កញ្ញាពន្លឺ លាភានិងលោក ផាវ សុជុំជាបុគ្គលិកក្រុមហ៊ុនអាកាសចរណ៏ Sky Angkor Air
ត្រូវបានឃាត់ខ្លួន កាលពីល្ងាចថ្ងៃ សៅរ៍។
អាជ្ញាធរខេត្តសៀមរាបបានចាប់ឃាត់ខ្លួនមនុស្ស ២នាក់ ដែលជាបុគ្គលិកបម្រើការនៅក្រុមហ៊ុនអាកាសចរណ៍
Sky Angkor Air
ក្នុងខេត្តសៀមរាប កាលល្ងាចថ្ងៃម្សិលមិញនេះ បន្ទាប់ពីអ្នកទាំងពីរ បង្ហោះព័ត៌មានលើបណ្ដាញសង្គមហ្វេសប៊ុកថា មានយន្តហោះមួយគ្រឿងចុះចតខុសផ្លូវហើយធ្លាក់នៅក្នុងខេត្តនេះ។
ទំព័រហ្វេសប៊ុករដ្ឋបាលខេត្តសៀមរាប
បានរៀបរាប់ថា យុវជន ផាវ សុជុំ
អាយុ ២៣ឆ្នាំ ជាម្ចាស់គណនីហ្វេសប៊ុកឈ្មោះ Badet Panha Ratanakនិងយុវតី ពន្លឺ លាភា ដែលសុទ្ធតែជាបុគ្គលិកបម្រើការនៅក្រុមហ៊ុនអាកាសចរណ៍
Sky Angkor Air ផងនោះ ត្រូវបានឃាត់ខ្លួនយកទៅសាកសួរ បន្ទាប់ពីពួកគេបានបង្ហោះព័ត៌មានថា
យន្តហោះមានបញ្ហាបង្ខំចិត្តចុះចតខុសផ្លូវ
នៅព្រលានយន្តហោះ នា ខេត្តសៀមរាប ដែលខុសពីការពិត។
ចំណែកអ្នកនាំពាក្យលេខាធិការដ្ឋានអាកាសចរណ៍ស៊ីវិលកម្ពុជា
លោក ស៊ីន ចាន់សិរីវត្ថា
ត្រូវបាន ដកស្រង់សម្ដីចុះផ្សាយថា
មិនមានយន្តហោះធ្លាក់ដូចដែលព័ត៌មានផ្សព្វផ្សាយលើបណ្ដាញសង្គមនោះឡើយ។
ការចាប់ខ្លួននេះ
គឺបន្ទាប់ពីមន្ត្រីនៃអាកាសចរណ៍ស៊ីវិល បានស្នើឱ្យសមត្ថកិច្ចតាមរកប្រភពនៃម្ចាស់គណនេយ្យហ្វេសប៊ុកនោះ ដើម្បីចាត់វិធានការតាមច្បាប់។មន្ត្រីនៃអាកាសចរណ៍ស៊ីវិលចាត់ទុកការផ្សព្វផ្សាយព័ត៌មានបែបនេះថា ជាការធ្វើវិទ្ធង្សនាទៅលើវិស័យអាកាសចរណ៍ស៊ីវិលដែលជាអំពើល្មើសច្បាប់៕
0 comments:
Post a Comment