.jpg)
អគារស ឬអគារប៊ូឌីងនឹងត្រូវវាយកំទេចចោល នៅពេលខាងមុខដ៏ខ្លីនេះ។
ក្រសួងរៀបចំដែនដី នគរូបនីយកម្ម និងសំណង់ នៅព្រឹកថ្ងៃទី១៧ កក្កដានេះ រៀបចំពិធីក្រុងពាលី មុននឹងចាប់ផ្ដើមវាយកម្ទេចអគារស ហៅអគារប៊ូឌីង បន្ទាប់ពីពលរដ្ឋ៧គ្រួសារចុងក្រោយក៏ព្រមចាកចេញដែរ។
គម្រោងវាយកម្ទេចអគារចំណាស់នេះ នឹងចាប់ផ្ដើមពីថ្ងៃស្អែកតទៅ ខណៈនៅថ្ងៃនេះអាជ្ញាធររៀបចំក្រុងពាលី និងហ៊ុំព័ន្ធដើម្បីពិនិត្យថា គ្មានមនុស្សចេញ-ចូលមកក្បែរអគារនេះ ពេលកំពុងវាយកម្ទេច។
បើតាមមន្ត្រីជំនាញអះអាងថា ការវាយកម្ទេច និងសម្អាតអគារនេះត្រូវការរយៈពេល៤ខែ។ ចំណែកការវាយកម្ទេចនេះនឹងធ្វើតាមស្ដង់ដារ ដោយមិនបង្កឲ្យប៉ះពាល់ដល់អ្នករស់នៅក្បែរតំបន់នេះទេ។
រដ្ឋមន្ត្រីរៀបចំដែនដី នគរូបនីយកម្ម និងសំណង់ លោក ជា សុផារ៉ា និយាយកាលពីថ្ងៃម្សិលមិញនៅលើទំព័រហ្វេសប៊ុករបស់លោកថា ប្រជាពលរដ្ឋរស់នៅអគារប៊ុលឌីញទាំងអស់ បានសម្រេចលក់ផ្ទះសម្បែងរបស់ពួកគេនៅទីនោះហើយ ដើម្បីបើកផ្លូវសម្រាប់ការអភិវឌ្ឍអគារដ៏ចំណាស់មួយនេះ។
លោក ជា សុផារ៉ា បានរៀបរាប់ថា ប្រជាពលរដ្ឋរស់នៅអគារប៊ុលឌីញ ដែលបានកាន់កាប់អគារនេះ ៤៩២ចំណែកនោះ ឬស្មើនឹង ១០០ភាគរយ បានចុះកិច្ចសន្យាលក់ចំណែកឯកជននៃអគារសហកម្មសិទ្ធិនេះហើយ។
តំណាងក្រុមហ៊ុនពិស្នុការដែលទទួលភារៈកិច្ចវាយកម្ទេចអាគារនេះលោក ហេង ប៊ុនី ថារដ្ឋាភិបាលបានឲ្យសិទ្ធក្រុមហ៊ុនរបស់លោកក្នុងការវាយកម្ទេចអាគារនេះហើយតែលោកថាក្រុមហ៊ុនត្រូវការពេលរៀបចំ សំភារៈ ឧបករណ៍បច្ចេកទេស និងសុវត្ថិភាពជាមុនសិន តែថាពេលវេលាដែលនឹងកម្ទេចគឺខ្លួនមិនទាន់ព្រៀងទុកនៅឡើយ ហើយការវាយកម្ទេចនោះគឺប្រើគ្រឿងចក្រ ជាមួយកម្លាំងកម្មករដើម្បីវាយកម្ទេច។
អាគារប៊ូឌីញ(ស) ត្រូវបានរដ្ឋាភិបាលប្រគល់សិទ្ធិឲ្យក្រុមហ៊ុនជប៉ុនឈ្មោះ Arakawa អភិវឌ្ឍក្នុងទឹកប្រាក់៨០លានដុល្លារ ។
គម្រោងនេះ រួមមានការសាងសង់ទីតាំងស្នាក់នៅបណ្តោះអាសន្ន និងអគារថ្មីកម្ពស់២១ជាន់ ដែលក្នុងនោះទុកធ្វើទីតាំងចំណតរថយន្ដ៣ជាន់ កន្លែងលក់ដូរ១ជាន់ និងកន្លែងស្នាក់នៅ៥ជាន់។
ថ្មីៗនេះ មានសេចក្តីរាយការណ៏ថាប្រជាពលរដ្ឋចំនួន៧គ្រួសារមិនព្រមចាកចេញពីអគារនេះទេ ដោយទាមទារសំណងបន្ថែមទៀត ក៏ប៉ុន្តែនៅព្រឹកមិញនេះ ពួកគេទាំង៧គ្រួសារនោះ បានយល់
ព្រមចាកចេញវិញ ទោះបីជាមិនទទួលបានសំណងបន្ថែមទៀតក៏ដោយ៕
0 comments:
Post a Comment