លោកនាយករដ្ឋមន្ត្រី ហ៊ុន សែន បើករថយន្តដោយខ្លួនឯង ដើរកំសាន្តនៅតាមដងផ្លូវលេខ
៦០ ជាយរាជធានីភ្នំពេញ នាព្រឹកមិញនេះ។
សាលារាជធានីភ្នំពេញ ឲ្យដឹងថា ពិធីអបអរសាទរការដាក់បញ្ចូលតំបន់ប្រាសាទសម្បូណ៌ព្រៃគុកក្នុងបញ្ជីបេតិកភណ្ឌរបស់អង្គការយូណេស្កូ នឹងត្រូវរៀបចំធ្វើឡើងនៅក្នុងស្តាតអូឡាំពិក ដោយមានវត្តមានលោកនាយករដ្ឋមន្ត្រី ហ៊ុន សែន នៅថ្ងៃ ចន្ទស្អែកនេះ។
អាជ្ញាធររាជធានីភ្នំពេញ ក៏បានប្រកាសបិទផ្លូវមួយចំនួននៅជុំវិញពហុកីឡដ្ឋានជាតិអូឡាំពិក នៅថ្ងៃស្អែកនេះផងដែរ ដោយថា ដើម្បីរៀបចំពិធីអបអរសាទរការដាក់បញ្ចូលតំបន់ប្រវត្តិសាស្ត្របុរាណប្រាសាទសម្បូណ៌ព្រៃគុក ទៅក្នុងបញ្ជីបេតិកភណ្ឌពិភពលោកថ្មីៗនេះ។
ក្នុងសេចក្ដីជូនដំណឹងមួយកាលពីថ្ងៃម្សិលមិញនេះ សាលារាជធានីភ្នំពេញ ប្រកាសផ្អាកចរាចរណ៍ជាបណ្ដោះអាសន្ន នៅតាមដងផ្លូវ និងមហាវិថីនានា ជុំវិញពហុកីឡដ្ឋានជាតិអូឡាំពិក ចាប់ពីម៉ោង ៤រសៀលរហូតដល់ម៉ោង ១០យប់។
តំបន់ប្រាសាទសម្បូណ៌ព្រៃគុក ដែលស្ថិតនៅក្នុងស្រុកប្រាសាទសំបូរ ខេត្តកំពង់ធំនោះ ត្រូវបានដាក់បញ្ចូលក្នុងបញ្ជីបេតិកភណ្ឌពិភពលោករបស់អង្គការយូណេស្កូ កាលពីថ្ងៃទី០៨ ខែកក្កដាកន្លងមកថ្មីៗនេះ នៅទីក្រក្រាកូវ ប្រទេសប៉ូឡូញ។
ប្រាសាទសម្បូណ៌ព្រៃគុក គឺជាសំណង់ប្រាសាទបុរាណកម្ពុជាទី៣ហើយ ដែលត្រូវបានដាក់បញ្ចូលក្នុងបញ្ជីបេតិកភណ្ឌពិភពលោក បន្ទាប់ពីតំបន់ប្រាសាទអង្គរវត្តនៅឆ្នាំ១៩៩២ និងតំបន់ប្រាសាទព្រះវិហារ នៅឆ្នាំ២០០៨ ដែលជាកិច្ចប្រឹងប្រែងរបស់លោកអតីតឧបនាយករដ្ឋមន្ត្រី សុខ អាន ទទួលបន្ទុកទីស្តីការគណះរដ្ឋមន្ត្រី៕
0 comments:
Post a Comment