លោកសម រង្ស៊ីដែលកំពុងរស់នៅនិរទេសខ្លួននៅក្រៅប្រទេសក៏ស្នើឲ្យលោកនាយក រដ្ឋមន្ត្រី ហ៊ុន សែន ឈប់ឆ្កួត តទៅទៀត។
សារខាងលេីនេះគឺជាការឆ្លើយតបនឹងលោក ហ៊ុន សែន ដែលកាលពីចុងសប្ដាហ៍នេះបានចោទប្រកាន់លោកថា
ជាមេភេរវករនោះ លោក សម រង្ស៊ី បានសរសេរសារផ្ញើជូនលោកនាយករដ្ឋមន្ត្រី ហ៊ុន
សែន នៅលើទំព័រហ្វេសប៊ុក
(Facebook) ថា
បើលោកជាភេរវករមែន នោះមិនមែនឥស្សរជនជាន់ខ្ពស់នៅសហរដ្ឋ អាមេរិក
និងនៅទ្វីបអឺរ៉ុប រាប់អានរូបលោក
និងផ្ដល់កម្លាំងចិត្តឱ្យលោកក្នុងការតស៊ូទាមទារលទ្ធិ ប្រជាធិបតេយ្យជូនប្រជារាស្ត្រខ្មែរនោះទេ។
លោក សម សង្ស៊ី ចោទវិញថា ហ៊ុន សែន
នោះទេ ដែលជាឃាតក និងជាមេក្រុមភេរវករក្នុងជួរអ្នកដឹកនាំប្រទេសកម្ពុជា
សព្វថ្ងៃ ដែលបានសម្លាប់មនុស្សជាច្រើនដូចជាផែនការ
"ក៥" អំពើភេរវកម្មថ្ងៃទី៣០
ខែមីនា ឆ្នាំ១៩៩៧ រដ្ឋប្រហារខែកក្កដា
ឆ្នាំ១៩៩៧ ជាដើម។
នៅចុងសប្តាហ៏នេះ លោកនាយករដ្ឋមន្ត្រី
ហ៊ុន សែន ព្រមានប្រើប្រាស់អាវុធទំនើបដើម្បីកម្ទេចចលនាសង្គ្រោះជាតិ ដែលលោកគិតថា
ជាក្រុមឧទ្ទាម ចង់បង្កើតតំបន់អបគមន៍។ សារព្រមានរបស់លោក ហ៊ុន សែន នេះ
ធ្វើឡើងក្រោយពេលលោក សម រង្ស៊ី និងអតីតក្រុមតំណាងរាស្ត្រមួយចំនួននៃគណបក្សសង្គ្រោះជាតិ ប្រកាសបង្កើតចលនាសង្គ្រោះជាតិ
ដើម្បីទាមទារឱ្យរដ្ឋាភិបាលដោះលែងលោក កឹម សុខា និងបើកឱ្យគណបក្សសង្គ្រោះជាតិចូលរួមក្នុងការបោះឆ្នោតជាតិឡើងវិញ។
ថ្លែងនៅចំពោះមុខនិស្សិតទើបបញ្ចប់ការសិក្សារាប់រយនាក់នៃវិទ្យាស្ថានបច្ចេកវិទ្យាកម្ពុជា ឬសាលាតិចណូ
នៅព្រឹកថ្ងៃទី១ កុម្ភៈ លោកនាយករដ្ឋមន្ត្រី ហ៊ុន សែន គំរាមប្រើរ៉ុកកែតធុនបេអឹម ២១
(BM-21) ដើម្បីកម្ចាត់ក្រុមចលនាសង្គ្រោះជាតិរបស់លោក សម រង្ស៊ី
ដែលលោកចាត់ទុកថា ជាក្រុមភេរវករ ប៉ុនប៉ងផ្ដួលរំលំរដ្ឋាភិបាលរបស់លោក។មេដឹកនាំកាន់អំណាចយូរជាងគេនៅតំបន់អាស៊ីរូបនេះ អះអាងថា លោកមានបទពិសោធន៍ដឹកនាំចលនាតស៊ូតាំងតែពីអាយុ ២៥ឆ្នាំ និងបានបន្តដឹកនាំជាតិមកទល់នឹងពេលបច្ចុប្បន្ន ដូច្នេះលោកជឿជាក់ថា គ្មាននរណាម្នាក់អាចផ្ដួលរូបលោកបាននោះទេ។
ក្រៅពីគំរាមកម្ទេចក្រុមចលនាសង្គ្រោះជាតិដោយអាវុធទំនើបហើយ លោក ហ៊ុន សែន បានឆ្លៀតប្រើប្រាស់ពាក្យសម្ដីអសុរសនៅចំពោះមុខក្រុមបញ្ញវន្ត ជេរប្រទេចលោក សម រង្ស៊ី និងឪពុករបស់លោក គឺលោក សម សារី ថាជាសុនខ និងកូនសុនខថែមទៀត។ លោកក៏បានព្រមានទៅលោក សម រង្ស៊ី ផងដែរ កុំឱ្យចូលមកក្នុងតំបន់អាស៊ី ព្រោះលោកនឹងតាមចាប់អតីតមេបក្សប្រឆាំងរូបនេះឱ្យទាល់តែបាន៕
0 comments:
Post a Comment