.jpg)
លោកម៉ៅ មុន្នីវណ្ណ ថ្លែងសារនយោបាយ នៅមុខពន្ធនាគារ ត្រពាំងផ្លុង
កាលពីថ្ងៃ ចន្ទ ដើមសប្តាហ៏នេះ។
ខេត្ត ត្បូងឃ្មុំ ដើម្បីសុំឲ្យអាជ្ញាធររបស់រដ្ឋាភិបាលលោកនាយករដ្ឋមន្ត្រី ហ៊ុន សែនដោះលែង
លោក កឹម សុខាជាមេបក្សរបស់ពួកគេ។
នៅព្រឹកថ្ងៃទី១៨កញ្ញា ក្រុមតំណាងរាស្ត្របក្សប្រឆាំង ចំនួន១២នាក់ តំណាងដោយលោក ម៉ៅ មុនីវណ្ណ បានបន្តចុះទៅពន្ធនាគារត្រពាំងផ្លុង ក្នុងស្រុកពញ្ញាក្រែក ខេត្តត្បូងឃ្មុំ ដើម្បីថ្លែងសារ នយោបាយនានា ខណៈសំណើសុំជួបលោក កឹម សុខា ត្រូវបានតុលាការបដិសេធ ជាលើកទី២ ដោយថា សំណុំរឿងដែលលោកនាយករដ្ឋមន្ត្រី ហ៊ុន សែនចោទពីបទក្បត់ជាតិនោះ គឺកំពុងស្ថិត ក្នុងចំណាត់ការស៊ើបសួរ របស់តុលាការភ្នំពេញ។
ថ្លែងនៅមុខពន្ធនាគារ អ្នកតំណាងរាស្ត្រមណ្ឌលកំពង់ចាម លោក ម៉ៅ មុនីវណ្ណ បានបញ្ជាក់ថា ការជួបជុំនៅមុខពន្ធនាគារ ថ្ងៃនេះ គឺដើម្បីសម្តែងការមិនពេញចិត្ត នឹងចំណាត់ការររបស់អាជ្ញាធរ និង ទាមទារឲ្យមានការដោះលែងលោក កឹម សុខា ឲ្យមានសេរីភាពវិញ។
លោកថា៖ «ក្រុមអ្នកតំណាងរាស្ត្រគណបក្សសង្គ្រោះជាតិ ស្វាគមន៍សេចក្តីសម្រេច របស់សហគមន៍អន្តរជាតិ ដែលមានជាបន្តបន្ទាប់ គឺយើងស្វាគមន៍ ហើយយើងត្រៀមខ្លួនជានិច្ច ក្នុងការជម្រុញធ្វើឲ្យ ព្រះរាជាណាចក្រកម្ពុជារបស់យើងហ្នឹង គោរពតាមរដ្ឋធម្មនុញ្ញ ហើយបរិយាកាសបោះឆ្នោតមានភាពសេរីត្រឹមត្រូវ និងយុត្តិធម៌ ដែលអាចទទួលបាន ទាំងអស់គ្នា»។
ប្រធានគណបក្សសង្គ្រោះជាតិ លោក កឹម សុខា ត្រូវបានសមត្ថកិច្ចចាប់ខ្លួន កាលពីដើមខែកញ្ញា និង ត្រូវបានតុលាការចោទប្រកាន់ថា «ក្បត់ជាតិ» និងបានឃុំខ្លួនបណ្តោះអាសន្ន នៅពន្ធនាគារត្រពាំងផ្លុង ខេត្តត្បូងឃ្មុំ ជាប់ព្រំដែនវៀតណាម។
កាលពីថ្ងៃទី០៦ខែកញ្ញា ក្រុមតំណាងរាស្ត្រគណបក្សសង្គ្រោះជាតិ បានដាក់លិខិតស្នើសុំជួបលោក កឹម សុខា ម្តងរួចហើយ ប៉ុន្តែត្រូវបានសាលាដំបូងរាជធានីភ្នំពេញ បដិសេធក្រោមហេតុផល ដដែល។
លើកទី២នេះ ក៏ដូចជាលើកមុនផងដែរ ក្នុងដំណើរទៅសួរសុខទុក្ខលោក កឹម សុខា នៅពន្ធនាគារត្រពាំងផ្លុង គេសង្កេតឃើញមាន កងកម្លាំងអាជ្ញាធរចម្រុះ រាប់សិបនាក់ ប្រដាប់ដោយអាវុធ គ្រប់ដៃ ត្រូវបានដាក់ពង្រាយនៅជុំវិញពន្ធនាគារត្រពាំងផ្លុង ដែលជាពន្ធនាគារមួយស្ថិតក្រោមការគ្រប់គ្រង របស់ក្រសួងមហាផ្ទៃ៕
0 comments:
Post a Comment