មេឈ្មួញឈេីល្បីឈ្មោះ សឹង សំអុលឈានជេីងចូលបំផ្លាញព្រៃឈេី នៅតំបន់ដែនជម្រកសត្វព្រៃភ្នំព្រេច ក្នុងស្រុកកោះញែក ខេត្តមណ្ឌលគិរី។
ថ្មីៗ នេះ មេឈ្មួញឈេី សឹង សំអុល បានប្រើប្រាស់រថយន្តយីឌុបប្រភេទវ៉េអង៧គ្រឿងដឹក
ឈើចេញ ពីតំបន់ដែនជម្រកសត្វព្រៃភ្នំព្រេច ចំនួន៧រថយន្ត។
ប្រភពបានឲ្យដឹងទៀតថាមេឈ្មួញ សឹង
សំអុល បានប្រើអាជ្ញាប័ណ្ណស្របច្បាប់ដើម្បីដឹកឈើចេញពីស្រុកកោះញែក ដោយក្នុងអាជ្ញាប័ណ្ណនោះកំណត់ឲ្យផ្ទុកឈើក្នុង១រថយន្តពី១៧ទៅ១៨ម៉ែត្រគូបប៉ុណ្ណោះ ហើយជាក់ស្ដែងគេផ្ទុកឈើពី៥០ទៅជិត៦០ម៉ែត្រគូប។ ប្រការនេះហើយដែលធ្វើឲ្យព្រៃឈើក្នុងតំបន់ដែនជម្រកសត្វព្រៃភ្នំព្រេច ចៀសមិនផុតពីរលាយសាបសូន្យក្នុងពេលឆាប់ៗខាងមុខនេះទេ ព្រោះមេឈ្មួញ
សឹង សំអុល កំពុងប្រើអាជ្ញាប័ណ្ណក្រុមហ៊ុនម៉ាស្ទ័រខេសាន់ ដើម្បីដឹកជញ្ជូនឈើចេញទៅស្រុកយួនយ៉ាងពេញបន្ទុកតែម្តង។
ប្រភពពីសមត្ថកិច្ចពាក់ព័ន្ធក្នុងខេត្តមណ្ឌលគិរី បានឲ្យដឹងថា
ឈើ៧រថយន្តយីឌុបប្រភេទវ៉េអងដែលមេឈ្មួញ សឹង សំអុល ដឹកចេញពីស្រុកកោះញែក
កាលពីយប់ថ្ងៃទី០៣ ខែកុម្ភៈ ឆ្នាំ២០១៨ គឺដឹកចេញទៅស្រុកយួនតាមច្រកព្រំដែនក្នុងស្រុកស្នួល
ខេត្តក្រចេះ។ ប្រភពបានឲ្យដឹងទៀតថា នៅក្នុងទីតាំងដីសម្បទានសេដ្ឋកិច្ចរបស់មេឈ្មួញ
សឹង សំអុល គ្មាននៅសល់ឈើសម្រាប់កាប់ធ្វើអាជីវកម្មតទៅទៀតទេ ហើយឈើដែលឈ្មួញរូបនេះដឹកជញ្ជូនចេញទៅស្រុកយួន គឺជាឈើកាប់ចេញពីតំបន់ដែនជម្រកសត្វព្រៃភ្នំព្រេច និងតំបន់អន្ទ្រងជាដើមព្រោះមានការឃុបឃិតបើកដៃពីសំណាក់មន្ត្រីបរិស្ថាន មន្ត្រីរដ្ឋបាលព្រៃឈើ
និងសមត្ថកិច្ចពាក់ព័ន្ធជាច្រើនស្ថាប័នទៀត។ ដូច្នេះហើយទើបមេឈ្មួញ
សឹង សំអុល ហ៊ានធ្វើអ្វីៗស្រេចតែអំពើចិត្តក្នុងការបង្កើនសកម្មភាពដឹកជញ្ជូនឈើចេញទៅស្រុកយួន បើទោះបីក្នុងទីតាំងដីសម្បទានសេដ្ឋកិច្ចក្រុមហ៊ុនម៉ាស្ទ័រខេសាន់ គ្មាននៅសល់ឈើក៏ដោយ។
