Home
»
នយោបាយនិងការទូត
» លោកសម រង្ស៊ីជូនពរជនរួមជាតិក្នុងឱកាសបុណ្យចូលឆ្នាំថ្មីដោយ សង្ឃឹមថានឹងមានការ បោះឆ្នោតដោយសេរី និងត្រឹមត្រូវ
លោកសម រង្ស៊ីជូនពរជនរួមជាតិក្នុងឱកាសបុណ្យចូលឆ្នាំថ្មីដោយ សង្ឃឹមថានឹងមានការ បោះឆ្នោតដោយសេរី និងត្រឹមត្រូវ
ខណះពេលដែលប្រជាពលរដ្ឋខ្មែរនៅទូទាំងប្រទេស ត្រៀមនឹងរៀបចំពិធីបុណ្យចូលឆ្នាំថ្មីប្រពៃណីជាតិ ទទួលទេវតាឆ្នាំថ្មី
ឆ្នាំច ដែលនឹងឈានចូលមកនាថ្ងៃសៅរ៍ ទី១៤ ខែមេសានេះ ប្រធានចលនា សង្គ្រោះជាតិ លោក សម រង្ស៊ី នៅឯក្រៅប្រទេស បានសរសេរសារជូនពរពលរដ្ឋខ្មែរនៅលើទំព័រគណនេយ្យហ្វេសប៊ុករបស់លោកថា ក្នុងឱកាសបុណ្យចូលឆ្នាំថ្មី ប្រពៃណីខ្មែរនេះ សម្រាប់រូបលោក និងអ្នកតស៊ូទាំងអស់ ក្នុងជួរគណបក្សសង្គ្រោះជាតិ និងចលនាសង្គ្រោះជាតិ នឹងខិតខំទាំងអស់គ្នា ធ្វើយ៉ាងណាឲ្យប្រជារាស្ត្រខ្មែរ ចាប់ផ្តើមបានឃើញនូវពន្លឺប្រជាធិបតេយ្យ សេរីភាព និង យុត្តិធម៌ យ៉ាងពិតប្រាកដ។
ជាពិសេស លោកសូមឲ្យដំណើរការបោះឆ្នោតក្លែងក្លាយសព្វថ្ងៃ ក្លាយទៅជាដំណើរការបោះឆ្នោតត្រឹមត្រូវវិញ ក្នុងពេលមួយសមស្រប ដើម្បីឲ្យប្រជារាស្ត្រខ្មែរ មានឱកាសបង្ហាញឆន្ទៈរបស់ពួកគេ បានយ៉ាងពិតប្រាកដ ដែលអ្នកនយោបាយទាំងអស់ ត្រូវតែគោរពដាច់ខាត។
ជាមួយគ្នានេះដែរ លោកនាយករដ្ឋមន្ត្រី លោក ហ៊ុន សែន
នៅក្នុងប្ឬតេសវិញ ដែលក៏បានជូន ពរពលរដ្ឋខ្មែរ ក្នុងឱកាសដ៏វិសេសវិសាលនេះដែរ តែលោកក៏មិនភ្លេចឡើយបង្កប់អត្ថន័យនយោបាយនៅក្នុងសារជូនពរឆ្នាំថ្មីរបស់លោក។ ទំនងជាភ័យខ្លាចពលរដ្ឋខ្មែរធ្វើពហិការមិនទៅចូលរួមបោះឆ្នោត
លោក ហ៊ុន
សែន លើកឡើងនៅផ្នែកខាងដើមបង្អស់នៃសារជូនពររបស់លោកថា ឆ្នាំច ដែលជាឆ្នាំថ្មីនេះ
គឺជាឆ្នាំ ដែលរដ្ឋាភិបាលរបស់លោក នឹងត្រូវរៀបចំការបោះឆ្នោតជ្រើសតាំងតំណាងរាស្ត្រនីតិកាលទី៦ នៃរដ្ឋសភា។ លោកបានឆ្លៀតឱកាសអំពាវនាវដល់ប្រជាពលរដ្ឋខ្មែរនៅទូទាំងប្រទេស ឲ្យទៅចូលរួមបោះឆ្នោតជ្រើសតាំងតំណាងរាស្ត្រ
នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ ឲ្យបានគ្រប់គ្នាកុំបីខាន ដើម្បីអនុវត្តន៍សិទ្ធិពលរដ្ឋ ក្នុងឋានៈជាម្ចាស់ជោគវាសនានៃប្រទេសរបស់ខ្លួន។
លោក នាយករដ្ឋមន្ត្រី ក៏បានលើកឡើងនៅក្នុងសារនោះដែរថា រដ្ឋាភិបាល របស់លោកបានទប់ស្កាត់ដោយជោគជ័យ តាមរយៈវិធានការច្បាប់ដ៏ម៉ឺងម៉ាត់ ធ្វើឲ្យបដិវត្តពណ៌ត្រូវបានបរាជ័យយ៉ាងធ្ងន់ធ្ងរព្រមទាំងបញ្ចៀសបាននូវគ្រោះមហន្តរាយជាថ្មីនេះ៕
.jpg)
0 comments:
Post a Comment