លោក ឧបនាយករដ្ឋមន្ត្រី ប៊ិន ឈិនដេីម្បីប្រធានថ្មី គឺលោក អ៊ុក ភា នៅព្រឹកមិញនេះ។
អតីតអភិបាលខេត្តតាកែវ
លោក ឡាយ វណ្ណៈ បានចេញមុខប្រឆាំងនឹងក្រុមមន្ត្រីនគរបាល នាយករដ្ឋានព្រហ្មទណ្ឌនៃក្រសួងមហាផ្ទៃ
ដែលបានចោទថាលោកបានសម្លាប់ស្រីកំណាន់របស់ខ្លួន គឺអ្នកនាង ចេវ សុវឌ្ឍនា។
លោក ឡាយ ណារិទ្ធ ដែលជាបងប្រុសរបស់លោក ឡាយ វណ្ណៈ និងជាស្នងការរងនគរបាលខេត្តនេះផងដែរនោះ និងមនុស្ស៤នាក់ទៀត ត្រូវបានសមត្ថកិច្ចក្រសួងមហាផ្ទៃចាប់ខ្លួន និងបញ្ជូនខ្លួនទៅសាលាដំបូងរាជធានីភ្នំពេញ កាលពីថ្ងៃម្សិលមិញនិងបន្តសាកសួរនៅថ្ងៃនេះទៀត ដោយសង្ស័យថា មានជាប់ពាក់ព័ន្ធនឹងឃាតកម្មទៅលើស្ត្រីម្នាក់ឈ្មោះ ចែវ សុវឌ្ឍនា កាលពីខែមករាកន្លងមក ។
នៅលើទំព័រហ្វេសប៊ុលរបស់លោកកាលពីល្ងាចថ្ងៃម្សិលមិញ អតីតអភិបាលខេត្តតាកែវ លោក ឡាយ វណ្ណៈ បានសារភាពថា លោកមានទំនាក់ទំនងស្នេហាជាមួយអ្នកនាង ចេវ សុវឌ្ឍនា រយៈពេលមួយឆ្នាំមកហើយ មុននឹងលោកសុំផ្ដាច់ទំនាក់ទំនងនេះទៅវិញ ប៉ុន្តែ លោកថា នាងមិនព្រម ក៏ខឹងសម្បាហើយក៏ធ្វើអត្តឃាតខ្លួនឯងដោយចងក។
ទោះជាយ៉ាងណា លោក ឡាយ វណ្ណៈ បានរៀបរាប់បន្តថា លោក និងបងប្រុសរបស់លោក មិនបានសម្លាប់ស្ត្រីរូបនោះឡើយ ដោយថា លោក និងបងប្រុសរបស់លោក ពុំមានចិត្តបាបនោះឡើយ។
លោក ឡាយ វណ្ណៈ រៀបរាប់ថា៖ «ខ្ញុំសូមបដិសេធទាំងស្រុងនូវរាល់ការចោទប្រកាន់ដែលថា រូបខ្ញុំ និងបងប្រុសខ្ញុំ បានសម្លាប់ប្អូនស្រី ចេវ សុវឌ្ឍនា។ ខ្ញុំ និងបងប្រុសខ្ញុំ ពុំមានចិត្តបាបសហាវព្រៃផ្សៃសម្លាប់គាត់ទេ»។
លោក ឡាយ វណ្ណៈ ត្រូវបានលោកនាយករដ្ឋមន្ត្រី ហ៊ុន សែន សម្រេចដកហូតតំណែងពីអភិបាលខេត្តតាកែវ និងផ្ទេរឲ្យទៅបម្រើការងារនៅទីស្ដីការក្រសួងមហាផ្ទៃ កាលពីថ្ងៃទី២៦ ខែមីនានេះ។
អតីតអភិបាលខេត្តរូបនេះ ត្រូវបានរដ្ឋាភិបាលសម្រេចផ្លាស់ប្ដូរចេញតែ ២ខែក្រោយពីអ្នកស្រី ចេវ សុវឌ្ឍនា ត្រូវបានប្រទះឃើញចងកស្លាប់នៅក្នុងផ្ទះជួលដ៏ធំរបស់នាងនៅ ស្រុកដូនកែវ ខេត្តតាកែវ កាលពីថ្ងៃទី២៦ ខែមករា។
លេីសពីនេះ លោកឡាយ វណ្ណះ នៅថ្ងៃ ទី ១ មេសានេះ លោកបានបង្ហោះសារថ្មីមួយទៀតទាក់ទង នឹងការស្លាប់របស់ស្រ្តីខាងលេីដោយលោកបញ្ជាក់ថា “ការប៉ុនប៉ងធ្វេីអត្តឃាតរបស់ប្អូនស្រី ចេវ សុវឌ្ឍនា មានជាច្រេីនដង! លេីកទី១ គាត់បានលេបថ្នាំសម្លាប់ខ្លួននៅថ្ងៃទី ១២/11/2016 ហេីយ ត្រូវបានមិត្តភ័ក្ត្ររបស់គាត់នាំទៅមន្ទីរពេទ្យកាល់ម៉ែត្រសង្គ្រោះទាន់ពេលវេលា! រាល់ពេលគាត់ខឹង ម្តងៗ គាត់តែងតែចង់ធ្វេីអត្តឃាត!”។
ទោះជាយ៉ាងណា អ្នកនាំពាក្យក្រសួងមហាផ្ទៃ លោក ខៀវ សុភ័កបញ្ជាក់ថា លោក ឡាយ វណ្ណះ អាចជាប់ពាក់ព័ន្ធនឹងករណីស្លាប់របស់ស្រ្តីស្រស់សោភាខាងលេីនេះ៕
អ្នកស្រី ចែវ សុវឌ្ឍនា ពេលចូលដេកពេទ្យកាល់ម៉ែត្រ កន្លងមក ក្រោយលេបថ្មាំសម្លាប់ខ្លួន មិនបានសម្រេច។
0 comments:
Post a Comment