នាយករដ្ឋមន្ត្រី ហ៊ុន សែនផ្តល់ថវិកាដល់កម្មការនី មានផ្ទៃពោះ នៅក្នុងពិធី
សំណេះសំណាល នាព្រឹកមិញនេះ។
ប្រមុខរដ្ឋាភិបាលប្រកាសថាកម្ពុជានៅព្រឹកថ្ងៃពុធនេះ
បានប្រកាសទាត់ចោលការលេីកឡេីងពីការ ចង់បង្កេីតឲ្យមានតុលាការការងារក្នុងវិស័យកាត់ដេរនៅកម្ពុជាដោយលោកថាកម្ពុជា
មិនចាំបាច់ បង្កើតឲ្យមានតុលាការការងារនោះទេ ដោយថាកន្លងមកនេះ ភាគីពាក់ព័ន្ធបានដោះស្រាយវិវាទ ការងារក្នុងវិស័យកាត់ដេរ បានល្អប្រសើរស្ទើរទាំងស្រុងហើយ។
លោកនាយករដ្ឋមន្ត្រី ហ៊ុន សែន ក្នុងពិធីជួបកម្មករ នៅរាជធានីភ្នំពេញនាថ្ងៃពុធនេះ បានថ្លែងថា នៅប៉ុន្មានឆ្នាំមកនេះ វិវាទតិចតួចប៉ុណ្ណោះដែលភាគីពាក់ព័ន្ធមិនទាន់បានដោះស្រាយ។ លោកថា ដូចនេះ ការចង់បង្កើតឲ្យមានតុលាការការងារ ដើម្បីដោះស្រាយវិវាទ នោះ លែងជាជម្រើសចាំបាច់ហើយ។
លោកបន្តថា៖ «យើងមិនមានការចាំបាច់ដើម្បីបង្កើតឡើងនូវតុលាការងារទេ ដោយសារតែយន្ តការត្រីភាគី និងបញ្ហានៃបទពិសោធន៍ ការដោះស្រាយរយៈពេលកន្លងទៅ តាមរយៈនៃការ សម្របសម្រួលគឺវាគ្រប់គ្រាន់ណាស់ទៅហើយ»។
លោក ហ៊ុន សែន បានថ្លែងទៀតថា ការស្វែងរកដំណោះស្រាយ តាមយន្តការឈ្នះៗ ជាការ ប្រសើរជាង ការកាត់ក្តី ឲ្យមានអ្នកចាញ់ និងអ្នកឈ្នះ។
លោកបញ្ជាក់ថា៖ «បង្កើតតុលាការកាត់ក្តី វាមានអ្នកឈ្នះ និងអ្នកចាញ់ហើយ ដូច្នេះវាត្រូវរកវិធី ដោះស្រាយឲ្យបានឈ្នះទាំងអស់គ្នាកុំឲ្យមានអ្នកឈ្នះនិងកុំឲ្យមានអ្នកចាញ់អាហ្នឹងល្អបំផុត ហើយ។
បើតាមក្រសួងការងារ រោងចក្រសហគ្រាស ដែលបានចុះបញ្ជី មានជាង១០០០ ហើយថា វិស័យ កាត់ដេរនេះ បានស្រូបយកកម្លាំងពលកម្ម ប្រមាណជា៨០ម៉ឺននាក់។
ទោះជាយ៉ាងណាអ្នកតាមដានអះអាងថា ក្រោយពីតុលាការកំពូលរំលាយគណបក្សប្រឆាំងដ៏ធំ នៅកម្ពុជា និងបន្តឃុំខ្លួន លោក កឹម សុខា ក្នុងពន្ធនាគារនោះ កម្មករក្នុងវិស័យកាត់ដេរត្រូវបាន រដ្ឋាភិបាលយកចិត្តទុកដាក់ជាងមុន ដូចជារដ្ឋាភិបាលប្រកាសពីសេវាថែទំាសុខភាព និងព្យាបាល ជំងឺ ដោយមិនចាំបាច់ឲ្យបង់ថ្លៃ ផ្តល់លុយសុទ្ធដល់ស្តី្រឆ្លងទន្លេ ជំរុញឲ្យអ្នកមានផ្ទៃពោះចេញមុន ម៉ោង ដំឡើងប្រាក់ឈ្នួល ពី១៥៣ដុល្លារ ដល់១៧០ដុល្លារ បញ្ចុះតម្លៃទឹកភ្លើង និងជិះរថយន្តក្រុង មិនចាំបាច់ទិញសំបុត្រជាដើម។
លេីសពីនេះ កម្មករ-កម្មការនីបានថតរូបសែលហ្វី (Selfies) ជាមួយនាយករដ្ឋមន្ត្រីហ៊ុន សែន ដោយសេរីទៀតផង៕
0 comments:
Post a Comment