.jpg)
វិទ្យាស្ថានជាតិប្រជាធិបតេយ្យ (NDI) ប្រកាសថាខ្លួននឹងសហការជាមួយអង្គការជាដៃគូ នដើម្បី
រៀបចំកិច្ចពិភាក្សាចំនួន៥ សម្រាប់គណបក្សនយោបាយដែលចូលរួមការបោះឆ្នោតជ្រើសរើស
ក្រុមប្រឹក្សាឃុំ-សង្កាត់ ចាប់ពីថ្ងៃទី២២ ដល់ថ្ងៃទី២៧ ខែឧសភា ឆ្នាំ២០១៧។
សារព័ត៌មានជាតិខ្មែរមិនអាចទាក់ទងលោក ហង្ស ពុទ្ធាអ្នកនាំពាក្យគ.ជ.បដើម្បីសាកសួរពីការ
គម្រោងពិភាក្សាតុមូលរបស់វិទ្យាស្ថានជាតិប្រជាធិបតេយ្យ (NDI)បានទេនៅថ្ងៃនេះ។ ក៏ប៉ុន្តែកន្លងមកថ្មីនេះ គ.ជ.បបានប្រកាសវិធានការរឹតបន្តឹងជាខ្លាំងចំពោះប្រព័ន្ធផ្សព្វផ្សាយក្នុង
រដូវបោះឆ្នោតថ្នាក់មូលដ្ឋាននេះ។
យោងតាមសេចក្ដីណែនាំព័ត៌មានរបស់វិទ្យាស្ថានជាតិប្រជាធិបតេយ្យ បានឲ្យដឹងនៅថ្ងៃទី១៩ ឧសភា ថា កិច្ចពិភាក្សាចំនួន៣ គឺជាកិច្ចពិភាក្សាបេក្ខជនជ្រើសរើសក្រុមប្រឹក្សាឃុំ-សង្កាត់ក្នុង
ថ្នាក់មូលដ្ឋាន ដែលធ្វើឡើងក្នុងខេត្តបាត់ដំបង ក្រចេះ និងខេត្តតាកែវ ហើយកិច្ចពិភាក្សាចំនួនពីរទៀត គឺជាកិច្ចពិភាក្សាតុមូលថ្នាក់ជាតិដែលធ្វើជាមួយថ្នាក់ដឹកនាំជាស្ត្រី និងថ្នាក់ដឹកនាំគណបក្ស ដែលត្រូវថតនៅស្ទូឌីយោ (Studio) មជ្ឈមណ្ឌលព័ត៌មានស្ត្រីកម្ពុជា នៅទីក្រុងភ្នំពេញ។
វិទ្យាស្ថានជាតិប្រជាធិបតេយ្យ បញ្ជាក់ថា កិច្ចពិភាក្សាទាំងនេះ នឹងត្រូវចាក់ផ្សាយតាមវិទ្យុសម្លេង
ស្ត្រីកម្ពុជានៅទូទាំងប្រទេសចាប់ពីថ្ងៃទី២៤ ឧសភា ដល់ថ្ងៃទី២ មិថុនា។
កិច្ចពិភាក្សានៅថ្នាក់មូលដ្ឋាន អ្នកចូលរួមអាចមានឱកាសសួរផ្ទាល់អំពីគោលជំហរដោះស្រាយបញ្ហានៅមូលដ្ឋានទៅកាន់បេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់៕
0 comments:
Post a Comment