ក្បួនរថយន្តឃោសនារបស់លោក កឹម សុខាចេញពីខេត្តកំពង់ចាមចូលមកដល់
ទឹកដីខេត្តព្រៃវែងនាព្រឹកមិញនេះ។
នៅស្រុកស្វាយអន្ទរ នាខេត្តព្រៃវែងដោយអះអាងថាប្រទេសកម្ពុជា គឺជាកម្មសិទ្ធិរបស់ប្រជាពលរដ្ឋគ្រប់រូប មិនមែនជាកម្មសិទ្ធិរបស់បុគ្គលណា ឬក្រុមណាទេ។ លោកថែមទាំងជំរុញឱ្យប្រជាពលរដ្ឋ
មន្ត្រីរាជការ កងកម្លាំងប្រដាប់អាវុធទាំងអស់នាំគ្នាទៅបោះឆ្នោតឱ្យបានគ្រប់ៗគ្នា តាមឆន្ទៈរបស់ខ្លួន មិនមែនបោះឆ្នោតតាមការគំរាមកំហែង ឬចង្អុលបង្ហាញពីបុគ្គលណាមួយឡើយ។
លោកថា គ្មានបុគ្គល ឬបក្សណាអាចចង្អុលបង្ហាញថា តំណែងដឹកនាំប្រទេស ឬដឹកនាំឃុំ-សង្កាត់ ត្រូវផ្ដល់ជូនជននេះ ឬជននោះ និងកូនចៅរបស់ខ្លួនជាអ្នកបន្តវេនបានឡើយ ពីព្រោះប្រជាពលរដ្ឋម្ចាស់ឆ្នោតជាអ្នកកំណត់តែប៉ុណ្ណោះ។
លោកសង្កត់ធ្ងន់ថា៖ «យើងត្រូវប្រកួតនៅលើទស្សនៈ នយោបាយរបស់គណបក្សនីមួយៗ។ទស្សនៈរបស់គណបក្សដែលចូលមកប្រកួតដោយដាក់ជូនប្រជាពលរដ្ឋជាអ្នកសម្រេច។ ការ
ប្រកួតទស្សនៈគឺមិនអាចនឹងកើតមានសង្គ្រាមទេបងប្អូន»។
លោកកឹម សុខាបន្តអះអាងជាថ្មីថា សង្គ្រាមនឹងមិនអាចកើតឡើងបានឡើយ ប្រសិនបើគេគ្រាន់
តែប្រកួតប្រជែងគ្នាផ្នែកទស្សនៈ ឬគំនិត ពិសេសប្រកួតប្រជែងលើគោលនយោបាយដើម្បីដាក់
ជូនប្រជាពលរដ្ឋនោះ។ដូចគ្នានេះដែរ លោកកឹម សុខាក៏បានថ្លែងដូច្នេះ ក្នុងពិធីជួបជុំអ្នកគាំទ្រ និងសមាជិករបស់ខ្លួនប្រមាណ ២ពាន់នាក់ ក្នុងពេលឃោសនាការបោះឆ្នោត នៅទីរួមខេត្តកំពង់ធំ នៅព្រឹកថ្ងៃទី២៧ ខែឧសភាផងដែរ។
ការថ្លែងសារនយោបាយរបស់ប្រធានគណបក្សសង្គ្រោះជាតិ ទៅកាន់អ្នកគាំទ្រ និងមហាជននៅខេត្តព្រៃវែងនាព្រឹកនេះ មានប្រជាជនរាប់ពាន់នាក់មកស្វាគមន៏លោកដោយដៃលើកទង់ជាតិនៃ
ព្រះរាជាណាចក្រកម្ពុជានិងនិងទង់បក្សសង្គ្រោះជាតិរ។
ទាក់ទងបញ្ហាសង្គ្រាមនេះដែរ ទាំងមុនពេលយុទ្ធនាការឃោសនាបោះឆ្នោតក្រុមប្រឹក្សាឃុំ- សង្កាត់ និងក្នុងពេលឃោសនា លោកនាយករដ្ឋមន្ត្រី ហ៊ុន សែន និងជាប្រធានគណបក្សប្រជាជនកម្ពុជា បានលើកឡើងម្ដងជាពីរដងថា ប្រសិនបើគណបក្សខ្លួនចាញ់ការបោះឆ្នោតនឹងកើតមានសង្គ្រាមមិនខានឡើយ។ មិនតែប៉ុណ្ណោះ កាលពីថ្ងៃទី២៥ ខែឧសភា លោក ហ៊ុន សែន បញ្ជាក់ថា តំណែងរបស់ខ្លួននឹងផ្ទេរឱ្យអ្នកផ្សេង ប៉ុន្តែមិនមែនផ្ទេរឱ្យគណបក្សផ្សេងនោះទេ ពោលគឺផ្ទេរឱ្យមន្ត្រីក្នុងបក្សរបស់ខ្លួន ឬកូនរបស់ខ្លួនប៉ុណ្ណោះ។.
