លោកឡាយ ណារិទ្ធ ស្នងការរងខេត្តតាកែវ (ពាក់អាវយឺតខៀវ) ត្រូវបានវ៉ៃខ្នោះដៃ
ពេលបញ្ជូនមកតុលាការនារសៀលនេះ។
តុលាការភ្នំពេញនៅរសៀលថ្ងៃ សៅរ៍នេះ។
សមត្ថកិច្ចក្រសួងមហាផ្ទៃនៅរសៀល ថ្ងៃទី៣១ ខែមីនា ឆ្នាំ២០១៨នេះបានបញ្ជូនជនសង្ស័យ ៥ នាក់ក្នុងចំណោមមន្ត្រីនគរបាលខេត្តតាកែវចំនួន៨នាក់ ហេីយក្នុងនោះមានស្នងការរង ខេត្ត តាកែវម្នាក់គឺលោកឡាយ ណារិទ្ធ ដែលត្រូវជាបងប្រុសបង្កើតរបស់លោក ឡាយ វណ្ណៈ អតីត អភិបាលខេត្តតាកែវ ពាក់ព័ន្ធករណី ឃាតកម្មដ៏កក្រើកសម្លាប់ស្ត្រីស្រស់ស្អាតម្នាក់ នៅក្រុងដូនកែវ ខេត្តតាកែវ ទៅដល់សាលាដំបូងរាជធានីភ្នំពេញហើយ ដើម្បីបន្តនីតិវិធី បន្ទាប់ពីបញ្ចប់ការសួរនាំ រួចរាល់ហើយនោះ។
ជនសង្ស័យទាំង៥នាក់នេះ គឺស្ថិតក្នុងចំណោម៨នាក់ ដែលត្រូវបាននគរបាលនាយកដ្ឋាន ព្រហ្មទណ្ឌ ក្រសួងមហាផ្ទៃឃាត់ខ្លួន កាលពីថ្ងៃទី២៩ ខែមីនា ឆ្នាំ២០១៨ ដើម្បីសួរនាំជុំវិញ ករណីស្ត្រីស្រស់ស្អាតម្នាក់ស្លាប់ នៅក្រុងដូនកែវ ខេត្តតាកែវ កាលពីចុងខែមករា ឆ្នាំ២០១៨ បន្ទាប់ពីករណីស្លាប់នេះ មានហេតុផលមិនសមរម្យ មួយចំនួន។
តែយ៉ាងណាបើតាមការបញ្ជាក់របស់មន្ត្រីនគរបាលជាន់ខ្ពស់ក្រសួងមហាផ្ទៃ បានឲ្យដឹងថា ក្រោយការជជីកសួរនាំករណីស្ដ្រីស្រស់សោភា វ័យ៣៦ឆ្នាំ ចែវ សុវឌ្ឍនា ដែលត្រូវបានគេប្រទះ ឃើញ ចងកសម្លាប់ខ្លួននៅក្រុងដូនកែវនោះ បានលេចចេញពីពន្លឺថា គឺករណីនេះមិនមែនជាអំពើ អត្តឃាតនោះទេ គឺវាជាអំពើឃាតកម្ម។
មន្ដ្រីនគរបាលជាន់ខ្ពស់ក្រសួងមហាផ្ទៃ បានបញ្ជាក់នៅល្ងាចថ្ងៃទី៣០ ខែមីនា ឆ្នាំ២០១៨ថា ករណី នេះជនពាក់ព័ន្ធមួយចំនួន បានសារភាពអស់ហើយ ប៉ុន្តែមិនទាន់ដឹងច្បាស់ថាអ្នកណាជា អ្នកបញ្ជា។ សមត្ថកិច្ចកំពុងជជីកសួរនាំ តើនរណាជាមេក្លោងនៅក្រោយខ្នងអំពើឃាតកម្ម ជាអ្នកឲ្យសម្លាប់ ស្ដ្រីរងគ្រោះ។
ដំណើរការសួរនាំ ទៅលើមនុស្សទាំង៨នាក់ រួមមាន៖ ស្នងការរង លោក ឡាយ ណារិទ្ធ, នគរបាល បច្ចេកទេស និងនគរបាលព្រហ្មទណ្ឌក្រុងដូនកែវ បាននិងកំពុងបន្ដដើម្បីឈានទៅដល់ការ បំបែក អំពើឃាតកម្ម ដ៏កក្រើកនៅតាមបណ្ដាញសង្គមមួយនេះ។
សូមបញ្ជាក់ថា អ្នកស្រី ចែវ សុវឌ្ឍនា ដែលមានកូន៣នាក់ ត្រូវបានគេប្រទះឃើញចងកក្នុង បន្ទប់ដេក នៃផ្ទះជួលដ៏ធំរបស់ខ្លួន ក្នុងភូមិផ្សារតាកោរ សង្កាត់រការក្នុង ក្រុងដូនកែវ ខេត្តតាកែវ កាលពីល្ងាចថ្ងៃទី២៦ ខែមករា ឆ្នាំ២០១៨កន្លងទៅ ដែលករណីនេះក្រោយកើតហេតុភ្លាមៗ ត្រូវ បានសមត្ថកិច្ចដាក់ការសង្ស័យថា មានវិបត្តិស្នេហា។ ប៉ុន្ដែតាមព័ត៌មានច្បាស់ការណ៍មួយចំនួន ដែលប្រមូលបានករណីនេះ ស្ថិតនៅក្នុងវាំងននខ្មៅ ដោយភាគរយខ្ពស់បំផុត គេអះអាងថា ស្រ្ដី រងគ្រោះមិនបានចងកសម្លាប់ខ្លួន ដោយចិត្តឯងនោះឡើយ ដែលឈានមកដល់ការឃាត់ខ្លួន មន្ត្រីនគរបាលខេត្តតាកែវចំនួន៨នាក់ ហេីយអ្នកពាក់ព័ន្ធពិតប្រាកដមានតែ៥នាក់ទេ៕
0 comments:
Post a Comment