លោកនាយករដ្ឋមន្ត្រី ហ៊ុន សែននិងភរិយា ក្តុកក្តួលពីធីរំលឹកវិញ្ញាណក្ខន្ធជនរងគ្រោះ
ជាន់គ្នាស្លាប់ នៅស្ពានកោះពេជ្រ កាលពី៧ឆ្នាំមុន។
ប្រធានក្រុមប្រឹក្សារាជធានីភ្នំពេញ លោក ម៉ប់ សារិន ដែលដឹកនាំរៀបពីធីរំលឹកវិញ្ញាណក្ខន្ធជនរងគ្រោះនៅថ្ងៃនេះ បានលើកឡើងថា ឧប្បវហេតុ នៃការស្លាប់មនុស្សដ៏ច្រើននេះ គឺជាព្រឹត្តិការណ៍ ប្រវត្តិសាស្រ្ត ហើយសម្រាប់សាលារាជធានីភ្នំពេញ ក៏ដូចជាប្រទេសកម្ពុជាទាំងមូល និងយក ករណីនេះ ជាមេរៀនដើម្បីបង្កើនការយកចិត្តទុកដាក់។
លោកបន្ថែមថា «ឧប្បវហេតុនេះ គឺជាប្រវត្តិសាស្រ្តសម្រាប់រដ្ឋបាលរាជធានីភ្នំពេញ ហើយរដ្ឋបាលរាជធានីភ្នំពេញ ជម្រុញឲ្យរៀបចំធ្វើពីធីនេះជារៀងរាល់ឆ្នាំ ជាមួយក្រុមគ្រួសារសាច់ញាតិនៃជនរង គ្រោះ ដែលមិនអាចបំភ្លេចបាន ការបាត់បង់សាច់ញាតិកូនប្រុសស្រី ដោយសារការរត់ជាន់គ្នាស្លាប់នៅលើស្ពានកោះពេជ្រ»។
មនុស្សចំនួន ៣៥១នាក់ បានបាត់បង់ជីវិត និងជាង ៧០០នាក់ទៀតបានរងរបួស នៅក្នុងព្រឹត្តិ ការណ៍រត់ជាន់គ្នានៅស្ពានកោះពេជ្រ កាលពីថ្ងៃទី២២ ខែវិច្ឆិកា ឆ្នាំ២០១០ នៃពិធីបុណ្យអុំទូកយប់ចុងក្រោយ។ ក្រោយមានការស្លាប់មនុស្សដ៏ច្រើននេះ រដ្ឋាភិបាលបានផ្អាកពិធីបុណ្យអុំទូកចំនួន ៣ឆ្នាំជាប់ៗគ្នា ដោយលើកឡើងពីមូលហេតុផ្សេងៗ។
កាលពីឆ្នាំ២០១០ និង ភ្លាមៗ ក្រោយពេលហេតុការណ៍នេះកើតឡើង លោកនាយករដ្ឋមន្ត្រី ហ៊ុន សែន បានប្រកាសកាលថា គ្មានមន្ត្រីរដ្ឋាភិបាលណាម្នាក់ ត្រូវបានដាក់ទណ្ឌកម្ម ឬ ដកចេញពីតំណែង ចំពោះឧបទ្ទវហេតុរត់ជាន់គ្នាស្លាប់នៅលើស្ពានកោះពេជ្រ ហើយ លោកបានហៅសោក នាដកម្មនេះ ថាជាកំហុសរួម ខណៈមជ្ឈដ្ឋានជាតិនិងអន្តរជាតិ ស្នើឲ្យមានការស៊ើបអង្គេតដោយ ឯករាជ្យលើរឿងនេះ.។
លោកនាយករដ្ឋមន្ត្រី និងភរិយាក៏បានទៅបួងសួងនិងសម្រក់ទឹកភ្នែកនៅចំពោះវិញ្ញាណក្ខ័ន្ធ អ្នក ស្លាប់ទាំងអស់នោះភ្លាមៗផងដែរ ជាមួយនឹងការសងសំណងដល់អ្នកស្លាប់ទាំងអស់នោះ។
ភ្លាមៗនោះដែរ លោកសម រង្ស៊ីដែលកាលនោះជាប្រធានគណបក្សសម រង្ស៊ីកំពុងនិរទេសនៅក្រៅ ប្រទេសក៏បានហៅការសម្រក់ទឹកភ្នែករបស់លោកនាយករដ្ឋមន្ត្រី ហ៊ុន សែននិងភរិយា គឺជាការ "ធ្វេីពុតជាសោកសៅដោយសម្រក់ទាំងពីរនាក់" តែប៉ុណ្ណោះ៕
0 comments:
Post a Comment