លោកអ៊ី ចំរើន(រូបពាក់មួក) និងបក្ខពួកឃុបឃិតគ្នាជាប្រព័ន្ធ នៅខេត្តរតនគិរី ដើម្បីរកស៊ី
ដឹកជញ្ជូនឈើទៅស្រុកយួន តាមច្រកអូរយ៉ាដាវ។
ការដែលលោក អ៊ី ចំរើន
ហ៊ានធ្វើអ្វីៗស្រេចតែអំពើចិត្ត
គឺដោយសារអាងមានខ្នងបង្អែករឹងមាំនៅ ក្នុងអគ្គនាយកដ្ឋានអន្តោប្រវេសន៍ក្រសួងមហាផ្ទៃ ដែលសូម្បីតែនាយឧត្តមសេនីយ៍
នេត សាវឿន អគ្គស្នងការនគរបាលជាតិ
ក៏ត្រូវយោគយល់ដែរ។ ដូច្នេះហើយលោក អ៊ី ចំរើន
ឃុបឃិតជាមួយលោក អន អង្គារ៉ា
មេគយច្រកអូរយ៉ាដាវ និងសមត្ថកិច្ចពាក់ព័ន្ធដទៃទៀតរួចបើកដៃឲ្យឈ្មួញជា ច្រើននាក់ដឹកឈើចេញទៅស្រុកយួនយ៉ាងពេញបន្ទុក ជាពិសេសនៅពេលយប់។
ប្រភពពីមន្ត្រីអាជ្ញាធរនិងសមត្ថកិច្ចមូលដ្ឋានក្នុងស្រុកអូរយ៉ាដាវ បានឲ្យដឹងថានៅដើមខែកញ្ញា
ឆ្នាំ២០១៧នេះ សកម្មភាពដឹកជញ្ជូនឈើចេញតាមច្រកទ្វារអន្តរជាតិអូរយ៉ាដាវ ពុំមានការថយចុះនោះទេគឺមានតែកើនឡើងច្រើនជាងមុនទៅទៀត
ខណះនយោបាយរបស់លោកនាយករដ្ឋមន្ត្រី ហ៊ុន សែនកំពុងតានតាំងជាមួយលោក កឹម
សុខាប្រធានគណបក្សសង្គ្រោះជាតិ។
ឈ្មួញធំៗដែលបន្តសកម្មភាពដឹកជញ្ជូនឈើចេញទៅស្រុកយួនមានដូចជា
ឈ្មោះ ណាប់
វណ្ណៈ ហៅណាក់ក្បាលធំ ជាមន្ត្រីអាវុធហត្ថខេត្តរតនគិរី និងឈ្មួញមួយចំនួនទៀតដែលជាមនុស្សជំនិតរបស់មន្ត្រី នគរបាលពាក់ផ្កាយ២ម្នាក់នៅក្នុងក្រសួងមហាផ្ទៃ។ តាមរយៈការបើកដៃឲ្យឈ្មួញដឹកជញ្ជូនឈើចេញទៅស្រុកយួនតាមច្រកអូរយ៉ាដាវ គឺលោក
អ៊ី ចំរើន អាចប្រមូលលុយបានយ៉ាងច្រើនក្នុង១ខែៗ ហើយក៏អាចមានការបែងចែកទៅថ្នាក់លើផងដែរទើបអ្វីៗអាចប្រព្រឹត្តទៅដោយរលូន។
ប្រភពពីសកម្មជនព្រៃឈើនិងមន្ត្រីរាជការក្នុងខេត្តរតនគិរី បានឲ្យដឹងថា ឈ្មួញមួយចំនួនបានប្រមូលទិញឈើប្រណីតនិងឈើប្រភេទលេខ១ដឹកពីស្រុកវ៉ើនសៃ ស្រុកតាវែង
ស្រុកអណ្ដូងមាស ស្រុកលំផាត់
និងតំបន់ឧទ្យានជាតិវីរៈជ័យ ចេញទៅស្រុកយួនតាមច្រកទ្វារអន្តរជាតិអូរយ៉ាដាវយ៉ាងរលូន។ កន្លងមកសមត្ថកិច្ចចម្រុះក្នុងខេត្តរតនគិរី ធ្លាប់បង្ក្រាបរថយន្តដឹកឈើ២ទៅ៣គ្រឿងនៅក្បែរច្រកទ្វារអន្តរជាតិអូរយ៉ាដាវដើម្បីយកស្នាដៃផងដែរ ដោយសារឈ្មួញទាំងនោះចង់គេចវេះមិនបង់លុយ។ ចំណែកឈ្មួញធំៗដែលបង់លុយតាមការកំណត់ឬឈ្មួញដែលមានខ្នងបង្អែករឹងមាំនៅតែអាចដឹកឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវយ៉ាងរលូន ព្រោះមានលោក
អ៊ី ចំរើន មេនគរបាលអន្តោប្រវេសន៍ច្រកនេះ ចាំសម្របសម្រួលនិងឃុបឃិតគ្រប់ពេលវេលា។
លោក អ៊ី ចំរើន មានសិទ្ធិសម្រេចធំជាងគេក្នុងការបើកដៃឲ្យឈ្មួញដឹកឈើចេញទៅស្រុកយួន ហើយលោក
អ៊ី ចំរើន ក៏ទទួលបានផលប្រយោជន៍ច្រើនជាងគេពីបទល្មើសព្រៃឈើនៅច្រកអូរយ៉ាដាវផងដែរ។
នៅពេលនេះ
សារព័ត៌មានជាតិខ្មែរមិនអាចទាក់ទងលោក អ៊ី ចំរើនដើម្បីសាកសួរពីព័ត៌មានដ៏ រសើបនេះបានទេ
ដោយទូរសព្ទចូលច្រើនលើក តែលោក អ៊ី ចំរើនមិនព្រមលើកឡើយ៕
រថយន្តដឹកឈើតម្រង់ជួរគ្នានៅមុខច្រកទ្វារអន្តរជាតិ អូរយ៉ាដាវ ក្រោមការគ្រប់គ្រង
របស់លោក អ៊ី ចំរើន។
0 comments:
Post a Comment