នាយករដ្ឋមន្ត្រី ហ៊ុន សែន បានផ្ញើសារនយោបាយទៅកាន់លោកសម រង្ស៊ីដែលជាដៃគូប្រកួតរ បស់លោកកំពុងរស់នៅនីរទេសខ្លួននៅក្រៅប្រទេសថា ពាក្យ «មានសែន អត់ស៊ី មានស៊ី អត់ សែន» នឹងមិនអាចបញ្ចប់បានទេ ហេីយនៅតែបន្តលេងដល់ថ្ងៃស្លាប់រៀងៗខ្លួន។
លោកនាយករដ្ឋមន្ត្រីដែលបានរំលាយបក្សប្រឆាំងចោលនោះ បានថ្លែងបែបនេះ ក្នុងពិធីសម្ពោធ ការដ្ឋានសាងសង់ស្ពានឆ្លងទន្លមេគង្គ នៅខេត្តកំពង់ចាម នាថ្ងៃទី៩ខែកុម្ភៈនេះ។
លោក ហ៊ុន សែន ថ្លែងបែបឌឺដងមិនបញ្ចេញឈ្មោះថា ដោយសារតែ “ភាពឆោតល្ងង់” របស់អ្នកនយោបាយខ្លះ ទើបមិនអាចដណ្តើមអំណាចពីលោកបាន។
មេដឹកនាំបក្សកាន់អំណាចរូបនេះ ថ្លែងទៀតថា «ពាក្យមានសែន អត់ស៊ី មានស៊ី អត់សែន» ដែល អ្នកធ្លាប់និយាយ នឹងបន្តធ្វើឡើងរហូតដល់ថ្ងៃស្លាប់រៀងៗខ្លួន។
លោកបញ្ជាក់ថា៖«គេមិនល្ងង់ដូចអ្ហែងហ្នឹងហើយបានគេកាន់អំណាច រហូតទៅដល់ជិត៤០ឆ្នាំនោះ កុំទៅឆ្ងល់ពេក។ ហើយបើគិតតាំងពីដំណាក់កាលនៃការតស៊ូ រំដោះប្រទេសជាតិ៤០ឆ្នាំជាងទៅ ហើយ។អញ្ចឹងទេគួរតែព្រមយល់ហើយ។ សួចោទជាបញ្ហាហ្នឹង ប៉ុន្តែបញ្ហារឿងមួយដែលធ្វើឲ្យអ្នក ឯងភ្លឺភ្នែកឲ្យច្បាស់ កាលពី១៥ឆ្នាំមុនអ្នកឯងនិយាយពីស្អី?។ អ្នកឯងនិយាយថាមានស៊ី អត់ សែន មានសែន អត់ស៊ី។ ឥឡូវខ្ញុំធ្វើឲ្យដូចៗ មួយជិវិតទាល់តែងាប់រៀលខ្លួន»។
ក្រោយបោះឆ្នោត កាលពី១៥ឆ្នាំមុន គណបក្សប្រជាជនកម្ពុជាដែលមានសំឡេងឆ្នោតនាំមុខគេ មិនអាចរកសំឡេង២ភាគ៣ ដើម្បីបង្កើតរដ្ឋាភិបាលថ្មី តាមរដ្ឋធម្មនុញ្ញបាននោះទេ ជំរុញឲ្យស្ថានការណ៏នយោបាយនៅពេលនោះត្រូវជាប់គាំង ដោយសារតែគណបក្សហ្វ៊ុនស៊ិនប៉ិច និងគណបក្ស សម រង្ស៊ី មិនចូលរួម។
ពេលនោះ អតីតព្រះមហាក្សត្រ សម្តេចព្រះនរោត្តម សីហនុ បានកោះហៅមេដឹកនាំគណបក្ស នយោបាយសំខាន់ៗ ទៅពិភាក្សានៅក្នុងព្រះបរមរាជវាំង ដើម្បីស្វែងរកដំណោះស្រាយ។ ក្នុងនោះមាន លោកនាយករដ្ឋមន្ត្រី ហ៊ុន សែន សម្តេចក្រុមព្រះ នរោត្តមរណឫទ្ធិ និងលោក សម រង្ស៊ី ។ កិច្ចប្រជុំពិសេសពេលនោះ បានផ្សាយផ្ទាល់តាមកញ្ចក់ទូរទស្សន៍ជាតិផងដែរ។
ប៉ុន្តែការចេញព្រះរាជអន្តរាគមន៍ របស់សម្តេចព្រះនរោត្តមសីហនុពេលនោះ មិនអាចជំរុញឲ្យអ្នក នយោបាយខ្មែរស្រុះស្រួយគ្នាទៅបង្កើត រដ្ឋាភិបាលថ្មីមួយរួមគ្នាបានទេ ។
លោក សម រង្ស៊ី ពេលនោះ ជាប្រធានគណបក្សសម រង្ស៊ី បានប្រាប់អ្នកសារព័ត៌មានថា ការដឹកនំាំរដ្ឋាភិបាល បើមាន លោក ហ៊ុន សែន ត្រូវអត់ សម រង្ស៊ី បើមានសម រង្ស៊ី ត្រូវអត់ ហ៊ុន សែន។
លោក សម រង្ស៊ី កាលពីសប្តាហ៍មុន បានសរសេរលើគេហទំព័រហ្វេសប៊ុក របស់លោក រិះគន់ លោក ហ៊ុន សែន ថា មេដឹកនាំរូបនេះ កំពុងនាំប្រទេសទៅរករបបផ្តាច់ការ ។
លោក សម រង្ស៊ី ក៏បានសរសេរបែបគំរាមថា ចលនាសង្គ្រោះជាតិ ដែលលោក ទើបបង្កើត នឹងជំរុញឲ្យសហគមន៍អន្តរជាតិ ដាក់ទណ្ឌកម្មសេដ្ឋកិច្ចដល់រដ្ឋាភិបាល របស់លោក ហ៊ុន សែន ដើម្បី ដាក់សម្ពាធឲ្យមេបក្សកាន់អំណាចរូបនេះ ឈប់ឲ្យក្រាញអំណាចបានតទៅទៀត បើមិនវិលទៅរកគន្លងប្រជាធិបតេយ្យឡើងវិញនោះ។
លោកសម រង្ស៊ីក៏អះអាងទៀតថាលោកនាយករដ្ឋមន្ត្រី ហ៊ុន សែននឹងត្រូវអូសគយកទៅកាត់ ទោសនៅតុលាការអន្តរជាតិ )ICC) នៅពេលខាងមុខដ៏ឆាប់ខាងមុខនេះ៕
0 comments:
Post a Comment