្តស្ទឹងត្រែង។
ជំនួញឈើដ៏កខ្វក់ដែរបស់ឧកញ៉ាមានស្ថានីយ៏ទូរទស្សន៏យ៉ាងតិចចំនួន៣ រូបនេះបានបែកធ្លាយ
កាលពីថ្មីៗ បន្ទាប់ពីរថយន្តពីរគ្រឿងរបស់ក្រុមហ៊ុនរបស់លោក គិត ម៉េងត្រូវបានអាជ្ញាធរឃាត់
ទុកកាលពីសប្ដាហ៍មុន ចំពោះការព្យាយាមដឹកឈើទៅលក់នៅប្រទេសវៀតណាមនោះ។
ក៏ប៉ុន្តែតំណាងរបស់លោក គិត ម៉េងម្នាក់បដិសេធថាក្រុមហ៊ុនខ្លួនមិនមានកំហុសទេ ហើយនឹង
ជូនលុយកាក់ខ្លះដល់អ្នកយកព័ត៌មានឱ្យដកអត្ថបទចុះផ្សាយដំបូងចេញពីគេហទំព័ររបស់ខ្លួន។
កាលពីថ្ងៃអាទិត្យ មន្ត្រីរដ្ឋាភិបាលបានលើកឡើងថា អាជ្ញាធរក្នុងខេត្តត្បូងឃ្មុំបានឃាត់រថយន្តពីរ
គ្រឿងដឹកឈើពេញកាលពីពីរថ្ងៃមុន ដែលបម្រុងបើកឆ្លងចូលប្រទេសវៀតណាម ជាការរំលោភ
បំពានទៅនឹងបម្រាម ខែមករា ឆ្នាំ២០១៦ ដែលមិនឱ្យមានការនាំឈើ ចេញទៅកាន់ប្រទេសនោះ។
ក្រុមហ៊ុន Ang and Associates Lawyers ជាបុត្រសម្ព័ន្ធក្រុមហ៊ុន រ៉ូយ៉ាល់គ្រុបរបស់អ្នកឧកញ៉ា គិត ម៉េង បានបង្ហាញលិខិតអនុញ្ញាតចេញដោយរដ្ឋាភិបាលដល់អាជ្ញាធរនៅថ្ងៃបន្ទាប់ ដែលអនុញ្ញាត
ឱ្យក្រុមហ៊ុនដឹកឈើចេញពីខេត្តស្ទឹងត្រែង កន្លែងដែលក្រុមហ៊ុនរ៉ូយ៉ាល់ គ្រុប រានព្រៃសម្រាប់
គម្រោងសាងសង់ទំនប់វារីអគ្គិសនីសេសានក្រោម២។
លោក ចាន់ តារា ជំនួយការលោក ហ៊ាង សុភក្ត្រ ព្រះរាជអាជ្ញាអមសាលាដំបូងខេត្តត្បូងឃ្មុំ បាន
មានប្រសាសន៍ថា តាមពិតអ្នកបើកបររថយន្តត្រូវដឹកឈើទាំងនោះឆ្ពោះទៅទិសខាងលិចទៅកាន់
ខេត្តកណ្ដាល និងខេត្តព្រៃវែង ប៉ុន្តែពួកគេបែរជាប្រាប់មន្ត្រីគយថាខ្លួនដឹកឆ្ពោះទៅប្រទេស
វៀតណាមទៅវិញ។
យោងតាមរបាយការណ៍ក្រសួងពាណិជ្ជកម្មបានឱ្យដឹងថា ទាំងលោក គិត ម៉េង និងលោក រ៉េមី ឃិន ប្រធានក្រុមហ៊ុន Ang and Associates មិនបានឆ្លើយតបចំពោះសំណើសុំអត្ថាធិប្បាយទេកាល
ពីម្សិលមិញ។
