.jpg)
លោកសម រង្ស៊ី និង លោក បណ្ឌិត.
Fadli Zon អនុប្រធានរដ្ឋសភា
នៃប្រទេសឥណ្ឌូនេស៊ី
ថ្លែងទៅកាន់អ្នកសារព័ត៌មាន នៅសភាឥណ្ឌូនេស៊ី កាលពីថ្ងៃ ទី ១៧ មេសា។
លោកសម រង្ស៊ីនិងក្រុមមន្ត្រីគណបក្សប្រឆាំងនៅតែមានជំនឿយ៉ាងមុតមាំថា សហគមន៍អន្តរជាតិ
ជាពិសេសប្រទេសជប៉ុន និងឥណ្ឌូណេស៊ីនឹងជួយស្វែងរកដំណោះស្រាយ បញ្ចប់ជម្លោះនយោ បាយនៅកម្ពុជាបាន ដើម្បីបើកឱកាសឲ្យគណបក្សសង្គ្រោះជាតិចូលរួមប្រកួតប្រជែងបោះ ឆ្នោតនៅ
ខែ កក្កដា ឆ្នាំ២០១៨នេះ។
លោក សម រង្ស៊ី ប្រធានចលនាបក្សសង្គ្រោះជាតិ
ដែលមានមូលដ្ឋាននៅក្រៅប្រទេសកាលពីថ្ងៃ
ទី ១៧ មេសា ២០១៨ និងគណៈប្រតិភូ អតីតតំណាងរាស្ត្រខ្មែរ មកពីគណបក្សសង្គ្រោះជាតិមួយ ចំនួនក៏បានជួបជាមួយ លោក បណ្ឌិត. Fadli Zon អនុប្រធានរដ្ឋសភា នៃប្រទេសឥណ្ឌូនេស៊ី និង តំណាងរាស្ត្រ ឥណ្ឌូនេស៊ីមួយចំនួនទៀត នៅមន្ទីររដ្ឋសភាឥណ្ឌូនេស៊ី ក្នុងទីក្រុងហ្សាកាតា (Jakarta) ដេីម្បីស្វះស្វែងរកការជ្រោមជ្រែង ពីប្រទេសហត្ថលេខីនៃកិច្ចព្រមព្រៀងសន្តិភាពទីក្រុង ប៉ារីស ២៣ តុលា ឆ្នាំ ១៩៩១ នេះ ជួយធ្វេីយ៉ាងណាឲ្យគណបក្សប្រឆាំងដ៏ធំនៅកម្ពុជាវិលចូលឆាក នយោបាយវិញ។
មុនជំនួបខាងលេីនេះ លោកសម រង្ស៊ីបានថ្លែងនៅក្នុងជំនួបជាមួយពលករខ្មែរនៅប្រទេសជប៉ុន កាលពីថ្ងៃទី១៣
មេសាថា របបរបស់លោក ហ៊ុន សែន ដឹកនាំប្រទេសបច្ចុប្បន្ននេះ មិនខុសពីរបប ប៉ុល ពត នោះទេ តែយ៉ាងនេះក្ដី លោក
សម រង្ស៊ី មានជំនឿថា កម្ពុជានឹងមានដំណោះស្រាយនយោបាយក្នុងពេលឆាប់ៗនេះ
ព្រោះថា របបលោក ហ៊ុន
សែន មិនអាចនៅឯកោដឹកនាំប្រទេសតែឯងបានទេ។ កម្ពុជាត្រូវការ ប្រទេសផ្សេងៗទៀតជាមិត្ត
