សកម្មជន គណបក្សសង្គ្រោះជាតិ មកជួបជុំដង្ហែក្បួននៅលើផ្លូវ លេខ៦០ម៉ែត្រ
ស្ថិតនៅសង្កាត់ចាក់អង្រែក្រោម កាលពីថ្ងៃ ទី ២០ ឧសភា កន្លងមក។
ដូចអ្វីដែលលោកកឹម សុខាប្រធានគណបក្សសង្គ្រោះជាតិអះអាងថា សហរដ្ឋអាមេរិកចាប់អារម្មណ៏
លើការបោះឆ្នោតនៅកម្ពុជានោះនៅពេលនេះក្រសួងការបរទេសសហរដ្ឋអាមរិកបានអំពាវនាវឲ្យ
រដ្ឋាភិបាលកម្ពុជាជៀសវាងការគំរាមកំហែងផ្នែកនយោបាយដល់គណបក្សប្រឆាំងនៅកម្ពុជា។
យោងតាមទីភ្នាក់ងារសារព័ត៌មានសហរដ្ឋអាមេរិក អេ.ភី (AP) ក្រសួងការបរទេសសហរដ្ឋអាមេរិក បានអំពាវនាវឲ្យរដ្ឋាភិបាលកម្ពុជា ជៀសវាងការគំរាមកំហែងផ្នែកនយោបាយ ខណៈគណបក្សនយោបាយបានបើកយុទ្ធនាការរយៈពេលពីរសប្ដាហ៍ សម្រាប់ការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤។
អ្នកនាំពាក្យសម្រាប់តំបន់អាស៊ីខាងកើត នៃក្រសួងការបរទេសសហរដ្ឋអាមេរិក អ្នកស្រី អាលីសា អែដវឺតស៍ (Alicia Edwards) បានថ្លែងពីទីក្រុងវ៉ាស៊ីនតុន ថា សហរដ្ឋអាមេរិក ជំរុញឲ្យរដ្ឋាភិបាលកម្ពុជា ដើម្បីធានាថាគ្មានការគំរាមកំហែងលើបរិយាកាសនយោបាយ និងស្នើឲ្យរដ្ឋាភិបាលគោរពសេរីភាពបញ្ចេញមតិរបស់ប្រជាពលរដ្ឋកម្ពុជា ទាំងអស់។
មន្ត្រីនាំពាក្យរបស់គណបក្សកាន់អំណាច លោក សុខ ឥសាន យល់ថា សភាពការណ៍នយោបាយមុនការបោះឆ្នោតនេះ គឺកំពុងដំណើរការល្អ គ្មានការគំរាមកំហែងទេ។
ប្រទេសកម្ពុជាមានគណបក្សចំនួន១២កំពុងដំណើរការយុទ្ធនាការឃោសនាបោះឆ្នោតឃុំ-សង្កាត់
អណត្តិទី៤ រយះ១៤ថ្ងៃ គឺចាប់ពីថ្ងៃ ទី ២០ ឧសភាដល់ថ្ងៃ ទី ២ មិថុនា ឆ្នាំ២០១៧ ហើយនឹងបោះ
ឆ្នោតថ្នាក់មូលដ្ឋានមួយនេះនៅថ្ងៃ ទី ៤ មិថុនាខាងមុខ៕
0 comments:
Post a Comment