បណ្តឹងប្តឹងលោកនាយករដ្ឋមន្ត្រី ហ៊ុន សែនទៅតុលាការសហរដ្ឋអាមេរិក និងក្រុមហ៊ុន ហ្វេសប៊ុក ដ៏ធំរបស់អាមេរិក ដេីម្បីឲ្យសេីរេីនិងពិនិត្យមេីលឡេិងវិញពីចំនួនចុចចូលចិត្ត (Likes) របស់ ពលរដ្ឋខ្មែរក៏ដូចជាពលរដ្ឋដទៃទៀតនៅទូទាំងពិភពលោក ដែលនាំឲ្យនាយករដ្ឋមន្ត្រីខ្មែរ ជាប់ ជាចំណាត់ថ្នាក់មានប្រជាប្រិយភាពបំផុតលេខ៣ នៅទូទាំងពិភពលោកគឺឈ្នះដាច់ទាំង ប្រធានាធិបតិចិន ស៊ី ហ្សីនពីង និងប្រធានាធិបតីរុស្សី លោក ប្លាឌីម៊ែរ ពូទីន ទៅទៀត។
តាមរបាយការណ៏របស់សហគ្រាសទំនាក់ទំនងសាធារណះនៃក្រុមហ៊ុន Burson –Marsteller ដែលមានមូលដ្ឋាននៅសហរដ្ឋអាមេរិក បានប្រកាសជាផ្លូវការកាលពីថ្ងៃ ទី ៩ កុម្ភះ ឆ្នំា ២០១៨ ថា លោកនាយករដ្ឋមន្ត្រី ហ៊ុន សែនគឺជាមេដឹកនាំសាធារណះពិភពលោក ជាប់ចំណាត់ថ្នាក់ទី៣ ដែលមានប្រជាប្រិយភាពជាងគេបំផុតលេីបណ្តាញផ្សព្វផ្សាយសង្គមហ្វេសប៊ុក (Facebook) បន្ទាប់ពីប្រធានាធិបតីឥណ្ឌា លោក ណារិនដ្រា ម៉ូឌី ដែលជាប់ចំណាត់ថ្នាក់លេខ២ ហេីយលោក ដូណាល់ ត្រាំ ប្រធានាធិបតីសហរដ្ឋអាមេរិក ជាប់ចំណាត់ថ្នាក់លេខ១។
កាលពីម្សិលមិញ មេធាវីរបស់ខ្ញុំនោសហរដ្ឋអាមេរិកបានដាក់សំណេីរទៅតុលាការសហរដ្ឋអាមេរិក ដើម្បីតម្រូវឲ្យក្រុមហ៊ុនអាមេរិកាំង Facebook ផ្តល់ព័ត៌មាន និងទិន្នន័យ ដែលបញ្ជាក់ថាលោក ហ៊ុន សែន ប្រើប្រាស់បណ្តាញសង្គម Facebook ក្នុងគោលបំណងបំភ័ន្តសាធារណមតិ ដោយបំប៉ោងប្រជាប្រិយភាពក្លែងក្លាយរបស់គាត់ ហើយគាត់ក៏បានប្រើប្រាស់បណ្តាញ Facebook នេះ ដើម្បីគម្រាមកំហែងប្រជារាស្ត្រខ្មែរ និងផ្សព្វផ្សាយព័ត៌មានមិនពិត។ និយាយសង្ខេបទៅ លោក ហ៊ុន សែន ប្រើប្រាស់ប្រព័ន្ធ Facebook ដើម្បីភូតកុហកអ្នកដទៃ និងពង្រឹងអំណាចផ្តាច់ការរបស់គាត់ នៅប្រទេសកម្ពុជា ដែលជាទង្វើផ្ទុយពីក្រមសីលធម៌ របស់ក្រុមហ៊ុន Facebook។
មេធាវីអន្តរជាតិបីរូប កំពុងតំណាងក្តី ឲ្យអតីតប្រធានគណបក្សសង្គ្រោះជាតិលោក សម រង្ស៊ី ដែលដាក់ពាក្យប្ដឹងទៅកាន់ក្រុមហ៊ុនហ្វេសប៊ុក (Facebook) នៅតុលាការអាមេរិក ក្នុងរដ្ឋកាលីហ្វ័រញ៉ា (California) ដើម្បីទាមទារឲ្យក្រុមហ៊ុនយក្ស ផ្នែកបណ្ដាញសង្គមមួយនេះ បង្ហាញភស្តុតាងទាំងឡាយពាក់ព័ន្ធនឹងលោកនាយករដ្ឋមន្ត្រី ហ៊ុន សែន និងគូកន ដែលប្រើទំព័រហ្វេសប៊ុក ក្នុងការបោកបន្លំរាស្ត្រម្ចាស់ឆ្នោត ដោយការទិញ “Likes” និង រលោភសិទ្ធិមនុស្សផ្សេងរបស់លោក នាយករដ្ឋមន្ត្រី ដែលបានកំពុងកាន់អំណាចនៅកម្ពុជារយះពេលជាង៣៣ឆ្នាំមកហេីយ។
លោកនាយករដ្ឋមន្ត្រី នៅពេលនេះមិនគ្រាន់តែជាមេដឹកនាំខ្មែរមានអំណាចបំផុតនៅកម្ពុជានោះទេ តែលោកក៏ជាមេដឹកនាំនយោបាយខ្មែរដែលមានប្រជាប្រិយភាពបំផុតនៅលេីបណ្តាញសង្គមហ្វេស
ប៊ុកផងដែរ ដោយនៅពេលនេះ ចំនួនចុចចូលចិត្ត (Likes) លេីហ្វេសប៊ុករបស់លោកមានចំនួនដល់ ទៅជិត១០លាននាក់ហេីយនៅថ្ងៃនេះ។
ថ្ងៃនេះទំព័រហ្វេសប៊ុករបស់លោក ហ៊ុន សែន មានចំនួនចូលចិត្ត ឬ “Likes” ៩,៤ លាន។ តើនេះជាចំណុច ដែលនាំឲ្យមានការសង្ស័យ ថាលោក ហ៊ុន សែន ទិញ “Likes” និង ដែលនាំឲ្យលោក សម រង្ស៊ី ដាក់ពាក្យប្ដឹងនោះ?៕
0 comments:
Post a Comment