ទោះជាយ៉ាងណា លោក គឹម សេង ដែលប្រាប់ថាខ្លួនជាតំណាងក្រុមហ៊ុន Ang and Associates ក្នុងខេត្តស្ទឹងត្រែង បានទូរស័ព្ទទៅអ្នកយកព័ត៌មានដោយបដិសេធថា ក្រុមហ៊ុនមិនបានធ្វើអ្វី
ខុសច្បាប់ឡើយ។ លោកបានលើកឡើងថា ឈើទាំងនេះត្រូវស្ថិតនៅក្នុងប្រទេសកម្ពុជា ហើយ
លោកអះអាងថា អ្នកបើកបរគ្រាន់តែឈប់ដេកមួយស្រឡេតនៅចិញ្ចើមផ្លូវប៉ុណ្ណោះ មុនពេលបន្ត
ដំណើរទៅមុខ ប៉ុន្តែលោកបដិសេធមិនបញ្ជាក់ថាពួកគេឆ្ពោះដំណើរទៅទីណាឲ្យពិតប្រាកដឡើយ។
លោក គឹម សេង ថ្លែងថា “តាមពិត អ្នកបើកបររថយន្តបានចងអង្រឹងដេកក្រោមរថយន្តដែលចត
ស្ងៀមនៅតាមផ្លូវលំតែប៉ុណ្ណោះ ប៉ុន្តែមន្ត្រីគយបានឃាត់ពួកគេតែម្ដង។ ឈើទាំងនេះជារបស់ក្រុមហ៊ុន Ang and Associates Lawyers។ ឈើទាំងនេះត្រូវបានដឹកចេញពីកន្លែងស្តុកក្នុងខេត្តស្ទឹងត្រែង ដើម្បីយកទៅលក់ក្នុងស្រុកតែ
ប៉ុណ្ណោះ ហើយយើងមានលិខិតអនុញ្ញាតឱ្យដឹកជញ្ជូនត្រឹមត្រូវ”។
លោក ព្រំ វុទ្ធី មេបញ្ជាការកងរាជអាវុធហត្ថស្រុកមេមត់ក្នុងខេត្តត្បូងឃ្មុំ បានមានប្រសាសន៍ថា ការ
លើកឡើងខាងលើមិនទំនងទាល់តែសោះ ពីព្រោះរថយន្តទាំងពីរគ្រឿងនេះបានចតចម្ងាយតែប៉ុន្មាន
ម៉ែត្រប៉ុណ្ណោះពីព្រំដែនវៀតណាម លើផ្លូវដាច់ស្រយាលមួយដែលគ្មានទៅណាផ្សេងក្រៅពីទៅ
ប្រទេសវៀតណាម ឡើយ។
លោកបានថ្លែងថា ”រថយន្តមួយគ្រឿងបានឈប់ចម្ងាយប្រហែល២០ម៉ែត្រប៉ុណ្ណោះពីច្រកព្រំដែន
ជាំក្រវៀន ហើយរថយន្តមួយគ្រឿងទៀតឈប់ចម្ងាយប្រហែល៦០ម៉ែត្រពីច្រកព្រំដែនខ្លាឃ្មុំ។ ប្រាកដណាស់ រថយន្តទាំងពីរគ្រឿងនេះព្យាយាមបើកឆ្លងព្រំដែនទៅវៀតណាម ពីព្រោះនៅកន្លែង
នេះគ្មានផ្លូវទៅទីណាក្រៅពីទៅប្រទេសវៀតណាមទេ”។
ច្រកព្រំដែនទាំងពីរនេះស្ថិតនៅចម្ងាយប្រហែល២០គីឡូម៉ែត្រពីផ្លូវជាតិលេខ៧ ជាផ្លូវជិតបំផុតកាត់
ខេត្តត្បូងឃ្មុំទៅប្រទេសវៀតណាម។
លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករនៃក្រសួងសេដ្ឋកិច្ច និងហិរញ្ញវត្ថុ