ប្រភពពីមន្ត្រីក្នុងមន្ទីរបរិស្ថានខេត្តមណ្ឌលគិរី បានឲ្យដឹងថា
ប្រសិនបើគ្មានការឃុបឃិតបើកដៃពីសំណាក់លោក កែវ សុភ័ក្រ ប្រធានមន្ទីរបរិស្ថានខេត្តមណ្ឌលគិរី ទេនោះគឺមន្ត្រីបរិស្ថានប្រចាំតំបន់ដែនជម្រកសត្វព្រៃភ្នំព្រេច មិនហ៊ានធ្វើអ្វីៗស្រេចតែអំពើចិត្តតទៅទៀតទេ ព្រោះអាចប្រឈមនឹងការបង្ក្រាប។ ទាល់តែមានការឃុបឃិតបើកដៃពីសំណាក់លោក
កែវ សុភ័ក្រ ប្រធានមន្ទីរបរិស្ថានខេត្តមណ្ឌលគិរី ក៏ដូចជាលោក ស្វាយ
សំអ៊ាង អភិបាលខេត្តមណ្ឌលគិរី
ព្រមទាំងសមត្ថកិច្ចពាក់ព័ន្ធដទៃទៀត ទើបមេឈ្មួញ សឹង សំអុល
បន្តបំផ្លាញព្រៃឈើក្នុងស្រុកកោះញែក យ៉ាងមហន្តរាយ។ គួររំលឹកថាមេឈ្មួញ
សឹង សំអុល មានឈ្មោះក្នុងបញ្ជីខ្មៅរបស់លោកនាយករដ្ឋមន្ត្រី
ហ៊ុន សែន ផងដែរពាក់ព័ន្ធទៅនឹងបទល្មើសដឹកជញ្ជូនឈើចេញទៅស្រុកយួន ក៏ប៉ុន្តែរហូតមកដល់ពេលនេះមេឈ្មួញ
សឹង សំអុល នៅតែប្រព្រឹត្តបទល្មើសយ៉ាងក្រអឺតក្រទម។
ការដែលមេឈ្មួញ សឹង សំអុល
ហ៊ានបន្តសកម្មភាពដឹកជញ្ជូនឈើចេញទៅស្រុកយួននៅពេល នេះ គឺមានប្រភពខ្លះបាននិយាយថា
ដោយសារមេឈ្មួញ សឹង សំអុល
អាងខ្នងបង្អែករឹងមាំជាមន្ត្រីជាន់ខ្ពស់ជិតស្និទ្ធនឹងមេដឹកនាំកំពូលតែម្តង។
នៅពេលនេះ
សារព័ត៌មានចាតិខ្មែរមិនទាន់អាចទាក់ទងលោកមេឈ្មួញ សឹង សំអុលដែលមាន លំនៅដ្ឋានអចិន្ត្រៃយ៍
នៅខេត្តត្បូងឃ្មុំ
មកបំភ្លឺពីសកម្មភាពកាប់បំផ្លាញនិងដឹកជញ្ជូនឈេី
យកទៅលក់នៅស្រុកយួនដោយសេរីនេះបានទេ៕
ក្បួនរថយន្តដឹកឈេីរបស់ឧកញ៉ា សឹង សំអុលចេញពីតំបន់ដែនជម្រកសត្វព្រៃភ្នំព្រេច
ក្នុងស្រុ កោះញែក ខេត្តមណ្ឌលគិរី ទៅកាន់ស្រុកយួន។
ក្នុងស្រុ កោះញែក ខេត្តមណ្ឌលគិរី ទៅកាន់ស្រុកយួន។
0 comments:
Post a Comment