លោកកឹម សុខាដឹកនាំយុទ្ធនាការឃោសនា បោះឆ្នោតឃុំ-សង្កាត់ដោយ ចេញក្បួន
ពីផ្លូវ៦០ម៉ែត្រ នាព្រឹកមិញនេះ។
ដែលហែក្បួនទ្រង់ទ្រាយធំចេញពីគោលដៅរៀងៗខ្លួននៅថ្ងៃដំបូងនៃយុទ្ធនាការឃោសនាបោះ
ឆ្នោតឃុំ-សង្កាត់ នាព្រឹកថ្ងៃសៅរ៍ ទី២០ ឧសភានេះ។
អ្នកគាំទ្រគណបក្សប្រជាជនលើកស្លាករូបលោក ហ៊ុន សែននិងលោក ហេង សំរិន
នៅកោះពេជ្រនាព្រឹកមិញនេះ។
ថ្ងៃដំបូងនៃយុទ្ធនាការឃោសនារកសម្លេងឆ្នោត។ គណបក្សប្រជាជនដែលជាបក្សកាន់អំណាច
បានជួបជុំជាមួយមន្ត្រី និងអ្នកគាំទ្ររបស់ខ្លួននៅកោះពេជ្រ ដោយមានធ្វើពិធីចងកំហឹង រំលឹកពីភាពខ្លោចផ្សា ទុក្ខវេទនា និងការឈឺចាប់របស់ពលរដ្ឋខ្មែរក្នុងរបបខ្មែរក្រហម។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ថ្លែងថា ថ្ងៃជួបជុំនៃការឃោសនាដំបូង គណបក្សរបស់លោក មានមន្ត្រី និងអ្នកគាំទ្រប្រមាណ៥ម៉ឺននាក់នៅកោះពេជ្រ។ លោកបន្តថា ក្រោយជួបជុំ ពួកគេបំបែកគ្នាហែទៅតាមសង្កាត់រៀងៗខ្លួន នៅរាជធានីភ្នំពេញ។
ចំណែកគណបក្សសង្គ្រោះជាតិ មន្ត្រីនិងសកម្មជនរបស់ខ្លួនរាប់ពាន់នាក់ បានជួបជុំគ្នានៅផ្លូវ ៦០ម៉ែត្រ និងហែតាមផ្លូវមួយចំនួនក្នុងរាជធានីភ្នំពេញនិងឆ្ពោះទៅកាន់ខេត្តកណ្តាល។
ថ្លែងនៅមុនពិធីហែក្បួនឃោសនា ប្រធានគណបក្សសង្គ្រោះជាតិ លោក កឹម សុខា ថា លោកនឹងដកមេឃុំនយោបាយណា នៅពេលគណបក្សរបស់លោកជាប់ឆ្នោត បើរកឃើញថា មេឃុំរូបនោះ
មិនបម្រើផលប្រយោជន៍សាធារណៈ ហើយលោកសន្យាលើកកម្ពស់សេវាសាធារណៈ និងគោល
នយោបាយអាទិភាព៥ចំណុចរបស់ខ្លួន។
ចំណែកទំព័រហ្វេសប៊ុកអតីតប្រធានបក្សប្រឆាំង លោក សម រង្ស៊ី ឯណោះវិញ បានបង្ហាញក្រុមសកម្មជន និងអ្នកគាំទ្រគណបក្សសង្គ្រោះជាតិក្នុងចំនួនដ៏ច្រើនកុះករ បានប្រមូលផ្ដុំគ្នានៅឯសង្កាត់ចាក់អង្រែក្រោម ក្នុងខណ្ឌមានជ័យនេះដែរ។
នៅក្នុងរាជធានីភ្នំពេញ សកម្មជន និងអ្នកគាំទ្ររាប់ពាន់នាក់របស់គណបក្សប្រជាជនកម្ពុជា បានប្រមូលផ្ដុំគ្នានៅឯមជ្ឈមណ្ឌលកោះពេជ្រ។ នេះបើផ្អែកតាមទំព័រហ្វេសប៊ុករបស់លោកនាយករដ្ឋមន្ត្រី ហ៊ុន សែន ដែលបានផ្សាយបន្តផ្ទាល់អំពីការប្រមូលផ្ដុំនេះ។
លោកហ៊ុន សែនបានសរសេរថាគណបក្សប្រជាជនកម្ពុជាជាគណបក្សឈ្នះឆ្នោត ហើយនឹងបន្ត
ឈ្នះឆ្នោតទៀត។
ការឃោសនាបោះឆ្នោត ត្រូវបានកំណត់ឲ្យធ្វើរយៈពេល១៤ថ្ងៃ មុនថ្ងៃបោះឆ្នោតក្រុមប្រឹក្សាឃុំ-សង្កាត់ ដែលគ្រោងធ្វើឡើងនៅថ្ងៃអាទិត្យ ទី០៤ មិថុនាខាងមុខនេះ។
ទន្ទឹមនឹងនេះដែរ គណបក្សនយោបាយតូចៗដទៃទៀតសរុបទាំង១២ ក៏ចាប់ផ្ដើមឃោសនារកសំឡេងឆ្នោតនៅថ្ងៃដំបូង នៅថ្ងៃទី២០ ឧសភា នៅទូទាំងប្រទេស។ គណបក្សខ្លះបើកយុទ្ធនាការហែក្បួនតាមដងផ្លូវ និងរៀបចំពិធីជួបជុំនៅនឹងកន្លែងជាដើម។ រីឯគណបក្សខ្មែររួបរួមជាតិខ្មែរដឹក
នាំដោយលោកញឹក ប៊ុនឆៃ ក៏ធ្វើពិធីហែឃោសនារបស់ខ្លួន នៅខណ្ឌជ្រោយចង្វារ ខណៈគណបក្សមួយចំនួនទៀត មិនទាន់មានសកម្មភាពហែក្បួននៅឡើយទេ។
ចំណែកគណបក្សសម្ព័ន្ធប្រជាធិបតេយ្យ របស់លោក ឃឹម វាសនាមិនបានហែជាក្បួននោះទេតែ
បានជួលម៉ូតូកង់៣ ឬតុតុដោយដាក់មេក្រូផ្សព្វផ្សាយគោលនយោបាយបក្សរបស់ខ្លួនតែ
ប៉ុណ្ណោះ។ រីឯគណបក្សអំណាចខ្មែររបស់លោក សួន សេរីរដ្ឋាមិនបានហែក្បួនអ្វីនោះទេ ដោយ
លោកលើកឡើងថាការហែក្បួននាំឲ្យប៉ះពាល់ដល់ចរាចរណ៏របស់ប្រជាពលរដ្ឋនៅតាមដងផ្លូវ៕
0 comments:
Post a Comment