ពិសេសកម្ពុជានៅតែពឹងលើជំនួយ និងទីផ្សារអន្តរជាតិ ដើម្បីដកដង្ហើមសេដ្ឋកិច្ចបាន។ ទី ១៧ មេសា ២០១៨ និងគណៈប្រតិភូ អតីតតំណាងរាស្ត្រខ្មែរ មកពីគណបក្សសង្គ្រោះជាតិមួយ ចំនួនក៏បានជួបជាមួយ លោក បណ្ឌិត. Fadli Zon អនុប្រធានរដ្ឋសភា នៃប្រទេសឥណ្ឌូនេស៊ី និង តំណាងរាស្ត្រ ឥណ្ឌូនេស៊ីមួយចំនួនទៀត នៅមន្ទីររដ្ឋសភាឥណ្ឌូនេស៊ី ក្នុងទីក្រុងហ្សាកាតា (Jakarta) ដេីម្បីស្វះស្វែងរកការជ្រោមជ្រែង ពីប្រទេសហត្ថលេខីនៃកិច្ចព្រមព្រៀងសន្តិភាពទីក្រុង ប៉ារីស ២៣ តុលា ឆ្នាំ ១៩៩១ នេះ ជួយធ្វេីយ៉ាងណាឲ្យគណបក្សប្រឆាំងដ៏ធំនៅកម្ពុជាវិលចូលឆាក នយោបាយវិញ។
លោក សម រង្ស៊ី បន្ថែមថា លោក ហ៊ុន សែន កំពុងតែធ្វើនយោបាយប្រជាភិថុតិ លើយុវជន និងកម្មកររោងចក្រ ដែលលោកដឹកនាំមិនល្អ ធ្វើឲ្យរោងចក្រមួយចំនួន បង្ខំចិត្តបិទទ្វារ ហើយលោក ហ៊ុន សែន ចេញមុខផ្ដល់លុយឲ្យកម្មករម្នាក់បន្តិចបន្តួចនោះ មិនអាចធានានិរន្តរភាពសេដ្ឋកិច្ចរបស់ក្រុមគ្រួសាររបស់កម្មករបានយូរអង្វែងឡើយ។
លោក សម រង្ស៊ី ប្ដេជ្ញាថា នៅពេលបោះឆ្នោតជាតិអាណត្តិទី៦ខាងមុខនេះ គណបក្សសង្គ្រោះជាតិនឹងចូលរួមបោះឆ្នោតបាន ពីព្រោះថា របបលោក ហ៊ុន សែន មិនអាចបោះឆ្នោតដែលគ្មានដៃគូប្រហាក់ប្រហែលចូលរួមប្រកួតបានទេ ដោយសារសហគមន៍អន្តរជាតិកំពុងតែឃ្លាំមើលការអនុវត្តរបស់លោក ហ៊ុន សែន បើមិនដូច្នោះទេ ប្រទេសម្ចាស់ជំនួយ សហភាពអឺរ៉ុប និងសហរដ្ឋអាមេរិក នឹងបិទ ការលើកលែងពន្ធផលិតផលរបស់កម្ពុជាជាមិនខាន។
ប៉ុន្តែលោកសុខ ឥសានអ្នកនាំពាក្យគណបក្សកាន់អំណាច អះអាងថា គណបក្សប្រឆាំងបរាជ័យលើការពឹងពាក់បរទេស ឲ្យជួយអន្តរាគមន៍ទៅរដ្ឋាភិបាលលោក នាយករដ្ឋមន្ត្រីហ៊ុន សែន ស្វែង រកដំណោះស្រាយនយោបាយនោះ។
លោក សុខ ឥសាន បានសរសេរនៅលើប្រព័ន្ធតេឡេហ្គ្រាម (Telegram) នៅថ្ងៃទី១៦ មេសា ថា
នៅពេលបោះឆ្នោតជ្រើសតាំងតំណាងរាស្ត្រនាថ្ងៃទី២៩ ខែ កក្កដា ខាងមុខនេះ ច្បាស់ជាអត់មានវត្តមានគណបក្សប្រឆាំងដែលលោកថា បានស្លាប់ទៅហើយនោះទេ។ លោកបន្ថែមថា ទោះបីជាគ្មានបក្សប្រឆាំង ក្នុងការបោះឆ្នោតក្ដី ក៏នៅមានគណបក្សជាច្រើនទៀតចូលប្រកួតប្រជែងបោះ ឆ្នោតដែរ។