លោកថា៖ «ហើយវានិយាយអត់ចេះគិត ខ្ញុំឆ្ងល់តែប៉ុណ្ណឹងទេ បើភ្លើកុំមកលេងជាមួយ ហ៊ុន សែន។ គេចូលមកខំមិនថា ទេវតាក៏គេធ្វើការផ្លាស់មួយឆ្នាំម្ដងដែរ ប៉ុន្តែខ្ញុំបកទៅវិញ ថា មួយឆ្នាំម្ដង ក៏គង់តែគេផ្ទេរឱ្យកូនទេវតាដូចគ្នាដែរ»។
ទោះបីជាប្រសាសន៍របស់លោកនាយករដ្ឋមន្ត្រី ហ៊ុន សែន ថ្លែងអំពីរឿងសង្គ្រាមយ៉ាងណាក្តី ប៉ុន្តែគណៈកម្មាធិការជាតិរៀបចំការបោះឆ្នោត នឹងមិនពិនិត្យសម្ដីទាំងនោះឡើយ ក្រោមហេតុផលថា មិនមានពាក្យបណ្ដឹងជំទាស់ពីគណបក្សនយោបាយ។
កាលពីម្សិលមិញ លោកកឹម សុខាដឹកនាំការឃោសនាមកជួបជុំនៅទីរួមខេត្តកំពង់ធំ ហើយបានធ្វើដំណើរមកចូលរួមពិធីជួបជុំឃោសនាការបោះឆ្នោតមួយទៀត ដែលរៀបចំនៅស្រុកបារាយណ៍ ហើយក៏បន្តដំណើរមកឃោសនានៅខេត្តកំពង់ចាម នៅពេលរសៀលថ្ងៃទី២៧ ខែឧសភា ក៏បាន
លើកឡើងពីការមិនកើតមានសង្គ្រាមនៅកម្ពុជានេះដែរ។ ហើយនៅព្រឹកថ្ងៃអាទិត្យនេះ លោកកឹម សុខាក៏បន្តការឃោសនានៅខេត្តព្រៃវែង ជាខេត្តស្រុកកំណើតរបស់លោក ឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ។
លោក ស ខេងនិងកូនប្រុសរបស់លោក ដែលជាតំណាងរាស្ត្រ ស សុខានៅពេលនេះត្រូវបាន
គេមើលឃើញថាខិតខំប្រឹងប្រែងយ៉ាងខ្លាំងដើម្បីដណ្តើមប្រជាប្រិយភាពឲ្យបក្សកាន់អំណាច។
កាលពីអណត្តិមុន គណបក្សសង្គ្រោះជាតិនៅខេត្តព្រៃវែងដណ្តើមបានអសនះក្រុមប្រឹក្សា
ឃុំ-សង្កាត់មួយចំនួនពីគណបក្សប្រជាជនកម្ពុជា រហូតដល់លោក ស ខេងដកអភិបាលខេត្ត
មុនៗចោលដោយដាក់ជំនួសនូវកូនប្រុសរបស់អតីតប្រធានគណបក្សកាន់អំណាច គឺលោក
ជា សុមេធី ជាអភិបាលខេត្តវិញ៕
0 comments:
Post a Comment