បានមានប្រសាសន៍ថា ទាំងរថយន្តនិងឈើត្រូវបានរក្សាទុកនៅការិយាល័យគយក្នុងខេត្តត្បូងឃ្មុំ។ លោកបានថ្លែងថា លោករង់ចាំរបាយការណ៍ពេញលេញពីបុគ្គលិករបស់លោកប្រចាំខេត្តនេះ ហើយ
បានបដិសេធមិនធ្វើអត្ថាធិប្បាយបន្ថែមអំពីរឿងនេះឡើយ។
លោក គឹម សេង តំណាងក្រុមហ៊ុន Ang and Associates មានប្រសាសន៍ថា ក្រុមហ៊ុនរបស់លោក
កំពុងពិភាក្សាជាមួយមន្ត្រីគយដើម្បីយករថយន្ត និងឈើវិញ ហើយនឹងជូនលុយកាក់ខ្លះដល់អ្នក
កាសែត ឱ្យដកព័ត៌មានចុះផ្សាយកាលពីថ្ងៃច័ន្ទចេញ។
លោក គឹម សេង បានថ្លែងថា “ខ្ញុំចង់ឱ្យដកព័ត៌មាននេះចេញពីវិបសាយទៅ ហើយខ្ញុំនឹងជូនលុយ
កាក់ខ្លះ។សូមជួយនិយាយទៅនិពន្ធនាយកមើលថាតើត្រូវការលុយកាក់ប៉ុន្មាន ខ្ញុំនឹងជូនតាមចំនួន
ដែលគាត់ចង់បានដើម្បីឈប់ចុះផ្សាយព័ត៌មាននេះ”។
លោកបាននិយាយថា ”ខ្ញុំសំណូមពរឱ្យលុបព័ត៌មានហ្នឹងចេញពីវិបសាយទៅ ព្រោះក្រុមហ៊ុនមិនចង់
ឱ្យមានរឿងហ្នឹងវែងឆ្ងាយទៅមុខទៀត”។
រដ្ឋាភិបាលអះអាងថា បម្រាមមិនឱ្យនាំឈើចេញទៅប្រទេសវៀតណាមតាំងពីឆ្នាំមុន នៅមាន
ប្រសិទ្ធភាពនៅឡើយ។ ប៉ុន្តែបើតាមទិន្នន័យគយវៀតណាមដែលទទួលបានដោយអង្គការ Forest Trends ជាអង្គការមិនមែនរដ្ឋាភិបាលអាមេរិកបង្ហាញថា ឈើដុំនិងឈើអាររួចនៅតែបន្តហូរចូល
ដដែលទៅកាន់ប្រទេសវៀតណាមដែល ភាគច្រើនតាមខេត្តត្បូងឃ្មុំ។
គម្រោងសាងសង់ទំនប់វារីអគ្គិសនីសេសានក្រោម២ ក៏បានរងការចោទប្រកាន់ជាច្រើនឆ្នាំមកហើយ
ដែរថាវាត្រូវបានប្រើប្រាស់សម្រាប់លាងឈើដែលកាប់ដោយខុសច្បាប់ហួសពីព្រំប្រទល់កំណត់
របស់អាងស្តុកទឹកនេះ។ ហើយក្រុមហ៊ុនដែលទទួលម៉ៅការស្តារបាតអាងនេះគឺក្រុមហ៊ុនរ៉ូយ៉ាល់
ក្រុមរបស់លោក គិត ម៉េងដែលជាឧកញ៉ា មហាសេដ្ឋីនៅកម្ពុជា៕
រថយន្តដឹកឈើ២ គ្រឿងរបស់លោក គិត ម៉េងដែលត្រូវសមត្ថកិច្ចចាប់នៅខេត្តត្បូងឃ្
មុំកាលពី២ថ្ងៃមុន។
មុំកាលពី២ថ្ងៃមុន។
0 comments:
Post a Comment