លោកបន្តថា “ហើយការបោះឆ្នោតលើកនេះ នឹងប្រព្រឹត្តទៅប្រកបដោយប្រជាធិបតេយ្យ សេរី ត្រឹមត្រូវ និងយុត្តិធម៌ តាមឆន្ទៈរបស់ប្រជាពលរដ្ឋកម្ពុជាចង់បាន“។
អគ្គលេខាធិការដ្ឋាន នៃក្រុមប្រឹក្សាសហភាពអឺរ៉ុប ដែលជាគណៈរដ្ឋមន្ត្រីតំណាង ២៨ប្រទេស បានសម្រេចនៅក្រោយពីកិច្ចប្រជុំនៅ ទីក្រុងប្រ៊ុចសែល (Brussels) ប្រទេសប៊ែលហ្ស៊ិក (Belgium) កាលពីពេលថ្មីៗនេះថា ក្រុមប្រឹក្សាសហភាពអឺរ៉ុប ត្រូវតែចាត់វិធានការទណ្ឌកម្មជាក់លាក់មួយចំនួនទៅលើរបបក្រុងភ្នំពេញ ដើម្បីស្តារស្ថានការណ៍អាក្រក់នៅកម្ពុជាបច្ចុប្បន្ន ឲ្យវិលត្រឡប់ទៅរកភាពប្រក្រតីវិញ នៅមុនពេលបោះឆ្នោតជាតិខាងមុខ។
សេចក្ដីសន្និដ្ឋានរបស់ក្រុមប្រឹក្សាសហភាពអឺរ៉ុប ដែលមានកម្រាស់ ៤ទំព័រ ផ្ញើទៅគណៈប្រតិភូសហភាពអឺរ៉ុបទាំងអស់សរសេរថា សហភាពអឺរ៉ុប គ្មានជម្រើសអ្វីក្រៅពីដាក់ទណ្ឌកម្មលើរបបលោក ហ៊ុន សែន នោះទេ ប្រសិនបើស្ថានការណ៍រំលោភសិទ្ធិមនុស្ស និងលទ្ធិប្រជាធិបតេយ្យបច្ចុប្បន្ន នៅបន្តដដែលដូច្នេះនោះ។ ទណ្ឌកម្មនោះ គឺគ្មានអ្វីក្រៅពីការបញ្ឈប់ការអនុគ្រោះពន្ធនាំចេញសំលៀកបំពាក់ និងស្បែកជើង រួមទាំងទំនិញដទៃទៀត ដែលអឺរ៉ុបព្រមអនុគ្រោះដល់កម្ពុជានាពេលកន្លងមកនោះទេ។
អ្នកស្រី មួរ សុខហួរ អតីតតំណាងរាស្ត្រខេត្តបាត់ដំបង លើកលើកឡើងថា របបលោក ហ៊ុន សែន ត្រូវការភាពស្របច្បាប់ និងការទទួលស្គាល់ពីសហគមន៍អន្តរជាតិ បញ្ហានេះ ការបោះឆ្នោតនៅពេលខាងមុខ គណបក្សកាន់អំណាចមិនអាចរៀបចំការបោះឆ្នោត ដែលគ្មានដៃគូប្រកួត គឺគណបក្សសង្រ្គោះជាតិចូលរួមបានទេ។
ទោះជាយ៉ាងណាលោកនាយករដ្ឋមន្ត្រី ហ៊ុន សែនមិនទាន់បន្ទន់ឥរិយាបទរបស់លោក ទៅតាមការ ចង់បានរបស់សហគមន៏អន្តរជាតិ និងគណបក្សប្រឆាំងឡេីយ៕
0 comments:
Post a Comment