លោកសាយ ឈុំប្រធានព្រឹទ្ធសភា បើកសម័យប្រជុំវិសាមញ្ញព្រឹទ្ធសភានីតិកាលទី៣
នាព្រឹកមិញនេះ។
២ ដោយគ្មានវត្តមានសមាជិកព្រឹទ្ធសភាពីបក្សប្រឆាំងចូលរួមនោះទេ។
ការអនុម័តរបស់ព្រឹទ្ធសភានៅថ្ងៃអង្គារនេះ គឺធ្វើឡើងតែមួយសប្តាហ៍ក្រោយពីតំណាងរាស្ត្ររបស់គណបក្សប្រជាជនកម្ពុជាចំនួន៦៦រូបដែលបានចូលរួមប្រជុំសភាពេញអង្គ បានអនុម័តសេចក្តីស្នើច្បាប់ស្តីពីគណបក្សនយោបាយ ដែលលោកនាយករដ្ឋមន្ត្រី ហ៊ុន សែន ស្នើធ្វើវិសោធនកម្មជា លើកទី២។
នៅព្រឹកថ្ងៃទី១៨ កក្កដានេះ ព្រឹទ្ធសភាដែលមានតែសមាជិកបក្សកាន់អំណាចចូលរួមចំនួន៤២រូប
ក៏បានយល់ព្រមទាំងស្រុងទៅលើវិសោធនកម្មនេះដោយគ្មានកែប្រែដោយថាច្បាប់នេះធ្វើឡើងដើម្បីពង្រឹងនីតិរដ្ឋ និងសុខសន្តិភាពជូនប្រជាពលរដ្ឋ ទប់ស្កាត់សង្គ្រាមពាក្យសំដី។
អ្នកនាំពាក្យព្រឹទ្ធិសភាលោក ម៉ម ប៊ុននាង មានប្រសាសន៍ប្រាប់អ្នកសារព័ត៌មានថាការចូលឬមិនចូលពីសមាជិកព្រឹទ្ធសភាបក្សប្រឆាំង គឺជាសិទ្ធរបស់ពួកគេ តែថាលិទ្ធិប្រជាធិបតេយ្យគឺត្រូវគោរពសំឡេងភាគច្រើន ។
លោកថា៖ «នៅក្នុងនេះដែរគឺអត់មានកែប្រែអីទេគឺស្របតាមរដ្ឋធម្មនុញ្ញទាំងអស់ អត់មានផ្ទុយទៅនឹងរដ្ឋធម្មនុញ្ញនោះទេ អត់បានរំលោភទៅលើលិទ្ធិប្រជាធិបតេយ្យនោះទេ អត់បានធ្វើឲ្យបែកបាក់ជាតិនោះទេ»។
ទោះជាយ៉ាងណាប្រធានស្តីទីគណបក្សសម រង្ស៊ី និងជាសមាជិកព្រឹទ្ធសភាលោក ទាវ វណ្ណុល បានឲ្យដឹងថា ការសម្រេចមិនចូលរួម ដោយសារសមាជិកព្រឹទ្ធសភាបក្សប្រឆាំងយល់ថា ការធ្វើវិសោធន កម្មនេះគឺមិនបានបម្រើផលប្រយោជន៍ប្រជារាស្រ្តខ្មែរទេ គឺបម្រើប្រយោជន៍ទៅលើបុគ្គលច្រើនជាង និងកំពុងតែធ្វើឲ្យលិទ្ធិប្រជាធិបតេយ្យដើរថយក្រោយ។
លោកថា៖ «គេបានសម្រេចធ្វើវិសោធនកម្មមួយសារទៀតដោយសារការធ្វើវិសោធនកម្មមុនហ្នឹង
គេមិនអាចបំពេញបំណងបុគ្គលណាមួយដែលចង់បានហ្នឹង។ ដែលគាត់ចង់បានច្បាប់ហ្នឹងអញ្ចឹងបានជាគេ ធ្វើវិសោធនកម្មហ្នឹងមួយសារទៀត។ អញ្ចឹងបើបីខែធ្វើវិសោធនកម្មម្តងដើម្បីបំពេញចិត្ត មនុស្ស ម្នាក់អញ្ចឹងយើងមិនអាចទៅចូលរួមអញ្ចឹងកើតទេ»។
គួររំលឹកផងដែរថាការកែច្បាប់គណបក្សនយោបាយជាលើកទី២នេះធ្វើតាមបញ្ជារបស់លោក នាយករដ្ឋមន្ត្រីហ៊ុន សែន កាលពីចុងខែមិថុនាកន្លងទៅ ក្នុងពិធីរំលឹកខួបអនុស្សាវរីយ៍៦៦ឆ្នាំ នៃការបង្កើតគណបក្សប្រជាជនកម្ពុជា។
អ្នកនាំពាក្យតំណាងរាស្ត្រគណបក្សប្រជាជន លោក ឈាង វុន អះអាងថា ច្បាប់នេះនឹងរារាំងមិន
ឲ្យមានការដាក់តាំងរូបលោក សម រង្ស៊ី នៅទីសាធារណៈដូចមុនៗទេ ដោយលោកចាត់ទុកលោក សម រង្ស៊ី ជាទណ្ឌិត។
ច្បាប់គណបក្សនយោបាយ ដែលបានអនុម័តកាលពីឆ្នាំ១៩៩៧ ត្រូវបានស្នើធ្វើវិសោធនកម្មឡើង វិញម្តងហើយ ដោយលោក ហ៊ុន សែន កាលពីចុងខែមករាឆ្នាំ២០១៧ និងត្រូវបានចូលជាធរមាន បន្ទាប់ពីបានចុះហត្ថលេខា កាលពីថ្ងៃទី៧ខែមីនា ដោយលោក សាយ ឈុំ ប្រធានព្រឹទ្ធសភានិងជាប្រមុខរដ្ឋស្តីទី ជំនួសព្រះមហាក្សត្រ ដែលបានយាងទៅចិននាពេលនោះ។
នៅពេលនេះ មិនទាន់មានព័ត៌មានឲ្យដឹងថាព្រះមហាក្សត្រនឹងយាងទៅប្រទេសចិនទៀត ដើម្បី គេចវេសពីការឡាយព្រះហស្ថលេខាលើច្បាប់នេះទៀតឬយ៉ាងណានោះទេ៕
0 comments:
Post a Comment